July Ena Hesiai Hebou
July 5 Purana
Ane 6
10 min: Kongregesen ena hadibaia herevadia. Iseda Basileia Gaukara pepana amo Hadibaia Hereva haida abia hidi. Papua New Guinea ena bona kongregesen ena March haroro ripotina oi herevalaia. Orea Ena Sivarai.
20 min: “Iehova Ena Heduru Abia Totona Oi Guriguri.” Hamatamaia herevana oi hakwadogia, miniti ta ia hanaia lasi, bena henanadai bona haere amo oi karaia. Edena dala ai, guriguri idauidau be mai anina bada iseda hesiai gaukara ita karaia namonamo totona oi hahedinaraia. Helai taudia oi noia edia ekspiriens idia kikilaia, idia hahedinaraia edena bamona guriguri karana ese ia durudia edia hesiai gaukara lalonai.—October 15, 1996, Gima Kohorona, rau 32 itaia.
15 min: Buklet Idauidau Gaukaralaia Namonamo. Hereva henia bona haheitalai. Oi hahedinaraia dahaka dainai buklet be tulu namodia iseda hesiai gaukara lalonai. Idia torea herevadia momo be taunimanima ese idia ura henidia, hereva badadia ta idia herevalaia namonamo, bona hereva manokadia amo Baibel ena hahediba herevadia idia hahedinaraia. Inai hua dekenai do ita hariharilaia buklet idauidau oi gwauraidia, bona kongregesen dekenai edena gaudia be momo, unai oi hahedinaraia. July 1997 bona July 1998 Iseda Basileia Gaukara pepana lalonai, haroro herevadia amo haheitalai rua eiava toi karaia.
Ane 181 bona guriguri.
July 12 Purana
Ane 103
10 min: Kongregesen ena hadibaia herevadia. Akaun ripotina.
15 min: “Hegaegae Karana ese Moale Ia Havaraia.” Hereva bona haida henanadai henidia. Oi hahedinaraia dahaka dainai hegaegae karana be mai anina bada iseda hesiai gaukara lalonai bona edena dala amo ita ia durua diba moale korikori ita abia totona. (Haroro Sikuli Ena Buka, rau 12, paragraf 1-2 itaia.) Idia manada pablisa taudia rua eiava toi oi henanadai henidia, do idia hahedinaraia edena bamona haroro totona idia hegaegae guna bona edena bamona unai ese ia durudia. Bona haroro gaukara lalonai Buka Helaga Herevalaia bukana gaukaralaia namonamo karana April 15, 1993, Gima Kohorona, rau 30, dekenai ia noho sivaraina oi gwauraia hedinarai.
20 min: “ ‘Hereva Ena Anina Korikori Ita Gwauraia!’ ” Helai taudia ida kikilaia bona haheitalai. Iduara dekenai, ta ena lalona ia veria diba herevadia ta ta oi riviulaidia. Manada pablisa taudia abia hidi, hamatamaia hereva namodia haida idia haheitalaia totona. Helai taudia oi noia bona edia ekspiriens amo do idia hahedinaraia, emui teritori dekenai dahaka hereva be anina namona ia havaraia.
Ane 183 bona guriguri.
July 19 Purana
Ane 31
10 min: Kongregesen ena hadibaia herevadia.
15 min: Kongregesen durua herevana. Eiava, idia abidia vareai lou taudia kara henia dalana dekenai, hereva ta October 1, 1998, Gima Kohorona, rau 16-18 amo oi henia.
20 min: Orea Ma Ta Dekenai Lau Vareai be Namo, A? Helai taudia ida Buka Helaga Herevalaia bukana, rau 315-19, herevalaia hebou. Nega momo ita davaridia taudia haida be Basileia ena sivarai idia kamonaia to idia ura lasi idia “vareai” ma tomadiho oreana ta dekenai. “Orea” ena anina bona Iehova ena orea dibaia daladia 7 riviulaia. Oi hahedinaraia, dahaka dainai ia be ma orea haida amo ia idau bona edena bamona ia bamoa tauna be hahenamo momokani do ia davaria.
Ane 189 bona guriguri.
July 26 Purana
Ane 184
13 min: Kongregesen ena hahediba herevadia. Ibounai oi hadibadia July ena haroro ripoti do idia henia. Henanadai Mauana.
15 min: “Heduru Oi Henia Diba, A?” Elda ta be helai taudia ida unai do ia kikilaia. October 8, 1995, Awake!, rau 8-9, lalonai adavana lasi, tama eiava sina durua herevadia oi kikilaia danu. Idia haida oi nanadaia, kongregesen lalonai idia noho taudia haida edia lalokau idia moalelaia dalana do idia hahedinaraia totona.
17 min: Taunimanima be Hahediba Taudia ai Ita Halaoa, A? Haroro naria tauna be hesiai taudia ta eiava rua ida February 15, 1996, Gima Kohorona, rau 19-22 dekenai amo idia torea herevadia do idia kikilaia hebou. Baibel amo do idia hahedinaraia dahaka dainai ita ura kamonai taudia ita tahua iseda teritori dekenai bona hahediba taudia ai ita halaodia be namo. (Mat. 10:11) Unai bamona taudia ese kara dika bona Dirava badinaia lasi karadia idia itaia dainai idia tai noho bona idia ura Iehova idia tahua, iena badu ia do ginidae lasi neganai. (Esek. 9:4; Sep. 2:2, 3) Idia huanai be Dirava ese ia abia hidi, “mauri hanaihanai abia totona taudia.” (Kara 13:48) Hahediba taudia halaoa gaukarana be iseda maduna, taunimanima ita hadibaia Iesu ena hereva ibounai idia badinaia totona. (Mat. 24:14; 28:19, 20) Ena be ruma-ta-ruma-ta gaukarana, nega bona gabu idauidau dekenai ita haroro, eiava dala gaukara be kamonai taudia edia lalona ita veria matamaia negadiai, to hahediba taudia ai ita halaodia dalana be ita hereva henia lou karana amo—lou henia bona Baibel stadi karana unai. Edena dala haida amo unai idia karaia diba oi herevalaia.
Ane 14 bona guriguri.