Tej Nkauj Txhawb Siab Pab Tau Peb Li Cas?

Koj nyiam zaj nkauj txhawb siab twg tshaj? Vim li cas koj thiaj nyiam zaj nkauj ntawd? Koj puas pom tias tej yeeb yaj kiab rau cov nkauj ntawd qhia txog tibneeg lub neej? Cov nkauj no muaj ntau lub ntsiab thiab ntau lub suab, sawvdaws thiaj li nyiam mloog. Txawm li ntawd los, tej nkauj txhawb siab no tsis yog ua kom lomzem xwb.

Txhua zaj nkauj txhawb siab pab tau peb lub neej thiab thaum peb mus tshaj tawm. Muaj tej zaj pab kom peb txawj tos txais qhua, sib koom siab, ua siab loj siab tuab, muaj kev phooj kev ywg, paub sib hlub sib pab, thiab muaj kev ntseeg. Hos muaj tej zaj hais kom rov los cuag Yehauvas, zam txim rau lwm tus, muaj kev ntseeg ruaj nreeg, thiab muaj hom phiaj ua Yehauvas tes haujlwm ntxiv. Kuj muaj ib zaj uas qhia kom txhob siv lub xov tooj ntawm tes ntau dhau. Ua li, puas muaj dabtsi ntxiv uas tej nkauj txhawb siab pab tau koj?

SAIB ZAJ YEEB YAJ KIAB TSHUAV TSIS NTEV TWB YUAV TXOG, TOM QAB NTAWD TEB COV LUS NUG NO:

• Ob niam txiv laus tos ntsoov dabtsi yav tom hauv ntej?​—Chivkeeb 12:3

• Peb yuav ua li cas peb thiaj ntseeg tias Yehauvas yeej yuav ua raws li nws tau cog lus tseg?

• Tshuav tsis ntev lawm xwb, peb yuav rov pom leejtwg?

• Yog peb cia siab rau tej uas lub Nceeg Vaj yuav ua tom ntej, peb yuav nyiaj dhau tej kev txomnyem uas peb raug niaj hnub no li cas?​—Loos 8:25