Ko’om N Ukeri Sa’ana Lɔɣɔrɔ​—Baabule La Yeti Bem?

Tingɔŋɔ wa za’a poan, nɛreba zo’e zo’e ŋmiberi mɛ la ko’om n ukeri paara ba se’em la. Bisɛ lasebaarɛ ana wa:

• “China tinkãtɛ poan, saa n daa ni Asibidaarɛ ta paɛ Atalatadaarɛ. La gaŋɛ yuun 140 n tole ti sakana taaba ka tabelɛ ni. Saa la n daa ni zo’e se’em dela millimita 744.8 (29.3 inches).”​—AP Lasebaarɛ, August 2, 2023.

• “Alamisidaarɛ n daa de n yi’i dabeserɛ ti kusebekãtɛ ti ba yi’ira ti Khanun la daa vuke Japan tiŋanɔɔrɛ bɔba, ti sakãtɛ me ni. Bala daa basɛ ti nɛreba bayi n ki. Kusebekãtɛ la wan basɛ ti saa ni paɛ wuu 0.6 meters (2 feet) Taiwan poan.”​—Deutsche Welle, August 3, 2023.

• “Bakwai la ba’asegɔ poan, sakãtɛ n ni uke [Nova Scotia] n boi Canada tiŋa, Atlantic ateko la bɔba. La gaŋɛ yuun 50 n wana ti sakãtɛ kana taaba ka ni tiŋa la poan.”​—BBC Lasebaarɛ, July 24, 2023.

Baabule la tɔɣɛ yele ana wa yele la wani?

La pa’alɛ ti to boi la ‘ba’asegɔ dabesa la’ poan

Baabule la yeti, to boi la ‘ba’asegɔ dabesa la’ poan. (2 Timoti 3:1) Yezu yuun tɔɣɛ biŋe ti to saŋa wa poan, ‘yɛla n tari dabeem’ wan bɔna. (Luke 21:11) Yeledi’ima n ta’asɛ ti yɛla tɛɛra se’em la dela sɛla ti to kan ta’an baŋɛ, la iti tabela mɛ ge me sa’ana lɔɣɔrɔ paa.

Sɛla n sɔi ti to tara beere sa’am puti’irɛ

Baabule la yeti yelese’a n iti tingɔŋɔ wa poan zina beere wa ti la dɛna dabeem la, dela sɛla n basɛ ti to tara beere sa’am puti’irɛ. Bem zuo? Yezu yeti: ‘Ya san nyɛ ti yele ana wa iti, ya mina ti Naayinɛ Na’am la pɔ̃ri.’​—Luke 21:31; Matu 24:3.

Yelese’a ti to nyɛta ti la ita la pa’alɛ ti la kan yue Naayinɛ Na’am la wan gu yelese’a n de wuu yeledi’ima la saa n niiri sa’ana lɔɣɔrɔ se’em la.​—Yob 36:27, 28; Yooma 107:29.

Ho san bɔta ti ho baŋɛ Naayinɛ Na’am la n wan basɛ ti tinparɛ wa tee ana soŋa se’em, bisɛ zaseŋɔ yele la zuo n de “Who Will Save the Earth?” (Ani N Wan Tee Tinparɛ Wa?)