November Ena Hesiai Hebou

October 28 ai Ia Matamaia Purana

Ane 100 (15)

(10 min) Kongregesen ena hadibaia herevadia.

(20 min) “Ta ese Ta Ia Durua​—Dahaka Karaia Totona?” Tadikaka ta ese inai hereva do ia kikilaia. Oi hahedinaraia mai edia kala idauidau Gima Kohorona bona Wastaua magasin hairaidia be nega rua hua ta ta iboudiai do ita davaria dainai, ita moale be gau badana. Bema nega ia hegeregere, haida oi abia hidi paragraf ta ta iboudiai bona Bible siridia danu idia duahidia totona.

(15 min) Gima Kohorona Magasin Gaukaralaia Dalana. Haheitalai ta. Inai hereva ia naria tadikakana do ia hahedinaraia goevagoeva namona be hebou taudia ta ta iboudiai be sibodia edia Gima Kohorona magasin idia abia, badina unai neganai idia duahia diba, eiava ia dekena amo duahiduahi dalana idia karaia toho diba.

HAHEITALAI: Inai haheitalai ia naria tadikakana ena hereva be inai:

Tadikaka: Namona be harihari Gima Kohorona stadi idia karaia taudia ita itaia. Stadi naria tauna be ia hegaegae namonamo. Namona be ita itaia daika daika idia mai. Hahine mai natuna kekeni maragina idia noho. Idia be sibodia edia Gima Kohorona magasin bona sibodia edia Bible idia abia. Unuseniai tadikaka ta be buruka tauna ta badinai ia helai. Idia be sibodia edia Gima Kohorona magasin idia abia. Unuseniai, taihu ta mai ena Bible stadi hahine idia helai. Idia be sibodia edia Gima Kohorona magasin idia abia. Harihari stadi naria tauna ena hereva ita kamonai:

Stadi Naria Tauna: Tadikaka Nou, mani emu kara paragraf oi duahia.

Tadikaka Nou: (Hari hua ena Gima Kohorona magasin amo paragraf maragina ta ia duahia. Ia duahia lalonai, platfom dekenai idia helai taudia be idia badinai idia helai taudia idia durudia paragraf ena hereva idia itaia totona.)

Tadikaka: Umui itaia, hereva ia duahia haragaharaga momokani lasi bona mai anina ida ia duahia. Helai taudia umui itaia; tadikaka ese paragraf ia duahia neganai, kongregesen taudia ta ta ese haida idia durudia unai hereva idia duahia toho totona, ani? Harihari, stadi idia hadokoa. (Idia iboudiai be platfom idia rakatania.)

Tadikaka: Kongregesen lalonai idia duahiduahi namonamo lasi eiava duahiduahi idia diba lasi taudia durudia be gaukara mai hekwarahina, to unai hekwarahi ese namo bada ia havaraia. Namona be Isaia 40:​29-31 ita duahia. (Ena anina oi kikilaia sisina.)

Tadikaka: Hua 6 idia ore vadaeni. Namona be unai kongregesen taudia ma ita itaia. (Harihari unai kongregesen maragina taudia be platfom dekenai do idia giroa mai.) Inai tadikaka bona taihu idia hekwarahi bada, edia gaukara idia hesikulaia lasi. Hari, stadi hadokoa totona, stadi naria tauna ese tau ta ia hamaoroa Bible siri ta ia duahia totona.

Stadi Naria Tauna: John, mani emu kara Isaia 54:13 oi duahia.

Tadikaka John: (Isaia 54:13 ia duahia.)

(Kongregesen maragina taudia be platfom idia rakatania, to stadi naria tauna bona John be platfom dekenai idia noho.)

Tadikaka John: (Stadi naria tauna ia hereva henia) Harihari lau moale bada herea, badina Bible lau duahia diba bona lau moale tadikaka ta ese lau ia durua dainai. Lau diba Iehova ese lau ia hadibaia, bona Gima Kohorona lau moalelaia badina lau ia durua Bible ena hereva lau lalo-pararalaia totona.

Stadi Naria Tauna: Oibe, lau itaia hari oiemu duahiduahi ia namo momokani. Lau laloa oi hekwarahi bada. Oiemu hekwarahi dainai, lau ese Roma 15:4 lau laloa. (Siri ia duahia) Oi itaia, Bible bona Gima Kohorona magasin edia hereva ita duahia diba be gau badana, badina unai ese ita ia durua ita haheauka totona, danu iseda lalona ia hagoadaia bona ita dekenai helaro ia henia. Lau diba oi moale badina oi hekwarahi duahiduahi dalana oi diba totona.

