Mga Miting sa Serbisyo Para sa Oktubre
Semana sang Oktubre 2-8
10 min: Lokal nga mga pahibalo. Pinili nga Mga Pahibalo gikan sa Ang Aton Ministeryo sang Ginharian. Palig-una ang tanan nga taguon ang ila kopya sang “Theocratic Ministry School Schedule for 1996” nga ginlakip sa sining guwa sang Ang Aton Ministeryo sa Ginharian. Tagua ini sa madali makadtuan nga lugar para reperensya sa 1996.
15 min: “Dayawa Pirme si Jehova.” Pamangkot kag sabat. Ipadaku ang paggamit sang ginsitar kag ginbalikwat nga mga teksto sa Kasulatan.
20 min: “Itanyag ang mga Magasin sa Tanan nga Kahigayunan.” Ipaathag ang pangunang mga punto, kag nian repasuha ang mga artikulo sa bag-o nga mga guwa nga mahimo magamit sa pagtanyag sini. Ipasundayag ang duha ukon tatlo ka presentasyon.
Ambahanon 153 kag nagatakop nga pangamuyo.
Semana sang Oktubre 9-15
10 min: Lokal nga mga pahibalo. Report sa kwenta.
15 min: Lokal nga mga kinahanglanon. Ukon pamulongpulong sang isa ka gulang, “Pagsikway-Isa Bala ka Mahigugmaon nga Aman?” pasad sa Hulyo 15, 1995, Lalantawan, pahina 25-7.
20 min: “Nagapabilin Bala Kita nga Nagamata—Nagalikaw sa mga Tublag?” Pamangkot kag sabat. Kon may oras pa, maghatag sing dugang nga mga komento pasad sa Mayo 1, 1992, Lalantawan, pahina 20-2.
Ambahanon 128 kag nagatakop nga pangamuyo.
Semana sang Oktubre 16-22
10 min: Lokal nga mga pahibalo. Hatagi sing igtalupangod ang bukleta nga Good News for All Nations, nga nagaaman sing presentasyon sa mga ganhaan sa 59 ka lainlain nga hambal. Ipalig-on ang paggamit sini nga bukleta kon masumalang ang mga tawo nga nagahambal sing dumuluong nga hambal sa teritoryo.
15 min: Mangin Handa sa Paglugpay sa mga Nalisdan (pasad sa pahina 102-4 sang Reasoning nga libro). (3 min.) Ginapaathag sang utod nga may bahin nga wala ginasikway sang mga Saksi ni Jehova ang tanan nga kinabatasan nga may kaangtanan sa kamatayon. (5 min.) Ipasundayag kon paano mapaathag sang Saksi sa isa ka kaupod sa trabaho kon ngaa ginalikawan naton ang pila ka tradisyunal nga mga kinabatasan sang paglalaw para sa minatay, nagapasad sang paghinun-anon sa pahina 102-3 sang Reasoning nga libro. (7 min.) Binagbinagon upod sa tumalambong ang bahin sa ubos sang “If Someone Says—” sa pahina 103-4.
20 min: “Mga Pagduaw Liwat nga May Katuyuan.” Ipaathag ang aton mga tulumuron sa paghimo sing mga pagduaw liwat. Maghimos nga ipasundayag sang sangkol nga mga manugbantala ang duha ka Iainlain nga presentasyon. Ipaathag sang manugbantala kon paano ginagastuhan ini nga hilikuton.
Ambahanon 130 kag nagatakop nga pangamuyo.
Semana sang Oktubre 23-29
10 min: Lokal nga mga pahibalo. Mga Balita Teokratiko.
15 min: “Kinahanglan Naton ang Kongregasyon.” Pamangkot kag sabat.
20 min: Ipatuhoy ang Interes sa Organisasyon. Ang manugtatap sa pag-alagad nagasugilanon sa duha ukon tatlo ka manugbantala, nga nagagamit sang brosyur nga Mga Saksi ni Jehova—Nahiusa nga Nagahimo sang Kabubut-on sang Dios sa Bug-os nga Kalibutan. Ipaathag kon ngaa mapuslanon nga mahibaluan sang mga interesado kon paano nagapanghikot ang organisasyon, kon paano ang lainlain nga mga hilikuton ginahimos, kag kon paano sila madalahig. Repasuha ang mga punto gikan sa pahina 14 kag 15 sa “Mga Miting sa Pagpukaw sa Gugma kag Maayong mga Buhat.” Ginapasundayag sing malip-ot sang grupo kon paano mahimo malakip ining materyal sa isa ka paghambalanay sa pagduaw liwat ukon pagtuon sa Biblia agod buligan ang interesado nga maapresyar ang kinahanglanon nga magtambong.
Ambahanon 126 kag nagatakop nga pangamuyo.
Semana sang Okt. 30–Nob. 5
10 min: Lokal nga mga pahibalo. Bangod sang kalibutanon nga mga piesta opisyal sa Nobiembre kag Disiembre, palig-una ang tanan nga binagbinagon ang pagpalista subong mga auxiliary payunir.
15 min: Natilawan Mo Na Bala ang mga Referral? Isa ka pamulongpulong. Ang pila ka manugbantala nakasugod sing mga pagtuon sa Biblia sa sining paagi: Sa tapos magtuon upod sa isa ka interesado sa pila ka tion, ginapamangkot nila sia kon may kilala sia sa tunga sang iya mga abyan, mga himata, ukon mga kakilala nga ayhan interesado sa isa ka pagtuon sa Biblia. Sa masami ginahatag ang pila ka ngalan. Pamangkuta sia kon mahimo mo masambit ang iya ngalan kon nagaduaw sa sining mga indibiduwal. Kon nagaduaw, mahimo ka makasiling nga “naluyagan gid ni Kwan ang magtuon sang Biblia nga ginhunahuna niya nga luyag mo man makabenepisyo gikan sa amon walay bayad nga programa sang pagtuon sa Biblia.” Makahatag ini sing mabuligon nga listahan sang mga pagduaw liwat nga mahimo mangin mapatubason nga mga pagtuon sa Biblia. Ilakip ang isa ukon duha ka eksperiensia gikan sa mga manugbantala nga nakakita sing mga interesado ukon nakasugod sing bag-ong mga pagtuon sa sining paagi.
20 min: Pagtanyag sang New World Translation upod sa Libro nga The Bible—God’s Word or Man’s? sa Nobiembre. Repasuha ang mga impormasyon tuhoy sa New World Translation sa Reasoning nga libro, pahina 276-80. Basaha ang “Definition,” nga nagapaathag kon ngaa ginbalhag ini. Sabta ining mga pamangkot: Sa ano ginpasad ining badbad? Sin-o ang mga manugbadbad? Isa gid bala ini ka gintun-an sing maayo nga badbad? Ngaa gingamit ang ngalan nga Jehova sa Cristianong Griegong Kasulatan? Nian ipaathag kon ngaa nagapasalamat kita nga matigayon naton ini nga badbad. (Tan-awa ang “All Scripture” nga libro, pahina 331, parapo 22 kag 23.) Ipapasundayag sa isa ka sangkol nga manugbantala ang malip-ot nga presentasyon nga nagagamit sang panugod nga mga komento sa kapitulo 14 sang libro nga The Bible—God’s Word or Man’s?, pahina 184. Pahanumduma ang tanan sa pagkuha sing mga kopya para magamit sa pag-alagad sini nga semana.
Ambahanon 138 kag nagatakop nga pangamuyo.