“Cas Nws Tseem Tsis Nyob Hauv Tsev Lawm Thiab!”

Koj puas tau hais li no ib zaug li thaum koj rov mus xyuas ib tug uas xav kawm Vajlugkub? Yog koj mus es pheej tsis ntsib nws, ces koj yeej ywg tsis tau dej rau lub noob uas koj cog. (1Khl. 3:6) Thaum zoo li ntawd, cov tshaj tawm ib txhia kuj sau ntawv xa mus rau tus ntawd, lossis sau ib daim ntawv rhais rau ntawm nws qhov rooj. Muaj ib txhia xav tias tsam lwm zaus mus tsis ntsib tus ntawd lawm ces lawv thiaj nug nws tus xov tooj. Yog peb sau ntawv, xa e-mail, ntaus text, sau ntawv rhais ntawm nws qhov rooj, lossis hu xov tooj mus rau tus ntawd ces peb suav tau ua 1 tug rov mus xyuas. Txawm nws pheej tsis nyob tsev los, peb yeej muaj ntau txojkev pab tau nws kawm Vajlugkub.