Gima Kohorona INTANET LAIBRI
Gima Kohorona
INTANET LAIBRI
Hiri Motu
  • BAIBEL
  • PABLIKEISEN
  • HEBOUDIA
  • km 6/99 rau 4
  • Emu Nega Oi Gaukaralaia Namonamo

Oi abia hidi kahana ena vidio ia noho lasi.

Sori, hekwakwanai ia vara vidio ia loud totona.

  • Emu Nega Oi Gaukaralaia Namonamo
  • Iseda Basileia Gaukara—1999
  • Inai Bamona Atikol
  • Haroro Grup Ena Hebou
    Iseda Basileia Gaukara—2009
  • Haroro ai Nega Gaukaralaia Namonamo
    Iseda Basileia Gaukara—2015
  • Anina Oi Havaraia Emu Haroro Gaukara Lalonai
    Iseda Basileia Gaukara—1998
  • Haroro Grup Ena Hebou ese Namo Ia Havaraia
    Iseda Basileia Gaukara—2015
Ma Haida Itaia
Iseda Basileia Gaukara—1999
km 6/99 rau 4

Emu Nega Oi Gaukaralaia Namonamo

1 Pura ta ta lalonai taunimanima ibounai ese idia gaukaralaia negana ena bada be hegeregere. Sivarai namona harorolaia gaukarana lalonai ita gaukaralaia negana be mai anina bada, badina unai nega be taunimanima hamauria gaukarana lalonai ita gaukaralaia. (Roma 1:​16) Haroro totona ita hegaegae namonamo, haroro hebou dekenai ita ginidae nega korikori ai, bona karaharaga teritori dekenai ita lao ese ia hahedinaraia ita ese unai gaukara ita laloa bada. Haroro gaukarana ita karaia be namo, to haroro hebou dekenai ita naria kava be namo lasi. Iehova ese ita ia hadibaia ‘gau ibounai be mai edia nega korikori,’ unai dainai, namona be haroro gaukara totona ita atoa negana ita gaukaralaia namonamo.​—Had. 3:1.

2 Mai Aonega ida Emu Nega Oi Gaukaralaia: Hahenamo momo do ita abia, bema ita haroro hanaihanai diba totona ita karaia sediual ta ita badinaia noho. Vaia, haroro gaukara lalonai ita abia hahenamo be hesiai gaukara lalonai ita gaukaralaia negana ena bada ida ia hegeregere be namo. Hanaihanai ita karaia gaudia haida ita haidaua sisina, bena reana hesiai gaukara lalonai ita gaukaralaia negana ita habadaia diba, a? Hegeregere, Saturday ena magasin gaukara murinai, ma nega sisina ita gaukaralaia diba lou henia haida ita karaia totona, a? Bema ita be Sunday ai haroro gaukara ita karaia, nega ma ita gaukaralaia danu lou henia haida o Baibel stadi ta ita karaia totona, a? Iseda ruma-ta-ruma-ta haroro gaukarana sibona lasi to dala gaukarana danu ita karaia diba, a? Unai bamona daladia o dala ma haida ai, ita ese iseda hesiai gaukara ita hanamoa diba.

3 Haroro gaukara ita karaia lalonai, bema ita naria namonamo lasi, ita ese mai ena anina bada negana ita haorea kava diba. Momokani, bema ia be medu o lai bada herea negana, ita laga-ani sisina diba bena goada ita abia ita haroro noho totona. To, oi naria namonamo, badina nega haida unai laga-ani negadia be anina lasi.

4 Vanegai lagani lalodiai, taunimanima be edia ruma dekenai ita davaria be auka. Unai hanaia totona, pablisa momo ese dina ena nega idauidau ai edia ruma-ta-ruma-ta gaukarana idia karaia. Daba kahana ai, adorahi ai, o hanuaboi ai, bema oi noho gabuna dekenai unai be namo, oi haroro toho diba, ani?

