Gabatarwa

Tambaya: Yawancin mutane suna so su kasance da ƙoshin lafiya. Me kake ganin za mu yi don mu rage yin rashin lafiya?

Nassi: Mis 22:3

Abin da Za Ka Ce: Wannan mujallar Awake! ta tattauna matakai masu kyau da za mu iya ɗauka don mu rage yin rashin lafiya.

Tambaya: Shin wane ne sanadiyyar wahalar da muke sha, Allah ne ko wani abu dabam?

Nassi: Ayu 34:10

Gaskiya: Allah ba shi ne sanadiyyar wahalar da muke sha ba. Amma wahalar da muke sha tana faruwa ne saboda Shaiɗan ko zaɓi marar kyau da muka yi ko kuma kasancewa a wani wuri a lokacin da bai dace ba. Sa’ad da muke shan wahala, Allah zai taimaka mana domin yana kula da mu sosai.

Tambaya: Shin kana ganin Allah ne yake mulkin duniya? [Ka bari ya ba da amsa.] Abin da Littafi Mai Tsarki ya faɗa zai iya sa ka mamaki. Bidiyon da zan nuna maka ya bayyana hakan. [Ka nuna masa bidiyon.]

Abin da Za Ka Ce: Babi na 11 na littafin nan ya nuna dalilin da ya sa Allah ya ƙyale wahala ta ci gaba da kuma yadda zai kawo ƙarshen ta. [Ka ba da Menene Ainihi Littafi Mai Tsarki Yake Koyarwa? ko kuma Me Za Mu Koya Daga Littafi Mai Tsarki?]