TO BƆNA WUU KRISTAKƆMA
Keendoma Tuni Mɛ Soŋera Yehowa Nɛreba
Nɛreba zo’e zo’e ka tɔresɛ nɛresɛba n tari kpe’eŋo. Ba ka tari buurɔ yoi? Diimi sa ta paɛ zina beere wa, nɛresɛba n tari kpe’eŋo tari ba kpe’eŋo la ita la bamam mea n boti sɛla. (Mik 7:3) Bisɛ to puurɛ n pee se’em la ban kumesɛ keendoma n boi tansugere la poan ti ba tara ba kpe’eŋo la soŋera Yehowa nɛreba.—Es 10:3; Mt 20:25, 26.
Keendoma ka ani wuu sɛba n tari kpe’eŋo tingɔŋɔ wa poan. Sɛla n sɔi ti keendoma tuna ba tuuma la dela bamam n nɔŋɛ Yehowa la a nɛreba la zuo. (Yon 21:16; 1Pe 5:1-3) Yezu pa’alegɔ la n soŋeri keendoma wa ti ba ta’an soŋera mabia woo n boi Yehowa yizuo la poan ti ba suure gã’a ma’asum ge me ta’an ana du’a du’a la Yehowa. Ba ni eŋɛ la kalam soŋɛ Yehowa piisi la se’em ma’a ti ba bɛ̃’ɛra bii se’em ma’a ti yeledi’ire paɛ ba. Ho san ɛɛra soŋerɛ, tiregɛ la ho sɔsɛ la keema n boi ya tansugere la poan.—Yam 5:14.
BISƐ VIDIYO LA ZUO N DE KEENDOMA N FABELI MABIISI YELE GE NYAA LEBESE SOKE ANA WA:
Mariana yuun nyɛ nyuurɔ la wani la keendoma la n soŋɛ en se’em la?
Elias yuun nyɛ nyuurɔ la wani la keendoma la n soŋɛ en se’em la?
Hon bisɛ vidiyo wa ba’asɛ la, la ani hon la wani la keendoma n tuni se’em la?