June Ena Hesiai Hebou

June 2 Purana

Ane 181

8 min: Kongregesen ena hadibaia herevadia. Iseda Basileia Gaukara pepana amo Hadibaia Hereva haida abia hidi. June 9 totona umui hegaegaelaia haroro gaukara herevalaia. Tadikaka hadibaia inai hua lalonai Hesiai Gaukara Karaia Totona Ita Hegaegae bukana ena kopi ta idia abia mai, Hesiai Hebou lalonai ena kahana haida do ita kikilaia. Sosaiti ena revareva SB July 16, 1996 Keristani Taudia Edia Lalohadai Eleksen Dekenai be kongregesen dekenai oi duahia bona notisbod ai oi atoa.

15 min: “Do Umui Gaukara Goada.” Henanadai bona Haere.​—Gima Kohorona, April 15, 1993, rau 28-​30 itaia danu.

22 min: “Dirava amo Ia Mai Dibana ese Henanadai Momo Ia Haerelaia.” Seamani ese pablisa rua o toi, bona mero o kekeni ta danu unai idia kikilaia. Paragraf 1 oi herevalaia, hahedinaraia dahaka dainai Diba bukana ese ita ia durua henanadai haerelaidia totona. Haheitalai haida karaia, bona unai haheitalai ta ta murinai hanamoa daladia oi gwauraia.

Ane 200 bona guriguri.

June 9 Purana

Ane 189

7 min: Kongregesen ena hadibaia herevadia. Akaun ripotina.

18 min: Goeva Karana Herevalaia. Helai taudia danu kikilaia. Tauanina ia goeva karana be hahegani ta, bona unai kara ese Iehova ena taunimanima edia toana ia hedinaraia. (Deut. 23:​12-14; 2 Kor. 7:1) Bema iseda ura badana be ita goeva noho, unai ese ia hamomokania Iehova ena hahegani ita ura henia bada. Hesiai Gaukara bukana rau 130-1 itaia. Hahedinaraia dahaka dainai inai kara haida be mai edia anina bada ruma bese ta ta dekenai: (1) Emu aena oi dahua guna bena ruma lalonai oi vareai. (2) Tamaka o silipasi oi karaia. (3) Toileti ia goeva noho bona bema ranu gauna oi gaukaralaia, ranu gauna oi gigia bena momoru do ia huria lao. (4) Toileti oi gaukaralaia murinai bona oi do aniani lasi neganai eiava aniani oi hegaegaelaia gwauraia neganai, oiemu imana be sopu bona ranu amo oi huria. (5) Muko amo emu kuru oi dahua oho. (6) Inai gaudia oi daua toho lasi: animal bona manumanu edia kukuri, bita, pitopito, momoru, kopina dika sisiadia. (7) Oi digu neganai sopu oi gaukaralaia nega ta, dina tamona lalonai.​—Mani Noga! Issue Number 2, 1989, rau 9-13; Gima Kohorona, December 1, 1989, rau 17-21 itaia danu.

20 min: Ma Haida Hadibaia​—Ura Gauna Badana. Elda ta ese inai ia karaia. Gima Kohorona, January 1, 1997, rau 18 lalonai Hesiai Laganina ena ripoti riviulaia. Gabu idauidau ai taunimanima haroro henia gaukarana badana ese huahua ia havaraia noho. Hari, gau badana be kamonai taudia lou henidia bona hereva momokani hadibadia. Loaloa gabudiai idia ita davaria neganai, aonega dalanai edia ladana bona adres oi abia, lou henia oi karaia diba totona. Ita hadoa sibona be hegeregere lasi; namona be ranu amo ita dairia danu. (1 Kor. 3:​6-8) Uhe be tano namona ai ita hadoa neganai, hadibaia namonamo karana ese unai tauna ena lalona do ia kehoa ia dibaia gauna ena anina ia abia totona. (Mat. 13:23) Mai iseda lalona ibounai ida bona aonega bada ida hadibaia gaukarana ita karaia be namo. (Heb. 5:​12a) June 1996 ena Iseda Basileia Gaukara pepa lalonai idia udaia pepana, paragraf 25-6 ena kahana haida gwauraia. Hagoadadia Baibel stadi idia hamatamaia diba Dahaka Ita Karaia? buklet amo eiava Diba bukana amo.

Ane 204 bona guriguri.

