Ua Qauv Qhia

Daim Lub Nceeg Vaj Zaj Xov Xwm 38

“Nov yog ib daim xov xwm tseem ceeb heev uas peb tabtom muab tseb rau sawvdaws thoob plaws lub ntiajteb. Kuv muab daim no rau koj.”

Nco Ntsoov: Yuav kom tseb thoob rau txhua koog, yuav tsum tham ob peb los xwb. Tiamsis, muaj tej tug tswv tsev kuj xav paub thiab xav nrog koj tham ntev zog. Yog ntsib tus uas zoo li no, koj kuj nug seb nws xav li cas txog lo lus nug uas nyob rau thawj sab, ces nthuav rau sab 2, nyeem phau Vajlugkub lo lus teb rau nws mloog, thiab yog muaj sijhawm piav mentsis txog daim ntawv tseb rau nws. Ua ntej koj mus lwm qhov, qhia nws txog lo lus nug ntawm lub ntsiab “Kawm Ntxiv” uas nyob sab kawg nkaus thiab teem sijhawm rov mus xyuas nws es mam li tham ntxiv txog lo lus nug ntawd.

The Watchtower Lub 11 Hlis Tim 1

“Koj xav, yam phem tshaj uas tibneeg tau iab hiam Vajtswv yog dabtsi? [Cia nws teb tas tso.] Raws li phau Vajlugkub, Vajtswv xav kom tibneeg hlub nws thiab tso siab rau nws. [Nyeem Yaxaya 41:13.] Phau ntawv no qhia txog 3 yam uas tibneeg tau iab hiam Vajtswv uas ua rau ib txhia tsis xav los cuag nws.”

Awake! Lub 11 Hlis

“Niaj hnub no coob leej txhawj heev vim kev phem tsuas loj zuj zus lawm xwb. Koj xav, puas yog tibneeg tsis nyiam coj qhov zoo lawm es thiaj muaj li ntawd? [Cia nws teb tas tso.] Phau Vajlugkub twb qhia ntev los lawm tias tibneeg yuav coj li ntawd. [Nyeem 2 Timaute 3:1-5.] Phau ntawv no tham txog tias vim li cas peb thiaj tso siab tau rau tej kevcai hauv phau Vajlugkub.”