Yuav Pib Tseb Daim Ntawv Caw Ua Kevcai Nco Txog Yexus Rau Lub 3 Hlis Tim 22

Xyoo no peb yuav pib mus caw tibneeg tuaj koom peb ua kevcai nco txog Yexus rau Hnub 6, lub 3 Hlis tim 22. Txhawb kom txhua tus rau siab ntso mus tseb daim ntawv caw rau tibneeg. Thaum mus tseb daim ntawv caw rau Hnub 6 thiab 7, yog tias tus tswv tsev nyiam Vajlugkub, kuj muab phau The Watchtower thiab Awake! rau nws thiab. Thawj Hnub 6 lub 4 Hlis, peb yuav tsis mus pib kawm Vajlugkub nrog tibneeg, tiamsis peb yuav mus tseb daim ntawv caw rau lawv xwb. Tiamsis, yog peb mus ntsib tej tug uas xav kawm Vajlugkub tiag, peb kuj pib kawm nrog nws los tau. Tus saib xyuas kev qhia Vajlugkub mam tshuaj saib seb puas tsim nyog muab daim ntawv caw tseb rau tibneeg thaum mus qhia Vajlugkub rau ib zej tsoom sawvdaws tom tej kiab tej khw thiab tej kev lossis tej chaw uas muaj neeg coob mus mus los los. Koj yuav tau sau cov txheeb ze, cov koj nrog kawm ntawv, cov koj nrog ua haujlwm, cov koj niaj zaus rov mus xyuas, thiab lwm tus uas koj paub cov npe cia, xwv thiaj caw tau lawv tuaj rau hnub ua kevcai nco txog Yexus. Peb cia siab tias yuav muaj coob leej ntau tus tuaj nrog peb koom ua kevcai nco txog ob tug uas hlub tibneeg tshaj plaws li.​—Yh. 3:16; 15:13.