Pab Cov Koj Qhia Kom Txhob Mus Poo Neeg Phem

Yuav kom cov peb qhia sib raug zoo nrog Yehauvas, lawv yuav tsum paub xaiv lawv tej phoojywg. (Phau Ntawv Nkauj 15:1, 4) Tej phoojywg zoo yuav pab tau lawv ua qhov zoo.​—Pajlug 13:20; lff zaj kawm 48; lv tshooj 3.

Ua tib zoo xav seb peb yuav pab cov kawm xaiv phoojywg li cas. Yeej tsis yoojyim rau lawv ua ib siab tso lawv tej phoojywg tseg. Yog li, nrhiav sijhawm nrog lawv ua ke. Peb yuav tau ntaus ntawv thiab hu xov tooj mus nug lawv moo, lossis mus xyuas lawv. Thaum lawv pib coj raws li tej uas lawv kawm lawd, caw lawv tuaj koom tej kev lomzem nrog cov kwvtij nkauj muam thiab. Ua li no lawv thiaj pom tias lawv muaj phoojywg. (Malakaus 10:29, 30) Thaum kawg peb yuav zoo siab heev tias peb tseem tau ib tug kwvtij nkauj muam ntxiv.

SAIB ZAJ YEEB YAJ KIAB PAB COV KOJ QHIA KOM LAWV TSIS TXHOB POO NEEG PHEM CES TEB COV LUS NUG NO:

• Tsis zoo rau peb mus poo cov neeg zoo li cas?​—1 Kauleethaus 15:33

• Iab xav yuam kev li cas txog cov kwvtij nkauj muam tej kev lomzem?

• Maiv Xis ua li cas thiaj pab tau Iab nrhiav tej phoojywg zoo?