Repaso sa Teokratikong Eskwelahan sa Pagministro
Nakatakop-libro nga repaso sa materyal nga gintuptupan sa mga asignatura sa Teokratikong Eskwelahan sa Pagministro para sa semana sang Septiembre 6 tubtob Disiembre 20, 1999. Maggamit sing tuhay nga panid sang papel agod sulatan sang mga sabat sa madamong pamangkot nga masabat ninyo sa ginatugot nga tion.
[Pahibalo: Sa tion sang nasulat nga repaso, Biblia lamang ang mahimo gamiton sa pagsabat sa bisan anong pamangkot. Ang mga reperensya nga nagasunod sa pamangkot para sa imo personal nga panalawsaw. Ang pahina kag numero sang parapo mahimo nga indi makita sa tanan nga reperensya sa Ang Lalantawan.]
Sabta ang tagsa ka masunod nga mga pinamulong sing Husto ukon Sala:
1. Gintugutan ni Jehova ang independiente nga paggahom sang tawo agod pamatud-an nga ang Iya paagi sang paggahom pirme husto kag makatarunganon. (Deut. 32:4; Job 34:10-12; Jer. 10:23) [w97 2/15 p. 5 par. 3] Husto.
2. Ginapakita sang Biblia nga ginapakamalaut sang Dios ang tanan nga pagreklamo. [w97 12/1 p. 30 par. 3-4] Sala. Madamong inhustisya kag problema sa malaut nga kalibutan nga ginapuy-an naton ang nagakinahanglan gid sing pagtadlong.
3. Ang pagkilala sa diosnon nga mga prinsipio sang pagkaulo kag maayong kahimusan magabulig sa mga ginikanan sa paghupot sing nagakaigo nga pagtamod sa mga butang upod sa ila minyo nga kabataan. (Gen. 2:24; 1 Cor. 11:3; 14:33, 40) [fy-HV p. 164 par. 6] Husto.
4. Ginapakita sang Marcos 6:31-34 nga si Jesus napahulag nga magkaluoy sa kadam-an bangod lamang sang ila balatian kag kaimulon. [w97 12/15 p. 29 par. 1] Sala. Napahulag si Jesus bangod sang ila espirituwal nga kahimtangan. Ginahingalitan sila sang ila relihiosong mga lider.
5. Kon ang isa ka Cristiano sang iban nga karnero indi makatambong sa Memoryal sang kamatayon ni Jesus, dapat niya ini saulugon pagligad sang isa ka bulan nahisuno sa prinsipio sa Numeros 9:10, 11. (Juan 10:16) [Semanal nga pagbasa sa Biblia; tan-awa ang w93 2/1 p. 31 par. 9.] Sala. Sanglit ang “iban nga karnero” wala nagapakigbahin sa mga emblema, indi na kinahanglan ang bisan anong dugang pa nga kahimusan.
6. Samtang wala ginakuha sang Cristianong mga lolo kag mga lola ang salabton sang amay kag iloy nga ipasalop ang mga kamatuoran sang Biblia sa ila mga anak, ang mga lolo kag mga lola makabulig sa espirituwal nga pagtubo sang isa ka bata. (Deut. 6:7; 2 Tim. 1:5; 3:14, 15) [fy-HV p. 168 par. 15] Husto.
7. Ginapakita sang Hulubaton 6:30 nga ang pagpangawat mahimo pasayluhon ukon pakamatarungon sa idalom sang pila ka sirkunstansia. [g97 11⁄8 p. 19 par. 2) Sala. Ginapakita sang bersikulo 31 nga silutan gihapon sang Dios ang makawat tungod sa iya sala.
8. Sang 1530, si William Tyndale amo ang una nga naggamit sang ngalan sang Dios, nga Jehova, sa Ingles nga badbad sang Hebreong Kasulatan. [w97 9/15 p. 28 par. 3] Husto.
9. Sa karon, ang antitipiko nga siudad nga dalangpan amo ang aman sang Dios agod amligan kita gikan sa kamatayon tungod sang paglapas sa iya sugo tuhoy sa pagkabalaan sang dugo. (Num. 35:11) [Semanal nga pagbasa sa Biblia; tan-awa ang w95 11/15 p. 17 par. 8.] Husto.
10. Ang ngalan nga Deuteronomio, nga nagakahulugan sing “Ikaduhang Kasuguan,” nagakaigo bangod ini nga tulun-an sang Biblia pagsulit lamang sang Kasuguan. [Semanal nga pagbasa sa Biblia; tan-awa ang si-E p. 36 par. 4.] Sala. Suno sa Deuteronomio 1:5, isa ini ka pagpaathag sa Kasuguan, kag nagaunod ini sing madamong hamili nga prinsipio nga makabulig sa aton sa karon.
