Pura Badana Ta
MONDAY dina ai, lagani 1991, August 19 ai, tanobada hegegemadai taunimanima idia hoa maragi lasi, badina gavamani hamorua orea ena gunalaia taudia ese Soviet Union ena Presiden Mikhail Gorbachev ena amo siahu idia kokia bona Crimea dekenai idia hadiburaia. Unai gabu ena kahirakahira ai, siti namo herea ta Odessa ia noho, unuseniai Iehova ena Witness taudia ese edia Saturday bona Sunday hebouhebou badana idia hegaegealaia noho. To madi, Odessa siti ena tau badadia ese unai hebouhebou badana idia koua.
To, Iehova ena Witness taudia be dala idia tahua noho. Idia ese hebouhebou badana idia hegaegaelaia noho, bona siti ena tau badana ta idia noinoi henia noho, idia ura ia ese gwaumaoro do ia abia edia hebouhebou be unuseniai do idia abia diba totona. Iehova ena Witness naria taudia idia hamaorodia Thursday, August 22 ai do idia giroa lao. Unai adorahi dekenai, siti kaunsolo taudia edia hebou murinai, Iehova ena Witness taudia be gwaumaoro pepana ta idia henia edia hebouhebou do idia abia totona, bona unai kaunsolo taudia ese Witness taudia idia hamaorodia idia ura hebouhebou namona do idia abia. Unai dina lalonai Moscow dekenai, gavamani hamorua toho taudia be sibodia idia henia gavamani taudia dekenai!
Unai kara ibounai be idia vara haraga! Bona unai Saturday bona Sunday dekenai, taunimanima 12,000 mai kahana be unai hebouhebou badana dekenai idia lao be namo herea! Odessa hebouhebou ia ore ena dina rua murinai, August 27 dekenai, Iehova ena Witness gunalaia taudia rua idia lao Odessa Siti Komiti Badana ena seamani Mista V. K. Simonenko dekenai idia tanikiu henia bada totona, badina ia ese Witness taudia dekenai gwaumaoro ia henia edia hebouhebou idia abia totona, bona Tau Hereadaena bukana Russia gado dekenai idia henia harihari gauna bamona.
Mista Simonenko be unai harihari gauna ia moalelaia dainai, ia gwau: “Lau be umui emui hebouhebou dekenai lau lao lasi to lau diba unai gabu dekenai dahaka ia vara. Odessa idia haginia hamatamaia negana amo ema bona hari, gau namona ta inai bamona lau itaia lasi. Lau gwauhamata umui dekenai bema gabeai umui ura emui hebouhebou umui karaia, lau ese gwaumaoro do lau henia emui hebouhebou umui karaia totona.”
[Chart on page 31]
SOVIET UNION ENA 1991 HEBOUHEBOU BADADIA
Dina Hanua Mai Taudia Bapatiso
Edia Namba
July 13, 14 Tallinn, Estonia 4,808 447
July 20, 21 Usolye-Sibirskoye, 4,205 543
Siberia
August 2, 3 Kiev, Ukraine 14,654 1,843
August 3, 4 Lvov, Ukraine 17,531 1,316
August 24, 25 Odessa, Ukraine 12,115 1,943
August 31– Chernovtsy, 14,137 1,126
September 1 Ukraine
September 7, 8 Alma-Ata, 6,802 602
Kazakhstan
74,252 7,820