Buligi Sila nga ‘Magbakod sa Pagtuo’

Makalilipay makita kon paano ginapakamaayo ni Jehova ang pagpanipon, kay sobra 250,000 ang ginabawtismuhan kada tuig. (Deut. 28:2) Kon mabawtismuhan na ang estudyante sa Biblia, sa masami ginauntat sang manugbantala ang ila pagtuon para buligan naman ang iban. Mahimo untaton man sang estudyante ang pagtuon para madamo sia sing tion sa ministeryo. Pero, importante nga ang estudyante sa Biblia may malig-on nga pundasyon sa kamatuoran. Dapat sia ‘manggamot’ sa Cristo kag ‘magbakod sa pagtuo.’ (Col. 2:6, 7; 2 Tim. 3:12) Gani pagkatapos mabawtismuhan ang estudyante, dapat niya padayunon ang pagtuon sa Biblia tubtob matapos ang libro nga Ginatudlo sang Biblia kag “Gugma sang Dios.”—Tan-awa ang Abril 2011, nga Ang Aton Ministeryo sa Ginharian, pahina 2.