Revareva mai Anina Bada
“IEHOVA SIT TIBI CUSTOS”
INAI hereva be lagani 300 bamona gunanai idia haginia rumana ta ena haba ai idia toredia; unai ruma be Celerina ai, Switzerland ena ist kahanai. Edia anina be “Iehova ese oi do ia naria.” Unai ororo gabuna ai, idaunegai idia haginidia rumadia bona dubudia momo ai Dirava ena ladana idia torea. Unai neganai edena bamona taunimanima momo be inai ladana Iehova idia diba?
Lagani 15 B.C.E. ai, tano ta ladana Rhaetia be Roma basileiana ena provinsi ta ai idia halaoa (hari ia be Germany ena sautist kahana, Austria, bona Switzerland ena ist kahana). Unai tano taudia ese Romansh gado idia gadolaia. Unai gado be Roma gado gunana bamona bona hari inai negai Switzerland ena Alpine kouradia haida ai bona Italy ena not kahana ai unai bamona gadona idia do gadolaia noho.
Gabeai, Baibel ena kahana haida be Romansh gado ai idia torea hanai. Buka ta, lagani 1666 ai idia printaia gauna ladana Biblia Pitschna, lalonai be Salamo bona Keristen Greek Revarevadia. Ia lalonai inai ladana Iehova be nega momo Salamo bukana ai ia hedinarai. Unai neganai taunimanima be edia ruma ai idia duahia momo bukana be Baibel, unai dainai Biblia Pitschna idia duahia taudia ese Dirava ena ladana idia manadalaia.
To uru gabedia ese Baibel ena hereva idia laloa bada lasi. Momo ese inai hereva “Iehova” ena anina idia henanadailaia lasi, bona haroro taudia ese ena anina idia gwauraia lasi. Unai dainai, inai revareva be herahera mo ai idia lao, nega gunana ena toana gaudia.
Idia hanai laganidia momo lalodiai Iehova ena Witness taudia be Switzerland ena taora amo idia daekau mai, inai koura mai hairaidia idia noholaidia taudia be Dirava Iehova idia hadibalaidia. Witness taudia haida idia mai bona inai gabu idia noholaia, unai amo idia be mai edia dala, Dirava ena palani namona tanobada bona taunimanima totona be hora momo lalodiai taunimanima do idia hamaorolaidia. Vadaeni, Dirava momokani, Iehova, idia dibaia neganai, inai revareva Romansh gado ai be mai anina matamatana idia dekenai.
[Picture on page 32]
IEHOVA PORTIO MEA
Iehova be lauegu ahuna.—Salamo 119:57 itaia