Peb Yuav Caw Leejtwg?

Txhua xyoo peb yeej kub siab mus caw tibneeg tuaj koom hmo ua kevcai nco txog Yexus. Cov uas peb caw ntawd feem ntau yog cov tibneeg uas peb tsis tau ntsib dua. Tiamsis kuj zoo rau peb caw cov neeg uas peb paub. Rau qhov peb sib paub zoo, tej zaum lawv yuav xav tuaj thiab. (yb08-E 11 ¶3; 14 ¶1) Yog li ntawd, peb yuav caw leejtwg tuaj?

• Cov txheeb ze

• Cov neeg tom haujlwm thiab tom tsev kawm ntawv

• Cov kwvtij zej zog

• Cov peb rov mus xyuas, cov kawm Vajlugkub nrog peb tamsim no thiab yav tas los

Tsis tas li ntawd, cov txwj laus mam li mus caw cov uas tsis tshaj tawm tau ntev loo lawm tuaj. Yog tias tus neeg peb caw tsis nyob hauv peb lub zos, peb yuav ua li cas? Mus rau jw.org/hmn, xaiv lus ntsiab NTSIG TXOG PEB ces xaiv lub ntsiab me “Ua Kevcai Nco Txog Yexus.” Ua li no, peb thiaj qhia tau qhov chaw thiab sijhawm rau nws. Ua tib zoo xav txog cov uas peb yuav caw rau xyoo no, thiab npaj siab caw lawv tuaj koom nrog peb.