Kon Ano ang Isiling Tuhoy sa mga Magasin

Ang Lalantawan Agosto 1

“Ano sa banta mo ang kinahanglan sang mga tawo para mangin malipayon? [Tuguti sia sa pagsabat. Nian basaha ang Mateo 5:3.] Isa lang ini sa mga ginsiling ni Jesus parte sa kalipay. Ginabinagbinag sini nga artikulo ang aton matun-an kay Jesus kon paano matigayon ang matuod nga kalipay.” Ipakita ang artikulo sa pahina 16.

Magmata! Agosto

“Ang kalabanan sang mga pelikula karon nagapasundayag parte sa mga demonyo kag espiritismo. Sa banta mo, matuod ayhan ang mga demonyo? [Tuguti sia sa pagsabat. Nian basaha ang 1 Corinto 10:20.] Ginapakita sini nga artikulo ang ginasiling sang Biblia parte sa mga demonyo kag kon paano naton maproteksionan ang aton kaugalingon batok sa ila.” Ipakita ang artikulo sa pahina 20.

Ang Lalantawan Septiembre 1

Magsambit sang isa ka balita nga ginakabalak-an. Nian magsiling: “Natingala ka bala kon ngaa nahimo sang mga tawo inang malain nga mga buhat? [Tuguti sia sa pagsabat.] Ginasugiran kita sang Biblia kon ngaa indi kita dapat madulaan sing paglaum. [Basaha ang 2 Pedro 3:13.] Ginapakita sini nga magasin ang ginasiling sang Biblia parte sa kabangdanan sang kalainan kag kon paano dulaon sang Dios ang malain nga mga buhat.”

Magmata! Septiembre

“Sa banta mo, makapahaganhagan bala ukon makapadugang sa kasubo ang mga cell phone, e-mail, chat room, kag iban pa nga moderno nga mga pamaagi sa komunikasyon? [Tuguti sia sa pagsabat.] Yari ang isa ka panugda kon paano naton malandas ang kasubo. [Basaha ang Binuhatan 20:35.] Ini nga magasin nagahatag sing praktikal nga laygay pasad sa Biblia.”