Sabta ang masunod nga mga pamangkot:
11. Ano ang ginalarawan sang duha ka tinapay nga may lebadura nga gindulot sang mataas nga saserdote sa Piesta sang Pentecostes? (Lev. 23:15-17) [Semanal nga pagbasa sa Biblia; tan-awa ang w98 3/1 p. 13 par. 21.] Ang tinapay nga may lebadura nagalarawan sa 144,000 ka di-himpit nga mga tawo nga ‘ginbakal [ni Jesus] para sa Dios’ agod mag-alagad subong “isa ka ginharian kag mga saserdote”; ang katunayan nga ining mga manuggahom naghalin sa duha ka grupo sang makasasala nga katawhan, ang mga Judiyo kag mga Gentil, mahimo man malarawan sang duha ka tinapay. (Bug. 5:9, 10; 14:1, 3) (Bastante na ang ideya)
12. San-o nagsugod ang Cristianong Paghinugyaw, kag ano nga sahi sang kahilwayan ang ginhatag sini sadto? (Lev. 25:10) [Semanal nga pagbasa sa Biblia; tan-awa ang w95 5/15 p. 24 par. 14.] Nagsugod ini sang Pentecostes sang 33 C.E., sang ang mga nakabaton sang ginpasagahay nga balaan nga espiritu ginhilway gikan sa pagkaulipon sa Mosaikong Kasuguan nga katipan.
13. Suno sa rekord sang tulun-an sang Numeros, sa anong tatlo ka butang nasandig ang kaluwasan? [si-E p. 30 par. 1] (1) Pagpakabalaan sa ngalan ni Jehova, (2) pagtuman sa iya sa tanan nga sirkunstansia, kag (3) pagpakita sing pagtahod sa iya mga tiglawas.
14. Sa anong paagi si Moises isa ka maayong halimbawa sa pagpakita nga wala sia sing mahisaon nga espiritu? (Num. 11:29) [Semanal nga pagbasa sa Biblia; tan-awa ang w95 9/15 p. 18 par. 11.] Nalipay sia sang ang iban nakabaton sing mga pribilehiyo sa pag-alagad. Wala niya ginhandum ang himaya para sa iya kaugalingon.
15. Paano ginailustrar sang kaso nanday Core, Datan, kag Abiram nga ang pagkakita sa isa ka butang wala pirme nagaresulta sa pagpati? [w97 3/15 p. 4 par. 2] Nakita nila ang napulo ka kalalat-an sa Egipto, ang milagruso nga pagpalagyo sang mga Israelinhon paagi sa Dagat nga Mapula, ang kamatayon ni Paraon kag sang iya hangaway, kag ang labaw sa kinaugali nga hitabo sa Bukid Sinai. Apang, wala madugay pagkatapos sadto, nagribok sila batok kay Jehova kag sa iya gintangdo nga mga alagad. (Ex. 7:19–11:10; 12:29-32; Num. 16:1-35; Deut. 4:11, 12; Sal. 136:15) (Bastante na ang ideya)
16. Anong duha ka paagi sang pagpadungog sa tigulang nga mga ginikanan ang ginapadaku sa Mateo 15:3-6 kag 1 Timoteo 5:4? [fy-HV p. 173-5 par. 2-5] Ang nagakaigo nga balos kag pagtahod dapat ihatag sa mga ginikanan kag sa mga lolo kag lola, bisan nga nagamasakit sila kag maluya.
17. Anong importante nga leksion ang ginapadaku sa Numeros 26:64, 65? [Semanal nga pagbasa sa Biblia; tan-awa ang g95-HV 8/8 p. 10-11 par. 5-8.] Indi kita mahimo magpakasala nga indi masilutan.
18. Paano ang halimbawa ni Finehas nagabulig sa aton nga mahangpan kon ano ang kahulugan sang dedikasyon kay Jehova? (Num. 25:11) [Semanal nga pagbasa sa Biblia; tan-awa ang w95 3/1 p. 16 par. 12-13.] Subong nga wala ginpahanugutan ni Finehas nga may kaagaw si Jehova, indi naton dapat pagtugutan nga agawon sang bisan ano man nga butang ang duog sang dedikasyon kay Jehova sa aton tagipusuon.
19. Paano ang isa nga yara sa antitipiko nga siudad ‘magaguwa sa dulunan’ sang siudad? (Num. 35:26) [Semanal nga pagbasa sa Biblia; tan-awa ang w95 11/15 p. 20 par. 20.] Paagi sa pagtugot nga magtubo sa tagipusuon ang gugma sa kalibutan ni Satanas.
20. Sa anong paagi ang Codex Sinaiticus mapuslanon sa pagbadbad sing Biblia? [w97 10/15 p. 11 par. 2] Bangod isa ini sang pinakadumaan nga orihinal-sing-lenguahe nga manuskrito, wala lamang sini ginapakita nga ang Griegong Kasulatan nagpabilin nga wala magbalhin kundi nagbulig man sa mga iskolar nga matukiban ang mga sala nga nakasulod sa naulihi nga mga manuskrito.