5 Dala gaukara idia karaia lalonai pablisa taudia idia herevahereva hebou lasi be namo. To, namona be ta ta amo sisina daudau idia gini bona taunimanima dekenai idia lao hereva idia hamatamaia totona. Unai dala amo nega do idia gaukaralaia namonamo bona unai gaukara amo moale bada do idia davaria.

6 Dala Oi Tahua Oi Haroro Totona: Ruma tauna ta ia gwau ia ura lasi kamonai neganai, Witness taihu ta be ia henanadai bema ruma ai ma ta ia noho ia ida do idia herevahereva totona. Unai ia karaia dainai unai ruma biaguna ida ia herevahereva, ia be lagani momo lalodiai ia gorere bona mahuta patana ai ia hekure sibona. Dirava ena Hereva lalonai ia noho helarona ese ena lalohadai mauri dekenai ia hamatamataia lou. Daudau lasi murinai ia be ena mahuta patana amo ia toreisi, Kingdom Hall dekenai hebou ia lao henia, bona ena helaro matamatana be ma haida dekenai ia harorolaia!

7 Kongregesen Buka Stadi vairanai hora ta lalonai haroro gaukara do idia karaia heduru herevana be taihu matamatana ta ese ia badinaia. Ruma ginigunana ai, ena mauri lagani be 13 kekenina ta ia davaria, ia kamonai namonamo bona buka ia abia. Murina dinana ai sikuli gabuna dekenai, unai taihu matamata ese unai kekeni ia itaia lou. Nega sisina murinai, unai taihu ese ia nanadaia bema ia ura Baibel do idia stadilaia hebou, bona unai kekeni ese stadi ia abia dae.

8 Nega Namo Hereana ai Oi Halaoa: Haroro gaukara ita karaia hanaihanai ese ita ia durua sivarai namona harorolaia namonamo daladia ita diba totona. Hamatamaia hereva namona ta oi gaukaralaia diba, iduara ai hereva oi hamatamaia namonamo totona, a? Baibel stadi ta oi karaia neganai, oi be tisa tauna namona ta bamona oi karaia diba, a? Unai oi karaia neganai, oi ese emu nega oi gaukaralaia namonamo bona emu haroro gaukara ese anina do ia havaraia.​—1 Tim. 4:​16.

9 “Nega be kwadogi” dainai, namona iseda mauri be Keristani gaukaradia amo ita hahonua. (1 Kor. 7:​29) Haroro gaukara ena nega ita laloa neganai, namona be ia ita atoa guna, ma gau ibounai be gabeai. Namona be haroro gaukara lalonai ita gaukara namonamo mai lalo-goada ida. Nega be Iehova ese ita ia henia gauna namona ta. Hanaihanai oi gaukaralaia namonamo mai aonega ida.

[Box on page 4]

Inai Durua Herevadia Umui Laloa:

◼ Nega korikori ai haroro hebou dekenai umui ginidae.

◼ Haroro grup ena bada laloa namonamo.

◼ Teritori dekenai umui lao haraga.

◼ Taunimanima momo be edia ruma ai idia noho neganai teritori umui karaia.

◼ Nega haida oi sibona oi gaukara, to bema unai dainai dika oi abia diba do oi karaia lasi.

◼ Ruma ta ruma ta umui karaia teritori kahirakahira ai lou henia oi karaia.

◼ Haroro gaukara lalonai haida umui naria noho lalonai, dala ai haida umui haroro henia noho.

◼ Bema mai dalana, hora tamona sibona oi haroro lasi to nega sisina daudau oi gaukara.

This article is repeated in km 8/04

    Hiri Motu Pablikeisen (1987-2026)
    Log aut
    Login
    • Hiri Motu
    • Ta dekenai siaia
    • Preferens
    • Copyright © 2025 Watch Tower Bible and Tract Society of Pennsylvania
    • Gaukaralaia Taravatudia
    • Privacy Policy
    • Privacy Settings
    • JW.ORG
    • Login
    Ta dekenai siaia