Hadibaia Hereva

◼ March ena henia gauna: Diba ese Mauri Dekenai Ita Ia Hakaua Lao bukana. Ita hekwarahi bada be namo Baibel stadi hamatamaia totona. April Bona May: Gima Kohorona bona Awake! edia kopi ta ta hariharilaia. Namona be Dahaka Ita Karaia? buklet oi abia hegaegae kamonai taudia totona, bona ita gaukara goada Baibel stadi ita hamatamaia totona. June: Dirava Ia Ura Dahaka Ita Karaia? buklet. Oi hekwarahi Baibel stadi oi hamatamaia totona. July Bona August: Inai buklet ta oi gaukaralaia diba: Dirava ese Ita Ia Laloa Eiava?, Inai Gavamani ese Paradaiso Do Ia Mailaia, Ita Mase Neganai Dahaka Ia Vara Ita Dekenai?, “Itaia! Lau ese Gau Iboudiai Lau Hamatamataia,” Mauri Ena Anina be Dahaka​—Edena Bamona Oi Davaria Diba?, Mauri Hanaihanai Tanobada Dekenai Oi Abia!, Oiemu Lalokau Tauna ta Ia Mase Neganai, Toi Tamona Oi Abia Dae be Namo, Eiava?

◼ Idia ura April bona May lalonai heduru painia gaukara idia karaia taudia ese hari edia palani idia karaia be namo bona aplikeisen idia henia haraga. Unai ese elda taudia do ia durua haroro gaukara totona do idia hegaegae bona magasin bona ma buka haida do idia hegeregere. Heduru painia gaukara totona idia abia dae taudia ibounai edia ladana be hua ta ta ai kongregesen dekenai idia gwauraia be namo.

◼ March 1 ai eiava karaharaga unai dina murinai, kongregesen ena gunalaia tauna eiava ia ese ia abia hidi tadikaka ta ese kongregesen ena akaun ia sekea be namo. Unai ia karaia murinai, akaun ripoti gabena do idia duahia murinai kongregesen idia hadibaia.

◼ Namona be kongregesen idia bamoa taudia ibounai ese Gima Kohorona bona Awake! sabskripsen matamatadia, idia abia lou gaudia, bona sibodia edia sabskripsen be kongregesen amo idia siaia.

◼ Society ena brens opesi ta oi do vadivadi henia lasi neganai, mani emu kara March 1998 ena Iseda Basileia Gaukara pepana lalonai ia noho Henanadai Mauana amo, Betele rumadia ita vadivadi neganai iseda dabua bona tauanina ena toana ita naria namonamo herevana oi riviulaia.

◼ Kongregesen iboudiai ese inai buklet, Oiemu Lalokau Tauna ta Ia Mase Neganai ena kaset teipi be English gado ai idia oda diba. Mani umui laloaboio lasi inai be mai taravatu gauna. Inai kaset be gado ma haida dekenai idia halasia neganai umui do ai hadibaia.

◼ Umui Abia Lou Diba Gau Matamatana:

Iesu Keriso​—Ia be Daika? (Pepapepa Namba  24)​—Tagalog

◼ Umui Abia Lou Diba Kaset Teipi:

Jehovah’s Name to Be Declared in All the Earth (Drama, kaset tamona)​—English