Ua Siab Tawv Qhawv

Yexus Coj Li Cas?

YEEB YAJ KIAB: Yexus Tshaj Tawm Rau Xakhais

1. Saib zaj YEEB YAJ KIAB, los sis nyeem Lukas 19:1-7. Tom qab ntawd, tham txog ob lo lus no:

1. Yog vim li cas cov neeg zej zog pheej tsis nyiam Xakhais?

2. Ua li cas Yexus ho xav qhia txoj xov zoo rau Xakhais?

Peb Kawm Tau Li Cas Los Ntawm Yexus?

2. Peb yuav tau ua siab tawv qhawv peb thiaj tshaj tawm tau txoj xov zoo txog lub Nceeg Vaj rau txhua tus, tsis xaiv leej twg ntsej muag.

Xyaum Yexus

3. Vam khom Yehauvas. Vajtswv lub hwj huam tau pab Yexus sawv khov kho tshaj tawm. Lub hwj huam no kuj pab tau peb txhua tus ib yam nkaus thiab. (Mathais 10:19, 20; Lukas 4:18) Yog peb qhia rau ib tug neeg muaj meem mom, zoo rau peb thov Yehauvas pab kom peb muaj lub siab tawv qhawv qhia.​—Tes Hauj Lwm 4:29.

4. Txhob xaiv ntsej muag. Zoo rau peb tsis txhob saib rau nws cev nqaij daim tawv, lub ntsej lub muag, lub meej lub mom, los sis nws lub neej, thiab nws txoj kev ntseeg. Txhob cia tej no cheem tsis pub koj tshaj tawm rau nws. Tiam sis nco ntsoov li no:

1. Tsuas yog Yehauvas thiab Yexus nkawd thiaj paub tib neeg lub siab xwb, peb tsis paub.

2. Txhob xav tias Yehauvas tsis khuv leej nws.

5. Ua siab tawv qhawv, tiam sis xyuam xim thiab saib taus luag. (Mathais 10:16) Txhob nrog nws sib cam. Yog nws tsis xav mloog los sis pib npau taws, zoo rau peb ua tib zoo xaus lus es txhob tham ntxiv lawm.​—Paj Lug 17:14.