Tham 1 Lub Ntsiab, Muab 2 Phau Ntawv

Ib khub The Watchtower thiab Awake! twg yeej muaj ntau lub ntsiab uas tibneeg xav paub txog. Tiamsis thaum peb nrog tibneeg tham, zoo rau peb tham txog ib lub ntsiab xwb, tsis txhob tham txog ob peb lub ntsiab. Peb ua tau li no yog peb nyeem kom paub phau The Watchtower thiab Awake! zoo. Thiab thaum peb mus txog ib lub tsev twg, peb yuav tau xyuas seb muaj dabtsi nyob ib ncig lub tsev ntawd es peb thiaj yuav xaiv tau ib lub ntsiab hauv ob phau ntawv no los tham kom raug tus tswv tsev siab. Piv txwv li no, yog peb pom menyuam yaus tej khoom ua si hauv vaj hauv tsev lossis ib ncig lub tsev, peb kuj xaiv ib lub ntsiab uas tham txog lub cuab lub yig los qhia tus tswv tsev. Yog tias peb ntsib tus txiv tsev, peb kuj xaiv lub ntsiab uas phim cov txiv neej, xws li kev nom kev tswv. Txawm tias peb tham txog ib lub ntsiab xwb los, peb yuav tsum tseb phau The Watchtower thiab Awake! huvsi rau tus tswv tsev yog nws txaus siab nyeem.