Ihatag ang (mga) tinaga ukon prase nga kinahanglanon sa pagkompleto sa tagsa ka masunod nga mga pinamulong:
21. Gintugutan ni Jehova ang kalainan nga magluntad agod pamatud-an ang sadsaran nga kamatuoran nga sia lamang ang Soberano kag nga ang pagtuman sa iya mga kasuguan kinahanglanon para sa dalayon nga paghidait kag kalipay sang iya tanan nga tinuga. (Sal. 1:1-3; Hulu. 3:5, 6; Manugw. 8:9) [w97 2/15 p. 5 par. 4]
22. Ang tulun-an sang Levitico tumalagsahon sa pagpadaku sa pagkabalaan sang dugo, nagapakita nga magamit lamang ini subong katumbasan para sa sala. . [si-E p. 29 par. 33]
23. Nahisuno sa Salmo 144:15b, ang matuod nga kalipay isa ka kahimtangan sang tagipusuon, pasad sa matuod nga pagtuo kag sa maayong kaangtanan kay Jehova. [w97 3/15 p. 23 par. 7]
24. Ang Biblia nga resulta sang pagbadbad sa Hebreong Biblia sa kumon nga Griego, nga natapos sang mga 150 B.C.E., nakilal-an subong ang Septuagint; ; ang badbad ni Jerome sang Biblia sa Latin nakilal-an subong ang Vulgate, ukon Kumon nga Bersion, , nga natapos sang mga 400 C.E. [w97 8/15 p. 9 par. 1; p. 10 par. 4]
25. Paagi sa paggamit sang rekord tuhoy kanday Balaam kag Core sa tulun-an sang Numeros, ginpaandaman ni Judas ang mga Cristiano nga mag-andam batok sa mga siod sang kakagod kag rebelyuso nga hambal. . [si-E p. 35 par. 35]
Pilia ang husto nga sabat sa tagsa sang masunod nga mga pinamulong:
26. Makaisa sa isa ka tuig, sa (Piesta sang mga Kayangkayang; Adlaw sang Katumbasan; Paskwa), ang bug-os nga pungsod sang Israel, lakip na ang dumuluong nga mga pumuluyo nga nagasimba kay Jehova, dapat (mag-untat sa tanan nga pagpangabudlay; magbayad sing ikapulo; magdulot sing nahaunang bunga) kag magpuasa. (Lev. 16:29-31) [Semanal nga pagbasa sa Biblia; tan-awa ang w96 7/1 p. 10 par. 12.]
27. Ang isa sang mga tulumuron sang New World Bible Translation Committee amo ang paghimo sing isa ka badbad nga (subong ka literal kon posible; pagparaprase sa orihinal nga mga lenguahe; nahisanto sa paghangop sa partikular nga doktrina) nga nagahatag sa mga bumalasa sing mas malapit nga paggamit sa orihinal nga mga lenguahe kag sa kaupod nga mga panghunahuna. [w97 10/15 p. 11 par. 5]
28. Suno sa Hebreo 13:19, ang dalayon nga mga pangamuyo sang masigkatumuluo daku ang mabulig sa (kon ano ang ginapahanugot sang Dios; kon san-o magapanghikot ang Dios; kon paano maniobrahon sang Dios ang mga nagakatabo). [w97 4/15 p. 6 par. 1]
29. Ang “asul nga lubid sa tagsa ka sidsid sang plikos” sang mga Israelinhon ginpatuman subong (sagrado nga dekorasyon; tanda sang pagkaugdang; kitaon nga pahanumdom sang pagkanahamulag sa kalibutan subong katawhan ni Jehova). (Num. 15:38, 39) [Semanal nga pagbasa sa Biblia; tan-awa ang w83 10/15 p. 20 par. 16.]
30. Ang tion nga ginakubrehan sang Deuteronomio (duha ka bulan; isa ka tuig; duha ka tuig), kag ang pagsulat sa sini natapos sang maaga nga bahin sang (1513; 1473; 1467) B.C.E. [si-E p. 36 par. 6]
Ibagay ang masunod nga mga kasulatan sa mga pinamulong nga nalista sa ubos:
Num. 16:41, 49; Mat. 19:9; Luc. 2:36-38; Col. 2:8; 3:14
31. Ang asetisismo wala nagaresulta sa pinasahi nga pagkabalaan ukon matuod nga kasanagan. [Col. 2:8] [g97 10/8 p. 21 par. 3]
32. Ang pagpakighilawas amo lamang ang Makasulatanhon nga kabangdanan para sa diborsio nga may posibilidad sa pagminyo liwat. [Mat. 19:9] [fy-HV p. 158-9 par. 15]
33. Ang mangin tuman ka aktibo sa teokratikong mga hilikuton, bisan sa mga tinuig sang pagtigulang, makabulig sa isa nga malandas ang pagtaliwan sang tiayon. [Luc. 2:36-38] [fy-HV p. 171 par. 21]
34. Ang pagpangita sing sayop sa paagi sang pagpadapat ni Jehova sang katarungan paagi sa iya gintangdo nga mga alagad may makahalalit nga mga resulta. [Num. 16:41, 49] [Semanal nga pagbasa sa Biblia; tan-awa ang w96 6/15 p. 21 par. 13.]
35. Ang di-mahamkunon nga gugma nagahugpong sa mag-asawa kag nagapahulag sa ila nga himuon kon ano ang labing maayo para sa isa kag isa kag para sa ila kabataan. [Col. 3:14] [fy-HV p. 187 par. 11]