Cov Nkauj Txhawb Kom Ua Siab Tawv Qhawv

Thaum Povlauj thiab Xila raug kaw, nkawd hu nkauj qhuas Vajtswv. (Ttx. 16:25) Thaum Nazi kav tebchaws Ntsaws Mes Nis, cov kwvtij uas raug kaw hauv lub yeej Sachsenhausen kuj hu nkauj thiab. Tsis tas li ntawd, cov raug xa mus nrauj zoo pem Siberia los puavleej hu nkauj qhuas Vajtswv. Tej qauv no qhia li cas? Qhia tias thaum cov Khixatia raug tawm tsam, cov nkauj yeej txhawb tau lawv ua siab tawv qhawv.

Coob tus yuav tau txais phau nkauj “Sing Out Joyfully” to Jehovah ua lawv yam lus. Thaum peb tau ib phau lawm, cia peb xyaum tiag xwv peb thiaj cim tau tej nkauj ntawd rau nruab siab. Hmo tsev neeg pe hawm Vajtswv ua ke, cia li xyaum. (Efx. 5:19) Thaum peb raug tawm tsam, lub hwj huam dawb huv yuav pab peb hu tau. Thaum peb kaj siab los, peb yuav “zoo siab xyiv fab” hu tau thiab. (1VKk. 15:16; Nt.Nk. 33:1-3) Cia peb kub siab lug xyaum cov nkauj!

TOM QAB SAIB ZAJ YEEB YAJ KIAB, ZAJ NKAUJ UAS TXHAWB COV RAUG KAW, TEB COV LUS NUG NO:

• Vim li cas Kwvtij Frost thiaj sau ib zaj nkauj?

• Zaj nkauj no txhawb tau cov kwvtij hauv lub yeej Sachsenhausen li cas?

• Tej nkauj yuav txhawb koj rau lub caij twg?

• Koj xav cim cov nkauj twg?