Tuigan nga Miting—Oktubre 6, 1990
ANG TUIGAN NGA MITING sang mga katapo sang Watch Tower Bible and Tract Society of Pennsylvania pagahiwaton sa Oktubre 6, 1990, sa Assembly Hall of Jehovah’s Witnesses, 2932 Kennedy Boulevard, Jersey City, New Jersey. Ang preliminaryo nga miting sang mga katapo lamang magasugod sa alas 9:30 s.a., sundan sang kabilugan nga tuigan nga miting sa alas 10:00 s.a.
Ang mga katapo sang Korporasyon dapat magapahibalo sa Opisina sang Sekretaryo karon sang kon ano nga pagbag-o sa ila direksion sa sulat sang nagligad nga tuig agod ang regular nga mga sulat sang pahibalo kag mga proxy makalab-ot sa ila pagkaligad sang Agosto 15.
Ang mga proxy, nga ipadala sa mga katapo upod sa pahibalo sang tuigan nga miting, pagaiuli agod makalab-ot ini sa Opisina sang Sekretaryo sang Sosiedad nga indi maglampas sa Septiembre 1. Ang tagsa ka katapo dapat magakompleto kag magabalik sang ila proxy sa gilayon, nagasambit kon bala magatambong sia sing personal ukon indi sa miting. Ang impormasyon nga ihatag sa kada proxy dapat nga pat-od sa sini nga punto, bangod amo ini ang basehan sa pagpat-od kon sin-o ang personal nga magatambong.
Ginapaabot nga ang bug-os nga sesyon, lakip ang pormal nga miting kag report, matapos sa ala 1:00 s.h. ukon sa dili madugay pagkatapos sini. Wala sing sesyon sa hapon. Bangod sang limitado nga espasyo, ang may tiket lamang ang makasulod. Wala sing kahimusan ang himuon sa pag-angot sang tuigan nga miting paagi sa mga linya sang telepono sa iban nga lugar.