May Ena Hesiai Hebou
May 3 Purana
Ane 7
8 min: Kongregesen ena hadibaia herevadia. Iseda Basileia Gaukara pepana amo Hadibaia Hereva haida abia hidi. Orea Ena Sivarai.
17 min: “Haida Hadibaia Namo Idia Davaria Totona.” Hamatamaia hereva be miniti tamona lalonai oi gwauraia, bona henanadai bona haere amo oi karaia. Diba bukana ena karoa 13 amo oi hahedinaraia taunimanima ese Baibel ena hakaua herevadia idia stadilaia, lalo-pararalaia, bona badinaia karana amo namo idia davaria.
20 min: “Emu Hesiai Gaukara Oi Habadaia Daladia.” Elda rua ese inai do idia herevalaia, helai taudia idauidau edia henanadai haerelaia totona. Ia pablisa vadaeni mero o kekeni ta, tau ta bona ena adavana, bona ena mauri laganidia dainai moni gaukara amo ia ritaea tadikaka ta be idia henanadai, edena bamona edia hesiai gaukara do idia habadaia diba. Heduru herevadia be inai hereva bona Hesiai Gaukara bukana ena karoa 9 amo idia henia, rau 116-18 ai ia noho herevana “Nega Vairanai Dahaka Oi Ura Karaia Lauma Dalana Dekenai?” idia herevalaia momo. Pablisa taudia ese edia moale idia hahedinaraia, badina Society ese vaira negana ai hesiai gaukara ita habadaia totona heduru herevadia ia henia.
Ane 11 bona guriguri.
May 10 Purana
Ane 15
8 min: Kongregesen ena hadibaia herevadia. Akaun ripotina.
12 min: Elda ta eiava lo hesiai tauna ta ese ia herevalaia. Ia hahedinaraia dahaka dainai pablisa ta ta be pura ta ta ai ena haroro ripoti do ia torea namonamo, bona hua dokona ai do ia henia haraga be namo. Hesiai Gaukara bukana rau 108-9 amo iseda gaukara ena ripoti ita henia be gau badana oi hahedinaraia. Bema pablisa ese ripoti idia henia haraga lasi be hekwakwanai ta, unai hanaia daladia, hegeregere ripoti pepadia idia noho bona ripoti henia karana be iseda tiokratik mauri dalana ai ita halaoa, oi herevalaia. Pura ena hebou iboudiai be dina tamona lalonai idia karaia kongregesen edia pablisa taudia hagoadaia edia ripoti do idia hegaegaelaia hua ena hebou ginigabena eiava hua matamatana ena dina namba 6 ia do abia lasi neganai idia henia diba totona. Bema nega ia hegeregere, blakbod ai oi hahedinaraia edena bamona Haroro Gaukara bona Stadi Ripoti idia torea maoromaoro, bema unai be hekwakwanai ta.
25 min: Lo tadikaka ta ese September 15, 1998, Gima Kohorona ena rau 24-27 amo inai hereva “Hahine Davana Maorona Herevalaia Karana” ena hereva badadia do ia herevalaia. Mataganigani karana, tama sina edia maduna, do idia headava taudia ruaosi bona edia namo lauma dalanai laloa bada karana dekenai Baibel ena hakaua hereva badadia oi hahedinaraia.
Ane 19 bona guriguri.
May 17 Purana
Ane 27
8 min: Kongregesen ena hadibaia herevadia.
15 min: “Palani Karaia Guna!” Hua haida ai tiokratik gaukaradia totona idia palanilaia vadaeni gaudia herevalaia lou herevana ta. Ibounai hagoadaia edia kalenda dekenai unai dina do idia toredia bona gau ta ese ia koudia lasi be namo.
22 min: Iseda Kastom Karadia Bona Keristani Hakaua Herevadia Ita Laloa Maoromaoro. Lo tadikaka ta ese do ia henia bona do ia hahedinaraia namona be Dirava ena hakaua herevadia idia utua kastom karadia ita diba. October 1, 1998, Gima Kohorona rau 19-22 ia herevalaia. Emui teritori ai taunimanima edia kara bona kastom be idauidau oi gwauraia hedinarai. Baibel ena hereva kastom karadia abia dae eiava dadaraia karana dekenai oi herevalaia. Korinto Iharuana 6:3 bona tauanina ena ura bona tanobada ena lalohadai idia hahedinaraia kastom karadia dainai ita naria namonamo be namo oi hahedinarai.
Ane 29 bona guriguri.
May 24 Purana
Ane 41
5 min: Kongregesen ena hadibaia herevadia.
15 min: Henanadai Mauana. Elda ta ese ia henia.
25 min: Hapararaia Gaukarana Ita Karaia Noho, A? Haroro naria tauna ese lalona hamarerea herevana be July 1, 1997, Gima Kohorona ena rau 30-1 amo ia henia.
Ane 32 bona guriguri.
May 31 Purana
Ane 43
15 min: Kongregesen ena hadibaia herevadia. Ibounai hadibaia May ena haroro ripotina do idia henia. June ena henia gauna herevalaia. Diba bukana oi henia toho neganai, rau 192 bukadia, kongregesen ai momo idia noho gaudia ta, oi henia danu. Haheitalai ta oi karaia.
15 min: Kongregesen durua herevana. Eiava February 1, 1999, Gima Kohorona ena hereva “Edena Dala ai Manau Momokanina Oi Hahedinaraia Diba?” oi herevalaia.
15 min: Lauegu Tomadiho Ena Kerere be Dahaka? Hesiai taudia rua ese idia herevalaia. Iehova ena Witness taudia edia kara idia laloa bada bona hereva momokani idia ura henia taudia momo ita davaria. To, edia dubu idia badinaia karana ese ia koudia. Idia davaria iseda tomadiho sibona be tomadiho momokanina bona edia tomadiho dalana be koikoi herevana idia abia dae be auka. Unai be lauma dalanai edia tubu ia koua gauna badana ai ia lao. Tadikaka ese Buka Helaga Herevalaia bukana rau 204 ai idia gwauraia gau badadia 6 do idia herevalaia, unai ese idia hahedinaraia goevagoeva ma tomadiho idaudia ese Baibel ena hereva idia badinaia lasi. Helai taudia umui hagoadaia unai hereva badadia do idia gaukaralaia namonamo bena kamonai taudia idia durua idia ese idia abia dae tomadiho herevadia do idia laloa namonamo totona.
Ane 50 bona guriguri.