Tadikaka John: Oibe, lau moale. (Idia ruaosi be platfom idia rakatania.)

Tadikaka: Inai haheitalai ese ia hahedinaraia namona be ita goada karaia iseda duahiduahi dalana ita hanamoa totona, bona namona be ita ibounai be duahiduahi idia diba lasi taudia ita durudia, duahiduahi dalana idia diba totona. Danu, ta ta iboudiai be sibodia edia Gima Kohorona magasin idia abia be gau badana.

Ane 132 (70) bona guriguri.

November 4 ai Ia Matamaia Purana

Ane 56 (33)

(10 min) Kongregesen ena hadibaia herevadia.

(20 min) “New World Translation Bible be Basileia Tahua Taudia Ia Durudia.” Henanadai bona haere amo do oi karaia. Kiki Herevana gwauraia dalana oi hahedinaraia.

(15 min) Oi ese Sisiba Oi Badinaia, A? Inai hereva be April 1, 1991 ena Gima Kohorona, rau 26, 27 amo do oi hegaegaelaia.

Ane 46 (20) bona guriguri.

November 11 ai Ia Matamaia Purana

Ane 72 (63)

(10 min) Kongregesen ena hadibaia herevadia. Akaun ripotina gwauraia.

(20 min) “Kudouna Ibounai Ida Hesiai Gaukara Ita Karaia—Kahana 2.” Hebou vairanai, ia duahiduahi namonamo diba tauna oi abia hidi paragraf ta ta do ia duahia totona, bena ia duahia murinai, helai taudia dekenai henanadai oi gwauraia. Ena be Reasoning buka be English gado dekenai, to emu diba hegeregerena oi gaukaralaia toho.

(15 min) “Harihari Oi Hegaegae Lagani 1991-92 ‘Mauri Namona Idia Ura Henia Taudia’ Distrik Hebouhebou Do Oi Lao Henia Totona.” Tadikaka ta ese inai hereva do ia kikilaia. Helai taudia iboudiai oi hagoadaia hebouhebou ena hereva iboudiai do idia kamonai henia totona; to unai sibona lasi, idia oi hagoadaia harihari idia hegaegae Iehova ese iena orea dekena amo ia henia harihari gauna amo namo bada do idia abia totona.

Ane 28 (5) bona guriguri.

November 18 ai Ia Matamaia Purana

Ane 191 (103)

(10 min) Kongregesen ena hadibaia herevadia. Kongregesen ena haroro ripoti gwauraia.

(20 min) “Kongregesen Ena Buka Stadi—Kahaha 2.” Hebou vairanai, ia duahiduahi diba namonamo tauna oi abia hidi paragraf ta ta ia duahia totona, bena ia duahia murinai helai taudia dekenai henanadai oi gwauraia.

(15 min) “Lagani 1991/92 ‘Mauri Namona Idia Ura Henia Taudia’ Distrik Hebouhebou.” Tadikaka ta ese inai hereva do ia karaia. Helai taudia iboudiai oi hagoadaia idia hegaegae totona bona Iehova ena orea ese idia ia hadibaia heduru herevadia do idia badinaia totona.

Ane 25 (9) bona guriguri.

November 25 ai Ia Matamaia Purana

Ane 174 (7)

(10 min) Kongregesen ena hadibaia herevadia.

(20 min) “Sivarai Namona Harorolaia—Nega Momo Ita Haroro Teritori Dekenai.” Inai hereva oi henia neganai, oi hahedinaraia edena bamona helai taudia ia durua idia haroro neganai eiava edena bamona kongregesen taudia ia durua edia manoka gaukarana idia hanamoa totona. Hebou vairanai, ia duahiduahi namonamo diba tauna oi abia hidi paragraf ta ta do ia duahia totona, bena ia duahia murinai helai taudia dekenai henanadai oi gwauraia.

(15 min) Kongregesen Durua Herevana Ta. Tadikaka ta ese kongregesen durua herevana ta ia hegaegaelaia eiava Memero Kekeni buka ena rau 112-114 dekena amo “Kuku Ania Karana be Edena Bamona?” herevana do ia hegaegaelaia.

Ane 16 (81) bona guriguri.