Dahaka Do Lau Gwauraia?

Haroro gaukara lalonai kamonai taudia ita davaria neganai, ita ura ita lou henidia ita kikilaia herevana habadaia totona. To, ita hedavari lou neganai reana ita daradara dahaka lalona veria herevana do ita gwauraia. Reana inai dala oi tohoa diba: Lalona veria henanadaina ta oi henia, bena Buka Helaga Herevalaia bukana oi kehoa, Baibel siridia amo haere oi hahedinaraia totona. Namona be lista ta mai ena henanadai idauidau oi abia bona ia amo henanadai ta oi abia hidi, oi davaria kamonai tauna ena lalona do ia veria totona. Ai torea henanadaidia be Buka Helaga Herevalaia bukana amo ai abia, rau edia namba ai torea danu bona unuseniai haere do oi davaria:

◼ Dirava ena Basileia ese dahaka do ia karaia? (69)

◼ Dirava ia mauri noho herevana ita abia dae be mai ena badina, a? (100)

◼ Taunimanima dekenai idia vara gaudia be Dirava ese ia laloa, a? (101)

◼ Nega vairai ta do ia moale momokani dalana tamona be, guba dekenai do ia lao, a? (147)

◼ Dahaka dainai gwau-edeede kara dikana ia bada? (157)

◼ Dahaka dainai Dirava ese hisihisi ia koua lasi? (188)

◼ Dahaka dainai Dirava ena ladana ita diba bona ita herevalaia be gau badana? (196)

◼ Dahaka dainai ita buruka ita lao bona ita mase? (274)

◼ Taunimanima be dahaka totona idia mauri? (285)

◼ Hari inai nega lalonai Satani be mai ena siahu bada, a? (356)

◼ Dahaka dainai tomadiho idauidau momo herea idia noho? (407)

◼ Ta ese tomadiho ta ta be edena bamona ia tohodia diba tomadiho maorona davaria totona? (414)

Unai bamona henanadai edia lista be emu Baibel eiava Buka Helaga Herevalaia bukana lalonai oi atoa diba, oi davaria haraga totona. Lou henia negadiai do oi gwauraia gauna ta oi lalohadailaia karana ese oi do ia hagoadaia kamonai taudia ibounai oi lou henia totona.

This is a repeat of article in km 11/97 taken from km-E 11/97 “What Will I Say?”