June 16 Purana

Ane 192

10 min: Kongregesen ena hadibaia herevadia. Tomadiho bukana, rau 166, paragraf 12, bona Buka Helaga Herevalaia bukana, rau 137 lalonai politikol eleksen negana lalonai, Keristani taudia edia gini siri karana ena hereva haida gwauraia.

25 min: Manada tadikaka ia hegaegae namonamo Gima Kohorona, September 1, 1989, rau 8-11 ai inai hereva, “Headava-Davana​—Keristani Taudia Idia Karaia be Maoro, A?” ena kahana badadia ia herevalaia. Namona be Baibel ena hakaua herevadia idia badinaia headava davana totona dala idia abia hidi neganai. Mataganigani dainai headava davana bada idia noia, a? (1 Kor. 5:11; 1 Tim. 6:10) Bema headava davana ia bada dainai headava idia karaia haraga lasi, unai ese idia hegeregere lasi taudia reana do ia doria bona do idia mahuta hebou, a? (Heb 13:4) Tadikaka ta ese headava davana bada ia ura dainai, ena natuna ia koua lasi bona murimuri tauna ese ia adavaia neganai, unai tadikaka be ia hegeregere dagi gaukarana ta ia abia, a? (1 Kor. 7:39; 1 Tim 3:​4, 5, 12, 13) Tauanina gaudia dekenai tama sina edia maduna natu dekenai be dahaka? (2 Kor. 12:​14) Baibel ena hereva natu edia maduna tama sina dekenai be headava davana idia karaia murinai ia doko, a? (1 Tim. 5:4) Daika ena taravatu bona hahegani ese kastom daladia ia hereaia?​—Kara 5:29.

10 min: Oi be mai Emu Oda, A? Gima Kohorona bona Awake! be Basileia sivaraina harorolaia gaukarana idia durua gau namodia. Nega idauidau ai ita hariharilaia toho be namo. Namona be pablisa ta ta be mai edia magasin oda bona hua iboudiai edia kopi ia noho. Namo lasi haroro neganai ita be magasin lasi bona pablisa ma haida edia amo ita tahua, eiava pepapepa o buklet sibona ita gaukaralaia. Magasin abia gabunai oda oi atoa bona ia ginidae neganai maoromaoro oi abia. Oda abia noho ena badina namodia haida gwauraia.

Ane 201 bona guriguri.

June 23 Purana

Ane 193

5 min: Kongregesen ena hadibaia herevadia.

15 min: Oi Lao Hanaihanai Haroro Totona. Haroro naria tauna ese ia karaia. Hesiai Gaukara bukana, rau 106-109 ena hereva badadia riviulaia. Hagoadadia idia haroro hanaihanai bona nega korikori ai hua dokona ena ripoti do idia henia, unai amo seketere ese kongregesen ena ripoti do ia siaia haraga brens opesi dekenai, dina namba 6 ia do abia lasi neganai. Hua ta ita reaia be namo lasi eda abidadama be taunimanima vairadiai gwauraia hedinarai totona.​—Roma 10:​9, 10.

25 min: “Tama Sina e​—Natudia Hadibaia Haroro Totona.” Henanadai bona haere. Hesiai Gaukara bukana, rau 100-101 lalonai “Memero Bona Kekeni Durudia Dalana” kikilaia danu.

Ane 211 bona guriguri.

June 30 Purana

Ane 197

10 min: Kongregesen ena hadibaia herevadia. Ibounai hadibaia June ena ripoti idia henia.

20 min: “Eregabe Taudia e​—Dahaka Lauma Gaudia Umui Tahua?” Tamana rua ese inai idia kikilaia hebou. Edia hereva ese natudia ia durua dahaka dainai tiokratik dalanai tahua gaudia do idia atoa be mai ena namo, lauma dalanai hahenamo do ia mailaia, to tanobada ena kohu do idia tahua lasi.​—Hesiai Gaukara bukana, rau 116-​18 itaia danu.

15 min: Hegaegae July ena Henia Gauna Totona. Buklet rua oi abia hidi, emu teritori lalonai idia ura henia gaudia, bona edia lalonai hereva badadia haida riviulaia. Kiki dalanai unai hereva oi gaukaralaia dalana haida oi gwauraia. Ibounai hagoadaia idia hariharilaia gaudia idia torea bona idia lou henia edia kamonai karana habadaia totona.

Ane 109 bona guriguri.