Oi Ura Dikadika Nega Do Ia Mai Bona . . .

□ emu ruma dekenai oi gari lasi bona oi noho namo​—dina ena hora iboudiai dekenai?

□ taunimanima ese loka, “bar,” “alarm,” “peephole,” magu, gadi taudia, sisia, bona sekuriti karadia ma haida do idia gaukaralaia lasi?

□ oi sibona be dala dekenai oi raka neganai dika do oi davaria lasi, bona hanuaboi dekenai danu do oi davaria lasi?

□ tauanina idia hadikaia muramuradia bona idia havaraia hekwakwanai iboudiai do idia ore?

□ tuari iboudiai do idia ore, bona taunimanima ese tuari gaudia do idia karaia lasi bona do idia haboua lasi?

□ aniani, hodahoda, bona ranu idia hamiroa lasi dainai, do oi lalo-hekwarahi lasi?

□ taunimanima hagaria karana, taunimanima dadia karana, bona bomu amo taunimanima hagaria karana do idia ore momokani?

□ tanobada amo idia abia gaudia do idia hadikaia lasi, to do idia naria namonamo bona mai aonega ida do idia gaukaralaia taunimanima iboudiai durua totona?

□ mataganigani bona sibona edia namo tahua guna karana ese taunimanima do idia doria noho lasi?

□ natu maragidia be kara dika dekenai diba badana do idia abia haraga lasi bona ma taunimanima haida bona edia kohu do idia matauraia?

□ hahine do idia kara dika henia lasi bona do idia dagedage henia lasi?

□ taravatu do idia namo bona taravatu do idia badinaia maoromaoro taunimanima iboudiai durua totona?

□ gavamani ese taravatu do idia karaia taunimanima do idia durua momokani totona, politikol karana dainai lasi?

□ mauri namona bona taunimanima iboudiai kara namo henia karana do idia harorolaia sibona lasi, to do idia badinaia danu?

□ ogogami do ia ore, bona taunimanima iboudiai ese heduru gaudia do idia abia, edia tauanina idia goada totona, idia noho namo totona bona idia moale totona?

□ natu maragidia do idia ura henia, do idia naria namonamo, do idia kara dika henia lasi bona do idia rakatania lasi?

□ gorere bona mase do idia haorea, bona daihanai goreredia do idia vara lasi?

□ oi hedavari henia taudia iboudiai do idia hebogahisi, idia ura taunimanima idia durua, bona do oi abidadama henidia diba?

□ taunimanima iboudiai edia mauri do idia matauraia, bona taunimanima iboudiai ese moale hanaihanai do idia davaria diba?

□ tomadiho ese taunimanima do ia hapararaia lasi, bona ma taunimanima haida dadaraia karana, inai henia karana bona tuari do ia havaraia lasi?

□ taunimanima iboudiai edia ruma do idia hegeregere bona do idia namo, bona ruma lasi nohona be do ia ore?

Bema oiemu haere ataiai henanadai dekenai be oibe, hereva gabedia do oi ura duahia.