Koj Puas Kam Qhia Ntev Zog?

Thaum sawvdaws mus qhia Vajlugkub, muaj tej tug tsuas mus yav sawv ntxov xwb. Tej zaum yav tav su lawv muaj lwm yam haujlwm ua lawm. Tiamsis muaj ib txhia ho qhia txog tav su xwb, vim lawv ib txwm yeej mus li ntawd. Yog li, ntawm koj ne, koj siv sijhawm ntau npaum li cas mus qhia Vajlugkub? Koj puas lauj tau sijhawm ntev zog mus qhia Vajlugkub? Tej zaum zoo rau koj siv ob peb feeb mus qhia Vajlugkub ntxiv rau cov neeg uas nyob tom tej kiab tej khw, lossis tom tej kev. Tej zaum ua ntej koj mus tsev, rov mus xyuas ib ob tug uas koj twb ntsib lawm. Yog tias koj siv sijhawm mus qhia ib tug neeg uas xav kawm, yuav pab tau nws ntau yam, puas yog? Yog tias tsis muaj lwm yam tab kaum koj, cia li siv sijhawm mus qhia Vajlugkub ib nyuag ntev zog. Qhov uas koj ua li ntawd twb yog koj muab tej lus qhuas “xyeem rau Vajtswv.”​—Hnpl. 13:15.