Ua Qauv Qhia

Mus Pib Kawm Vajlugkub Nrog Tibneeg Thawj Hnub 6 Lub 9 Hlis

“Coob leej ntseeg tias muaj cov tubtxib saum ntuj. Koj puas ntseeg thiab? [Cia nws teb tas tso.] Cov tubtxib saum ntuj muaj hwjchim heev, tiamsis koj xav lawv puas pab tau peb? Phau Vajlugkub kuj qhia seb niaj hnub no cov tubtxib saum ntuj pab tau noob neej li cas.” Nthuav mus rau sab kawg nkaus hauv Phau Tsom Faj lub 9 Hlis tim 1, kawm thawj lo lus nug thiab nyeem ib ob nqes Vajlugkub uas nyob rau sab ntawd. Muab Phau Tsom Faj thiab phau Awake! rau nws, thiab teem sijhawm rov mus kawm lo lus nug 2 rau lwm zaus.

Phau Tsom Faj Lub 9 Hlis Tim 1

“Tibneeg muab lub ntiajteb no ua puas tsuaj tas. Koj xav puas muaj leejtwg yuav kho tau? [Cia nws teb tas tso.] Txawm neeg tsis muaj peevxwm kho tau lub ntiajteb los, phau Vajlugkub qhia tias Vajtswv yeej muaj peevxwm kho tau thiab nws yeej yuav kho. Peb tso siab tias yuav muaj tiav raws li cov lus hauv Ntawv Nkauj 65:9. [Nyeem.] Phau Tsom Faj no qhia tias Vajtswv yuav muab lub ntiajteb no kho li cas thiab peb yuav tau txais tej koob hmoov twg yav tom ntej. Kuv xav muab phau no rau koj nyeem, puas tau?”

Awake! Lub 9 Hlis

“Muaj tej lub chaw ua haujlwm kom cov neeg ua haujlwm ua ntau heev. Qhov no ua rau cov neeg ua haujlwm nyuaj siab kawg tsis paub yuav ua li cas. Cov neeg txawj ntse hais tias yog ua haujlwm ntau dhau yuav ua rau neeg sab heev. Thaum kawg tus ntawd yuav muaj mob muaj nkeeg thiab puas siab puas ntsws. Koj xav dabtsi thiaj pab tau cov neeg ua haujlwm kom tsis txhob ua haujlwm ntau dhau? [Cia nws teb tas tso.] Nqe Vajlugkub no yuav pab tau peb. [Nyeem Laj Lim Tswvyim 4:6.] Phau ntawv no tham txog 4 yam uas pab tau peb thaum peb ua haujlwm ntau dhau thiab pab seb tsim nyog peb ua tej twg ua ntej.”