Mauri ena Nega Namona

Vanegai, mero ta Nigeria, West Africa amo, ia torea inai bamona: “Guna, lau laloa taunimanima ta ena mauri ibounai amo ena mero eiava kekeni neganai be ia auka bona ena moale bada negana be tamana eiava sinana ai idia lao eiava idia bada momokani neganai.”

To, murinai unai Africa merona be buka ta ladana Memero Kekeni​—Moale Umui Davaria Dalana ia abia. Toretore amo ia gwau: “Tanikiu bada herea, inai buka ese dala idauidau dekenai lau ia durua momo.” Ena hereva dokona be inai: “Hari lau lalo-parara, inai buka lau duahia murinai, lau diba vadaeni mero eiava kekeni ena nega be mauri ena nega namona.”

Hari inai hekwakwanai momo negana lalonai memero bona kekeni idia tubu daekau, bona idia vara matamaia karadia dainai dala maorodia idia abia hidi be mai anina bada. Hegeregere, memero bona kekeni be kuku bona drag idia ania be namo, eiava? Memero kekeni idia turana karaia karana ena dala maorona be dahaka? Kopina gadaralaia bona tatau rua mahuta hebou karana be ia maoro, eiava?

Dala kererena oi abia hidi neganai lalohisihisi bona hekwakwanai momo idia vara diba. Memero Kekeni​—Moale Umui Davaria Dalana bukana dekenai unai henanadai bona ma henanadai momo ia haerelaidia. Bema oi ura unai buka ta oi abia, namona be henuna gauna oi hahonua bona ai dekenai oi siaia.

Lau ura unai kopina auka ena rau 192 buka ladana Memero Kekeni—Moale Umui Davaria Dalana, lau abia. (Rau 2 oi itaia.)