Caw Sawvdaws Tuaj Ua Kevcai Nco Txog Yexus
1. Pib lub Peb Hlis, tim 17, peb yuav caw tibneeg tuaj ua dabtsi?
1 Txhua txhua xyoo thaum peb ua kevcai nco txog Yexus, twb yog peb ua “qhia tus Tswv txojkev tuag.” (1Khl. 11:26) Peb xav kom sawvdaws tuaj nrog peb koom, xwv lawv thiaj paub tias Yehauvas txib Yexus los tuag txhiv peb. (Yh. 3:16) Hmo uas peb ua kevcai nco txog Yexus poob rau lub Plaub Hlis, tim 5. Tiamsis lub Peb Hlis, tim 17, peb yuav pib caw ib tsoom sawvdaws tuaj nrog peb koom. Koj puas npaj siab caw txhua leej txhua tus?
2. Thaum peb mus caw tibneeg, peb yuav hais li cas?
2 Koj Yuav Caw Li Cas: Zoo rau peb hais ob peb los xwb. Tej zaum peb yuav hais li no: “Peb xav caw koj tsev neeg tuaj koom peb rau lub Plaub Hlis, tim 5. Peb yuav kawm seb Yexus txojkev tuag pab tau peb li cas thiab kawm seb tamsim no Yexus ua dabtsi lawm. Peb niaj xyoo muaj txojkev sib txoos no thoob plaws ntiajteb. Daim ntawv caw no yuav qhia chaw nyob thiab lub sijhawm rau koj. Peb tsis sau nyiaj.” Thaum peb mus caw tibneeg Hnub Rau (Saturday) thiab Hnub Xya (Sunday), zoo rau peb muab phau The Watchtower thiab Awake! rau lawv thiab.
3. Peb yuav caw leejtwg?
3 Caw Txhua Leej Txhua Tus: Peb lub hom phiaj yog los caw txhua leej txhua tus. Nco ntsoov caw cov uas kawm Vajlugkub, cov uas koj rov mus saib, cov nruab ze, cov nrog koj ua haujlwm, cov nrog koj kawm ntawv, cov uas nyob ntawm koj tog vaj tog tsev, thiab cov neeg uas koj paub. Cov txwj laus mam npaj seb koj yuav mus qhia li cas thiaj thoob tej koog uas koj lub koom txoos saib xyuas. Qhov uas peb mus caw ntawd, puas muaj neeg tuaj koom thiab? Tsaib no, muaj ib tug pojniam tuaj koom. Thaum tus tub ncig num nug tias tus uas caw nws tuaj yog leejtwg, tus pojniam ntawd teb tias nws tsis paub; nws tuaj rau qhov muaj neeg tuaj khob nws qhov rooj thiab caw nws xwb.
4. Vim li cas peb yuav tsum kub siab lug mus caw tibneeg tuaj nrog peb koom?
4 Yog li ntawd, tej zaum ib txhia yuav tuaj koom vim muaj koj caw lawv. Txawm tibneeg yuav tuaj thiab tsis tuaj los xij, koj twb ua timkhawv rau lawv lawm. Daim ntawv caw no yuav qhia rau sawvdaws paub tias Yexus twb sawv ua Vajntxwv kav lawm. Yog tias koj kub siab lug mus caw tibneeg tuaj ua kevcai nco txog Yexus txojkev tuag, txhua leej txhua tus, tsis hais cov neeg zej zos, cov kwvtij nkauj muam, thiab Yehauvas, yuav pom tias koj saib tus nqe txhiv rau nqe kawg li tiag.—Khx. 3:15.