A ina ne za ka sami shawara mai kyau a yau?

A duniyar nan da take ta canjawa kowane lokaci, ta yaya za ka kasance da tabbacin cewa zaɓin da ka yi zai sa ka yi farin ciki? Mene ne ya tabbatar maka cewa abin da ake gani yana da kyau a yau, ba zai zama marar kyau gobe ba?

Littafi Mai Tsarki zai iya taimaka maka ka yi zaɓin da ba za ka yi da-na-sani ba. Ta yaya? Mahaliccinmu ne mawallafin Littafi Mai Tsarki, ya san abin da zai sa mu farin ciki kuma mu sami kwanciyar hankali.

Za mu iya kasance da tabbaci cewa shawarwarin da ke Littafi Mai Tsarki za su amfane mu. Kuma “tabbatattu ne har abada abadin.”—Zabura 111:8.

Zai dace ka bincika yadda Littafi Mai Tsarki zai taimaka maka a duniyar nan da take ta canjawa.