October Ena Hesiai Hebou
October 7 Purana
Ane 47
10 min: Kongregesen ena hadibaia herevadia. Iseda Basileia Gaukara pepana amo Hadibaia Hereva haida abia hidi. Papua New Guinea ena bona kongregesen ena June haroro ripotina oi herevalaia.
15 min: Henanadai Mauana. Haroro naria tauna eiava elda ma ta ese helai taudia ida ia herevalaia.
20 min: “Oiemu Magasin Hariharilaia Herevana Oi Hegaegaelaia.” (Paragraf 1-7) Paragraf 1-4 amo henanadai oi henia, bena magasin matamatadia hariharilaia dalana be haheitalai rua eiava toi amo oi hahedinaraia, paragraf 5-7 edia hereva idia gaukaralaia. March 1, 1987, Watchtower, rau 17, paragraf 8-9 amo hereva haida oi gwauraia danu.
Ane 222 bona guriguri.
October 14 Purana
Ane 39
10 min: Kongregesen ena hadibaia herevadia. Akauns ripotina.
15 min: “Gau Namo Hereana Ena Sivarai Namona Harorolaia.” Henanadai bona haere. Gima Kohorona lalonai idia hedinarai hereva badadia haida oi gwauraia. —Watchtower, March 1, 1987, rau 13 itaia.
20 min: “Oiemu Magasin Hariharilaia Herevana Oi Hegaegaelaia.” (Paragraf 8-11) Henanadai bona haere. January 1, 1994, Gima Kohorona, rau 24-5, paragraf 18-21 ai idia noho hereva hani oi gwauraia danu. October ena magasin amo, hariharilaia herevana hegaegaelaia dalana hahedinaraia: (1) Oiemu teritori dekenai taunimanima idia laloa bada gauna ia kikilaia herevana oi abia hidi, (2) do oi hahedinaraia kahana namona oi abia hidi, (3) unai kahana dekenai taunimanima edia lalona ia veria henanadaina ta oi laloa, (4) Baibel siri ta oi abia hidi ia hegeregere neganai oi duahia totona, bona (5) hamatamaia herevana bona magasin do oi herevalaia dalana oi hegaegaelaia bena unai amo lalona oi veria bona ia abia dae. Pablisa namodia rua eiava toi oi abia hidi idia ta ta ese magasin hariharilaia dalana idia haheitalaia. Idia ta be, magasin hariharilaia dalana kwadogina ia haheitalaia mero o kekeni matamata.
Ane 82 bona guriguri.
October 21 Purana
Ane 169
15 min: Kongregesen ena hadibaia herevadia. Haida dekenai magasin matamata mailaia loulou karana hamatamaia dalana oi gwauraia hedinarai: (1) Oi rakatania magasin iboudiai bona oi hahedinaraia herevana oi torea, (2) oi hegaegae magasin matamata do oi mailaia, bona (3) pura ena haroro sediual amo nega namona ta oi atoa unai taudia do oi vadivadi henia totona. Kamonai taudia oi davaria neganai, sabskripsen oi hariharilaia, bona oi laloatao nega ta ta iboudiai magasin matamata oi mailaia be ripoti ai lou henia do oi torea.
15 min: “Emu Teritori Ibounai Oi Karaia Haorea.” Unai hereva herevalaia bona kongregesen be bisinesi gabudia ai haroro gaukara totona idia hegaegaelaia gaudia oi herevalaia. Helai taudia oi noia idia ese edia teritori dekenai idia noho sitoa dekenai idia haroro neganai idia abia ekspiriens namodia idia gwauraia.
15 min: Kongregesen durua herevana. Eiava elda ta ese May 1, 1996, Gima Kohorona, rau 21-4 ai ia noho herevana, “Emu Laloa Daradara Lasi Karana Oi Dogoatao Auka ela Bona Dokona” amo hereva ta ia karaia.
Ane 12 bona guriguri.
October 28 Purana
Ane 27
10 min: Kongregesen ena hadibaia herevadia. December lalonai pablik holide idia noho, bona reana nega ita abia moni gaukara bona sikuli amo, iboudiai oi hagoadaia reana heduru painia gaukarana idia palanilaia. Iboudiai oi hamaorodia October ena haroro ripoti be inai pura dokonai do idia henia.
20 min: “Nega Namona Hoia Dalana.” Henanadai bona haere. December 1, 1989, Watchtower, rau 16-17, paragraf 7-11 edia hereva haida oi gwauraia danu.
15 min: November ena henia gauna oi herevalaia. Diba bukana do ita hariharilaia, bona do ita goada buka idia abia taudia iboudiai ita lou henia, Baibel stadi ita hamatamaia totona. Pablisa namona rua eiava toi ese buka ena namo bona gaukaralaia dalana idia herevalaia. Ena hereva be mai anina bada taunimanima idauidau dekenai. Ia ese Baibel ena hereva badadia bona hakaua herevadia ia hahedinaraia, kamonai matamata taudia be idia do bapatiso lasi neganai idia diba gaudia unai. Bema stadi ita karaia hanaihanai, stadi tauna be lauma dalanai ia tubu haraga. Oi hahedinaraia edena bamona stadi be maoromaoro ita hamatamaia diba: Rau 4-5 ai ia noho laulau bona hereva oi gwauraia; stadi dalana oi hadibaia; hereva haida amo karoa 1 ena paragraf ginigunadia ima oi herevalaia; dala hegaegaelaia gabeai do oi giroa bona umui herevahereva lou totona, bona inai henanadai ena haere do ia abia, Mauri hanaihanai be nihi sibona, a? Baibel stadi ita karaia amo ia mai moalena oi herevalaia badabada.
Ane 162 bona guriguri.