Hesiai Hebou Ena Sediual
March 13 Purana
Ane 118
10 min: Kongregesen ena hadibaia herevadia. Iseda Basileia Gaukara pepana amo Hadibaia Hereva haida abia hidi.
15 min: “Sivarai Namona Ita Harorolaia.” Miniti tamona lalonai hamatamaia hereva kwadogina gwauraia, bena henanadai bona haere amo oi karaia. Diba bukana be haroro gaukara lalonai ita hariharilaia neganai ita gaukaralaia diba Baibel siri namodia haida be ia amo oi gwauraia.
20 min: “April 2000 be Hua Namo Hereana ai Ita Halaoa Diba, A?” (Paragraf 1-11) Henanadai bona haere. Vanegai kongregesen lalonai, heduru painia gaukara idia karaia taudia edia namba badana ta oi gwauraia. Unai namba lalonai idia noho taudia haida oi noia, edia haroro gaukara idia habadaia karana amo idia abia namo idia herevalaia totona. Kongregesen taudia oi hagoadaia, do idia hekwarahi April lalonai unai heduru painia taudia edia namba ita habadaia totona. Hesiai Gaukara bukana ena rau 113-14 ena hereva oi riviulaia, ia hahedinaraia unai gaukara totona daidia idia hegeregere. Idia ura heduru painia gaukara idia karaia taudia ese hebou murinai aplikeisen ta idia abia diba.
Ane 187 bona guriguri.
March 20 Purana
Ane 21
10 min: Kongregesen ena hadibaia herevadia. Akaun ripotina. Rau 7 dekenai ia noho herevana “Dahaka Do Lau Gwauraia?” amo, heduru hereva haida be nega kwadogina lalonai oi gwauraia.
15 min: “Dahaka Lau Karaia Diba?” Buka stadi naria tauna ese hesiai tauna ta eiava rua ida unai hereva ia herevalaia. Iseda goada be idauidau dainai, pablisa haida be reana idia laloa kongregesen ena gaukara idia durua bada lasi. Ita ibounai ese kongregesen ita hagoadaia bona Basileia ena gaukara ita durua diba daladia momo amo haida oi riviulaia. Dokonai oi hahedinaraia edena bamona “Ripoti Dokona Lalonai Ita Ripoti Danu.”—Hesiai Gaukara bukana ena rau 108-9 itaia.
20 min: “April 2000 be Hua Namo Hereana ai Ita Halaoa Diba, A?” (Paragraf 12-18) Henanadai bona haere. Oi diba tauna ta be Memorial dekenai oi boiria mai dalana be haheitalai kwadogina amo oi hahedinaraia. Lagani 2000 Calendar amo April huana oi riviulaia bona emui kongregesen dekenai idia palanilaia haroro heboudia oi gwauraia. Ta ta oi hadibaia sediual namona ta idia karaia unai hua lalonai haroro gaukara idia karaia badabada totona, unai amo kongregesen taudia ibounai ese haroro gaukara do idia karaia diba. Heduru painia gaukara idia karaia diba taudia ibounai hagoadaia hebou murinai aplikeisen ta idia abia totona. Idia oi hagoadaia rau 6 dekenai ia noho painia gaukara ena sediual idia gaukaralaia.
Ane 65 bona guriguri.
March 27 Purana
Ane 119
10 min: Kongregesen ena hadibaia herevadia. Ibounai hadibaia March ena haroro ripoti idia henia totona. April lalonai heduru painia gaukara do idia karaia taudia edia ladana oi gwauraia. Oi hahedinaraia nega ia do noho aplikeisen idia henia totona. Unai hua totona idia palanilaia haroro hebou edia sediual oi gwauraia. Ibounai hagoadaia inai Saturday bona Sunday ai idia haroro totona, unai dala amo April be dala namona ai ita hamatamaia diba. April lalonai Gima Kohorona bona Awake! magasin edia kopi ta ta do ita hariharilaia. Haroro gaukara lalonai hereva hamatamaia totona ita gaukaralaia namonamo diba hereva namona ta be unai magasin matamatadia ta ta amo oi hahedinaraia. Ibounai ese Dahaka Ita Karaia? buklet idia abia be namo bona ita hekwarahi kamonai taudia ida Baibel stadi ita hamatamaia totona.
13 min: “Heduru Totona Oi Noia.” Elda ta ese hereva do ia henia bona helai taudia ida do ia kikilaia. Oi hahedinaraia edena bamona ita ibounai be nega ta ta ai heduru ita abia be namo. Momokani, ita ta ta ese sibona eda metau ita huaia be namo. (Gal. 6:5) To, bema ita hegeregere lasi, namona be kongregesen lalonai lauma dalanai ia lo tauna ta amo heduru ita noia. Helai taudia oi noia edia haheitalai idia gwauraia, idia hahedinaraia haida edia heduru namona amo goada idia abia.
10 min: Kongregesen durua herevana. Eiava October 1, 1999, Gima Kohorona ena rau 28-31 amo inai hereva “Mai Goadana ida Kara Dika Oi Dadaraia” oi herevalaia.
12 min: Kongregesen gunalaia tauna ese Hesiai Gaukara bukana ena rau 173-75 amo inai kahana “Kongregesen Edia Elda Taudia ese Inai Idia Laloa be Namo” ia riviulaia. Kamonai taudia be lauma dalanai idia goada idia lao totona idia durua karadia ia herevalaia. Bapatiso idia lalohadailaia taudia oi hagoadaia, sekit eiava distrik hebouhebou ia do daudau neganai edia ura idia hahedinaraia be namo. Unai amo dala idia hegaegaelaia namonamo diba, bapatiso henanadai idia henia totona.
Ane 195 bona guriguri.
April 3 Purana
Ane 72
10 min: Kongregesen ena hadibaia herevadia bona haroro gaukara ena ekspiriens gwauraia. Emui kongregesen ena gabu dekenai idia vara bona haroro gaukara idia karaia totona ma haida do ia hagoadaia ekspiriens gaukaralaia.
17 min: “Heduru Emu Ruma Bese Totona.” Henanadai bona haere. Ruma Bese bukana amo hereva namodia haida oi gwauraia. Ibounai hagoadaia Kongregesen ena Buka Stadi idia lao henia hanaihanai totona.
18 min: Kara Dika Badadia Lau Ripotilaia be Namo, A? Elda ta ese matamata taudia dekenai inai mai anina bada hereva do ia henia. Hari inai negai idia vara hekwakwanai momo ese matamata taudia idia hadikaia: kara maoromaoro taravatudia badinaia lasi karana, ia bada ia lao noho dagedage karadia, drag manadalaia karana, bona siahu taudia matauraia lasi karana. Matamata taudia haida ese mauri dala rua idia noholaia, edia kara kereredia idia hunia. Unai ese kongregesen ibounai ena namo lauma dalanai ia hadikaia diba. Haida ese kara dika badadia idia karaia bona idia ura lasi idia herevalaia. Bema oi diba tadikaka o taihu ta kongregesen lalonai ese Dirava ena taravatu ia utua kara dika badana ia karaia, dahaka oi karaia be namo? Namona be Levitiko 5:1 ai ia noho hakaua herevana oi laloa. (August 15, 1997, Gima Kohorona, rau 27-30 itaia.) Memero Kekeni Edia Henanadai bukana ena rau 68-9 oi gaukaralaia, bona unai ia vara neganai ta be edena bamona ia kara be namo oi hahedinaraia.
Ane 68 bona guriguri.