Diba Momo Tauna ese Baibel Ena Toretore ta Ena Torea Negana Matamatana Ia Gwauraia
Carsten Peter Thiede, toretore gunadia stadilaia Germany tauna, ia gwau gau haida ese idia hahedinaraia momokani Mataio ena Evanelia bukana ena kahana maragidia toi (idia gwauraia Magdalen Papyrus) be lagani 100 C.E. do lasi neganai idia torea.
Unai kahana maragidia toi (Mataio ena karoa 26 ena kahana haida) be bisinesi revarevana, Egypt dekenai idia davaria gauna, ida ia hahegeregerea murinai, Thiede ia gwau unai Egypt revarevana be “Magdalen Papyrus ena hegeregerena momokani—ena toana bona ena leta ta ta edia toana bona torea karana dekenai.” Thiede bona ia ida Eyewitness to Jesus—Amazing New Manuscript Evidence About the Origin of the Gospels bukana ia torea tauna ladana Matthew D’Ancona idia gwau, unai toretore ruaosi edia toana idia hegeregere ese ia hahedinaraia idia be nega tamona lalonai idia torea. Edena negai? Unai bisinesi pepana ena deit ia gwau “ ‘Lohiabada Nero ena lagani namba 12 ai, Epeiph 30’—iseda kalenda dekenai unai be July 24, 66 [C.E.].”
Profesa Philip W. Comfort be Tyndale Bulletin dekenai idia halasia herevana lalonai, ia gwau: “Unai deit, bema ia be deit maorona, be mai anina bada, badina ia hahedinaraia Mataio ese ena Evanelia bukana ia torea negana lalonai, unai kahana maragidia idia torea.” Bema unai deit ia maoro, Magdalen Papyrus be idia do noho Evanelia bukadia edia kahadia gunadia momokani.
[Picture on page 29]
The Magdalen Papyrus, ena bada korikorina be inai
[Credit Line]
By permission of the President and Fellows of Magdalen College, Oxford