Henanadai Mauana

◼ Edena nega be maoro Kongregesen Buka Stadi grup ma ta karaia totona?

Buka stadi gabudia ta ta ai, Kingdom Hall dekenai danu, idia mai taudia be 15 idia hanaia neganai grup matamata umui karaia dalana umui laloa be namo. Dahaka dainai unai be namo?

Kongregesen Buka Stadi idia maragi neganai, stadi ia naria tauna be idia mai taudia ta ta do ia durua diba. Danu, iboudiai dekenai dala ia kehoa edia haere amo edia abidadama idia gwauraia hedinarai totona. (Heb. 10:23; 13:15) Kongregesen ena teritori dekenai grup maragidia momo idia noho dainai Kongregesen Buka Stadi bona haroro hebou dekenai do idia mai be ia auka lasi. Grup sisina momo idia karaia kongregesen ese idia davaria buka stadi grup idauidau dekenai idia mai taudia edia namba idia haboua tamona neganai ia bada daekau danu.

Reana badina ma ta dainai grup ma ta umui karaia be hegeregere, herevana do ia maragi. Unai bamona reana do umui karaia diba bema gabu ta be daudau eiava idia hebou gabuna dekenai momo idia hebou eiava helai gabudia be idia hegeregere lasi. Bema mai dalana, buruka taudia, hanuaboi ai idia gaukara taudia, eiava edia adavadia be Witnes taudia lasi taihudia edia namo totona dina ai do ia hebou grup ta umui karaia diba.

Buka stadi grup ta ta dekenai lauma dalanai idia goada bona idia gaukara goada pablisa haida idia noho be namo bona buka stadi ia naria diba namonamo tadikakana ta bona paragraf ia duahia diba namonamo tadikaka danu. Kongregesen lalonai tadikaka ese edia kara idia hanamoa be namo unai gaukara do idia karaia diba totona.

Elda taudia ese lauma dalanai kongregesen idia durua, bema idia itaia kongregesen buka stadi edia bada be hegeregere bona lauma dalanai idia naridia namonamo bona gabu namona ai idia hebou. Bema ia hegeregere, grup matamatadia do umui karaia be namo, ibounai ese lauma dalanai ita ia hagoadaia diba dalana amo namo do idia abia. Emu ruma oi henia diba buka stadi karaia gabuna totona, a? Idia karaia taudia momo be lauma dalanai hahenamo idia abia.

This article is repeated in km 3/08.