ROV MUS XYUAS
ZAJ KAWM 7
Peem Tiag
Hauv paus ntsiab lus: “Lawv qhia thiab tshaj tawm txoj xov zoo tsis tseg.”—Tes Hauj Lwm 5:42.
Povlauj Coj Li Cas?
1. Saib zaj YEEB YAJ KIAB, los sis nyeem Tes Hauj Lwm 19:8-10. Tom qab ntawd, tham txog ob lo lus no:
Ua li cas peb thiaj paub tias Povlauj peem tiag tshaj tawm txoj xov zoo?
Povlauj rov mus qhia cov uas xav paub heev npaum li cas, thiab nws nrog lawv nyob hov ntev?
Peb Kawm Tau Li Cas Los Ntawm Povlauj?
2. Peb yuav tau peem tiag siv sij hawm thiab dag zog peb thiaj nrog tau luag kawm Vajlugkub, thiab rov mus xyuas kom rub tau luag lub siab.
Xyaum Povlauj
3. Mus thaum luag khoom. Txawm tab kaum koj me ntsis los, zoo rau koj rov mus xyuas nws thaum nws khoom thiab mus rau ntawm tej chaw uas ncaj ke rau nws.
4. Teem sij hawm. Ua ntej koj yuav mus, nug seb nws xyeej rau lub sij hawm twg thiab hnub twg. Ces nco ntsoov rov mus ntsib nws li neb tau teem tseg.
5. Txhob tag kev cia siab. Yog mus pheej tsis ntsib nws los sis nws pheej tsis khoom, txhob maj xav tias nws tsis nyiam kawm. (1 Kauleethaus 13:4, 7) Peem tiag rov mus nrhiav kom tau nws tiam sis yuav tsum nco ntsoov siv lub sij hawm kom muaj nqis.—1 Kauleethaus 9:26.