Hesiai Hebou Ena Sediual

July 9 Purana

Ane 4

8 min: Kongregesen ena hadibaia herevadia. Iseda Basileia Gaukara pepana amo Hadibaia Hereva haida abia hidi.

17 min: April Ena Ripoti. Haroro naria tauna ese haida henanadai henia karana amo ia karaia. Kongregesen ena April ripotina oi herevalaia. Unai hua lalonai hesiai gaukara idia goadalaia pablisa haida oi henanadai henia. Hesiai gaukarana lalonai idia davaria moalena bona idia bisi noho totona idia karaia gaudia idia herevalaia be namo.​​—March 2001 Iseda Basileia Gaukara lalonai idia udaia pepana, paragraf 28-​30 itaia.

20 min: “Diba Bukana amo ma Haida Hahediba Taudia ai Halaoa.”a Emui kongregesen dekenai Diba bukana idia gaukaralaia pablisa ese idia davaria ekspiriens haida oi gwauraia.

Ane 42 bona guriguri.

July 16 Purana

Ane 10

10 min: Kongregesen ena hadibaia herevadia. Akaun ripotina.

15 min: Matamata Taudia e​​—Emui Gaukara Ena Davana Umui Laloa. Tamana ta bona ena natuna mero eiava kekeni ese moni gaukara dekenai mai ena diba bada elda tauna ta idia hereva henia. Unai mero eiava kekeni be pura rua gunanai Hesiai Hebou dekenai gaukara abia hidi karana ena hereva ia laloa murinai, ia be regula painia gaukara ia lalohadailaia to ia daradara edena dala ai tauanina durua gaudia do ia abia. Elda tauna ia hahedinaraia laloa maoromaoro karana be mai anina bada. (September 1, 1999, Gima Kohorona, rau 11, paragraf 13) Gaukara ta idia dibaia be aonega karana, unai dala amo do idia hegeregere idia sibona idia durua totona. Momo be edia nega bona moni bada idia haorea lasi gaukara daladia idia dibaia, bona namo idia davaria. (February 1, 1996, Gima Kohorona, rau 14; Memero Kekeni Edia Henanadai, rau 178) Idia toiosi ese March 8, 1996, Awake!, rau 9-​11, bona gaukara davaria eiava gaukara havaraia daladia dekenai heduru herevadia haida idia herevalaia.

20 min: Iehova ena Witness Taudia be Lalo-Tamona ai Dirava ena Ura Idia Karaia Tanobada Ibounai Dekenai. Helai taudia ida kikilaia bona haheitalai karaia. Ita bona iseda gaukara ma haida dekenai ita hadibaia totona do ita gaukaralaia dalana umui kikilaia. Paragraf haida dekenai Iehova ena ura ia herevalaia (rau 3-4), idaunegai Keristani kongregesen edia gaukara ia kikilaia (rau 6-7), idia hanaia laganidia lalonai iseda sivarai bona gaukara ia herevalaia (rau 8-11), iseda pura ta ta heboudia ia herevalaia (rau 14-15), iseda haroro gaukara ena heau dalana ia hahedinaraia (rau 16-17), bona tanobada ibounai iseda orea ena gaukara badina ia hahedinaraia (rau 30-31). Haheitalai kwadogina amo pablisa ta ese unai buklet ia gaukaralaia dalana hahedinaraia, ia ese ruma tauna ia durua Iehova ena Witnes taudia ia dibaia namonamo totona. Ibounai hagoadaia, inai buklet amo edia Witnes lasi varavara dekenai iseda sivarai idia hadibaia, idia lou henia taudia edia ura idia habadaia, bona orea dekenai Baibel stiuden taudia idia hakaua mai.

Ane 50 bona guriguri.

July 23 Purana

Ane 19

10 min: Kongregesen ena hadibaia herevadia.

20 min: Kongregesen durua herevana.

15 min: “Oi Hegaegae Emu Teritori Dekenai Taia Kudima Taudia Oi Tahua Totona.”b January 15, 1995, Gima Kohorona, rau 8 dekenai ekspiriens oi herevalaia.

Ane 53 bona guriguri.

July 30 Purana

Ane 22

10 min: Kongregesen ena hadibaia herevadia. Pablisa ibounai hadibaia July ena haroro ripoti idia henia totona.

20 min: Matamata Taudia e​​—Mai Lalo-Parara ida Emui Edukeisen Umui Palanilaia. Elda ta ese tama sina haida bona edia natudia dekenai sikuli kosi ia herevalaia. Elda tauna ese September 1, 1999, Gima Kohorona, rau 16-17, paragraf 11-13 amo herevahereva karana ia gunalaia, ia ese ful-taim hesiai gaukara idia atoa guna, ma gau haida be gabeai ena badina ia herevalaia. (December 1, 1996, Gima Kohorona, rau 18-​19, paragraf 13-​15) Vadaeni idia ese March 8, 1998, Awake!, rau 20-21 ena sisiba idia riviulaia neganai, sikuli kosi ena namo bona ena dika laloa namonamo karana bona ta ese hesiai gaukara ia goadalaia lalonai do ia durua bada gaudia abia totona unai edukeisen ia gaukaralaia karana idia herevalaia badabada. Ibounai idia lalo-tamona, Iesu ena sisiba ese idia ia hakaua bona Basileia idia atoa guna be namo.​​—Mat. 6:​33.

15 min: Oi ese Dirava Ena Turana Buklet Oi Gaukaralaia Vadaeni, A? Lagani gunana ena distrik hebouhebou ai ita ese Dirava Ena Turana ai Oi Lao Diba! buklet ita abia. Inai buklet be taunimanima do ia durua bada Dirava dekenai idia lao kahirakahira totona. Ita gaukaralaia diba iseda natudia, hari sibona duahiduahi idia diba taudia, bona ia auka lasi stadi gaudia idia ura taudia ita stadi henidia totona. Haroro gabudia bona Baibel stadi hamatamaia totona ita gaukaralaia diba dalana haheitalaia.

Ane 57 bona guriguri.

August 6 Purana

Ane 25

15 min: Kongregesen ena hadibaia herevadia. Helai taudia oi noia, hebouhebou dekenai idia lao lalonai, laga-ani negadiai, eiava Witnes lasi varavara idia vadivadi henia negadiai haida idia haroro henidia ekspiriens haida idia herevalaia.

15 min: “Laki Gadara Ita Karaia be Kerere Lasi, A?” Elda ta ese hereva do ia henia.

15 min: “Haroro Totona Oi Daradara Lasi!”c Bema nega ia hegeregere, December 15, 1999, Gima Kohorona, rau 25 amo ekspiriens haida herevalaia.

Ane 63 bona guriguri.

[Footnotes]