Tuigan nga Miting​—⁠Oktubre 7, 1989

ANG TUIGAN NGA MITING sang mga katapo sang Watch Tower Bible and Tract Society of Pennsylvania pagahiwaton sa Oktubre 7, 1989, sa Assembly Hall of Jehovah’s Witnesses, 2932 Kennedy Boulevard, Jersey City, New Jersey. Ang una nga miting sang mga katapo lamang magatipon sa alas 9:​30 s.a., sundan sang kabilugan nga tuigan nga miting sa alas 10:​00 s.a.

Dapat pahibaluon na karon sang mga katapo sang Korporasyon ang Opisina sang Sekretaryo kon may pagbag-o sa ila direksion sang nagligad nga tuig agod nga ang regular nga mga sulat sang pahibalo kag mga tal-us makalab-ot sa ila sa madali sa tapos sang Agosto 15.

Ang mga sulat sang tal-us, nga ipadala sa mga katapo upod sa pahibalo sang tuigan nga miting, dapat ibalik agod makalab-ot sa Opisina sang Sekretaryo sang Sosiedad nga indi maglabang sa Septiembre 1. Dapat kompletohon sang tagsa ka katapo kag ibalik dayon ang iya sulat sang tal-us, nga ginasambit sa sulat kon makatambong sia sa miting ukon indi. Ang impormasyon nga ihatag tuhoy sa tagsa ka tal-us dapat sibu, kay amo ini ang basihan kon sin-o ang magatambong.

Ginapaabot nga ang bug-os nga sesyon, lakip ang pormal nga miting kag mga report sang korporasyon, magahinakop sa ala 1:​00 s.h. ukon lampas diutay sa sini. Wala sing sesyon sa hapon. Bangod sang limitado nga lugar, ang pasudlon lamang amo ang may tiket. Wala sing mga kahimusan nga himuon sa pag-angot sang tuigan nga miting paagi sa linya sang telepono padulong sa iban nga mga lokasyon.