Yuav Muab Daim Lub Nceeg Vaj Zaj Xov Xwm 38 Tseb Rau Lub 11 Hlis
1. Tibneeg nug li cas txog cov tuag, thiab yuav teb lawv tej lus nug ntawd li cas rau lub 11 Hlis?
1 Kev tuag yog ib tug yeeb ncuab rau txhua leej txhua tus, txawm lawv yuav coj txojkev ntseeg twg los xij. (1Khl. 15:26) Coob leej xav tias cov tuag mus dua twg lawm thiab lawv puas yuav rov pom cov uas tuag lawd dua. Yog li ntawd, txhua lub koom txoos thoob ntiajteb yuav siv 1 lub hlis los tseb daim Lub Nceeg Vaj Zaj Xov Xwm 38 uas muaj lub ntsiab hu ua “Cov Tuag Puas Yuav Sawv Tau Rov Los Ua Neej Nyob Tiag?” Yuav tseb nyob rau lub 11 Hlis tim 1. Tom qab lub 11 Hlis, yuav muab daim Lub Nceeg Vaj Zaj Xov Xwm 38 los siv ua ib daim ntawv tseb lawm xwb.
2. Daim Lub Nceeg Vaj Zaj Xov Xwm 38 zoo li cas?
2 Daim Ntawv No Zoo Li Cas?: Daim Lub Nceeg Vaj Zaj Xov Xwm 38 muab tais hauv nruab nrab ua 2 nploog uas muaj 4 sab. Thawj sab muaj lub ntsiab lus thiab cov lus no: “Koj xav li cas? Yuav tsum sawv tau. Yeej sawv tsis tau li. Tej zaum kuj sawv tau thiab.” Thaum tus uas tau txais daim ntawv no nthuav mus rau sab 2 thiab sab 3, nws yuav pom phau Vajlugkub lo lus teb rau lub ntsiab uas nyob rau thawj sab thiab tej lus uas phau Vajlugkub tau cog tseg. Nyob rau 2 sab ntawd, kuj qhia tias vim li cas nws thiaj ntseeg tau phau Vajlugkub. Sab kawg nkaus, muaj ib lo lus nug uas raug siab heev thiab kuj caw kom nws los kawm Vajlugkub ntxiv.
3. Yuav tseb daim Lub Nceeg Vaj Zaj Xov Xwm 38 li cas?
3 Yuav Muab Tseb Li No: Daim Lub Nceeg Vaj Zaj Xov Xwm 38 yuav muab tseb ib yam li tseb daim ntawv caw rau hmo ua kevcai nco txog Yexus thiab daim uas mus lub rooj sib txoos loj. Cov txwj laus mam li qhia seb yuav tseb li cas thiaj tseb thoob txhua koog li tau hais hauv tsab ntawv uas lub koom haum tau sau rau cov txwj laus thaum lub 4 Hlis tim 1, xyoo 2013. Cov koom txoos uas muaj tsawg koog kuj mus pab tau cov uas muaj ntau koog. Thaum koj mus nqa daim Lub Nceeg Vaj Zaj Xov Xwm 38, nco ntsoov nqa kom txaus rau koj siv ib lub lim tiam xwb. Thaum twg yog tseb thoob txhua koog lawm, kuj muab cov seem tseb rau ib zej tsoom sawvdaws uas koj ntsib. Yog koj tseb daim ntawv tas ua ntej lub hli kawg, koj tso tau phau ntawv uas tau teem tseb rau lub hli ntawd. Lub hli no, peb yuav tsis mus pib kawm Vajlugkub nrog tibneeg thawj Hnub 6, tiamsis peb yuav mus tseb daim Lub Nceeg Vaj Zaj Xov Xwm 38. Hnub 6 thiab Hnub 7, yog zoo tso, peb yuav tsum muab phau The Watchtower thiab Awake! tso rau tibneeg tau nyeem thiab. Yog li ntawd, koj puas teem sijhawm kom koj tau mus tseb daim Lub Nceeg Vaj Zaj Xov Xwm 38?