Ta ese Ta Ia Durua—Dahaka Karaia Totona?
1 Ita moale badina nega rua hua ta ta iboudiai dekenai Gima Kohorona magasin matamatadia ita abia. Idia ta ta iboudiai edia kala be mai hairaina! Reana inai harihari gauna namona ma ta dainai Iehova oi tanikiu henia momo!
2 To mai anina bada gauna be inai: magasin dekena amo Iehova ese nega korikori dekenai lauma ‘aniani’ ita ia henia. (Mat. 24:45-47) Harihari do ita abia lauma ‘aniani’ be nega rua amo ia bada daekau! Tanobada ibounai dekenai iseda tadikaka ida be nega tamona unai magasin do ita abia, ‘nega korikori’ dekenai do ita abia unai!—Luka 12:42-44.
3 Oibe, bona unai lauma aniani ita abia be gau badana. Dahaka dainai? Badina Satana bona ena demoni be tanobada kahirakahira dekenai idia noho. (Apok. 12:12) Iena ura be dahaka? Ia ura ita ia hakererea bena unai amo Iehova ena ladana do ita hadikaia bona iseda mauri do ita haboioa.—Apok. 12:17.
4 Satana ita dadaraia totona gau badana be diba ita abia. Diba ita abia neganai abidadama karana ita abia diba danu. Abidadama ita abia neganai Iehova ita hamoalea diba bona ita do ia naria.—Heb. 11:4.
5 Unai anina be ita ta ta ibounai be ita sibona eda Bible bona sibona eda Gima Kohorona magasin ita abia be namo. Natudia be edena bamona? Oibe, namona be idia ta ta ibounai danu be sibodia edia Bible bona Gima Kohorona stadi magasin idia abia.
6 To reana oi gwau: “Unai tadikaka eiava taihu be duahiduahi ia diba lasi! Lauegu natuna be duahiduahi ia diba lasi! Unai dainai Bible bona Gima Kohorona magasin idia abia ena badina be dahaka?” Ena badina be idia ta ta iboudiai be laulau namodia idia itaia diba, idia ese unai laulau idia ‘stadilaia’ diba. Unai laulau idia atoa ena badina be idia ura ita idia durua Gima Kohorona ena hereva badadia ita diba totona.
DUAHIDUAHI IDIA DIBA TAUDIA EDIA GAUKARA
7 Oi duahiduahi diba, a? Vadaeni, harihari gauna namona oi abia unai. Ta ese duahiduahi dalana oi ia hadibaia, a? Oi hekwarahi bada duahiduahi dalana oi diba namonamo totona, a? Oibe, oi hekwarahi bada! Oiemu kongregesen dekenai haida be duahiduahi dalana idia do diba lasi, a? Oi ura idia oi durua duahiduahi dalana idia diba totona, a? Duahiduahi tauna ta ese duahiduahi diba lasi tauna ta ia hadibaia diba.
8 Ta oi durua ia duahiduahi diba totona ena hamatamaia dalana be dahaka? Namona be Gima Kohorona stadi lalonai, unai taudia be oi badinai do idia helai. Tadikaka ese paragraf ia duahidia neganai, idia oi durudia edia magasin lalonai unai hereva idia itaia totona. Natuna be duahiduahi idia hadibaia noho to idia dekenai unai bamona oi durudia diba danu, ani? Natudia be idia duahiduahi matamaia neganai do oi moale, reana guna idia duahiduahi namonamo lasi to gabeai idia duahiduahi namo herea!
9 Oibe, ta ese ma ta ia durua diba. Hadibaia gaukara dekenai ia kwalimu totona, namona be hahediba tauna ia haheauka bona ia hadibaia tauna be hanaihanai ia durua, ia hesiku lasi. Ia hadibaia tauna be duahiduahi dalana ia diba namonamo totona, gau badana be ia sibona ia hekwarahi bona hanaihanai unai diba ia tahua! Bema kongregesen lalonai ta ta iboudiai be mai edia Gima Kohorona magasin bona idia duahia eiava idia duahia toho neganai, unai be moale bada gauna ta.
10 Oibe, ta ese ma ta ia durua neganai, idia hadibaia tauna ena diba ia habadaia, ena abidadama ia habadaia bona mauri Henia Diravana, Iehova, ese unai tau ia moalelaia bada!
This article is unique to PNG.