Kolmanskop—Miri bona Rasta Ia Honu Gabuna

Namib ena tano kavakava dekenai lai bada ia toa kone dekenai bona kone ena miri ia hodaia, Namibia ena south kahana ena kone kahirakahira dekenai taoni ta ia noho, guna lagani 50 lalodiai taunimanima haida be unai taoni dekenai idia noho, to hari, ta ese ia noholaia lasi. Unai gabu be Kolmanskop.

Lagani 1908 lalonai, diamond be unuseniai idia davaria neganai, unai gau idia tahua taudia, mining bisinesi biagudia, bona taunimanima dikadia idauidau ese unai gabu idia hahonua momokani. Daudau lasi murinai, Kolmanskop be taoni badana ta ai ia lao, unuseniai Germany taudia edia ruma badadia idia karaia, post office ta bona hotel ta idia noho. Kolmanskop dekenai stori rua moni gadara rumana ia noho, muvini piksa rumana, bona bowling gadara gabuna ia noho danu​—⁠unai dainai mauri be namo herea Namib ena tano kavakava gabuna dekenai.

Kolmanskop idia haginia ena badina be gabeai ia hadikaia. Unai mine gabudia dekenai dava bada nadidia idia davaria to haraga herea iboudiai idia kokia ore. Diamond badadia be ma gabu haida dekenai idia davaridia neganai unai gaudia tahua taudia be unai gabudia dekenai idia lao. Danu, lagani 1900 murinai diamond be dava maragi dekenai idia hoihoilaia. Metairametaira taunimanima be unai taoni idia rakatania ela bona lagani 1956 lalonai ta be Kolmanskop dekenai idia noho lasi.

Hari, idia gaukaralaidia lasi masini badadia be Africa ena dina siahu amo idia rasta noho​—⁠taunimanima be nega kwadogi lalonai idia ura tano amo taga idia abia ena toana unai. Kolmanskop ia haheitalaia namonamo tanobada kohudia idia tahua be anina lasi. Iesu ia gwau: “To umui emui kohu be guba dekenai do umui haboua, unuseniai manumanu bona raraka ese gau idia hadikaia lasi, unuseni danu henaoa taudia ese ruma idia makohia diba lasi, bona gau idia henaoa diba lasi.”​—⁠Mataio 6:⁠20.