Hesiai Hebou Ena Sediual

September 10 Purana

Ane 86

10 min: Kongregesen ena hadibaia herevadia. Iseda Basileia Gaukara pepana amo Hadibaia Hereva haida abia hidi.

13 min: Kongregesen durua herevana.

22 min: “Emu Hesiai Gaukarana Oi Hagugurua Namonamo Noho, A?”a Paragraf 1-3 be helai taudia ida oi herevalaia murinai, magasin hariharilaia daladia kwadogidia rua oi haheitalaia​​—ta be September 15 Gima Kohorona bona ta be September 22 Awake! Paragraf 4 oi herevalaia murinai, Diba bukana hariharilaia dalana oi haheitalaia.

Ane 124 bona guriguri.

September 17 Purana

Ane 92

10 min: Kongregesen ena hadibaia herevadia. Akaun ripotina.

15 min: Lagani Gunana Lalonai Dahaka Ita Karaia? Haroro naria tauna ese hereva ia henia. Kongregesen ena hesiai lagani 2001 ripotina amo gau haida gwauraia. Umui karaia gau namodia dainai helai taudia hanamoa. Do umui hanamoa diba gaudia gwauraia. Hebou lao henia karana, Baibel stadi hamatamaia bona hakaua karana, bona haroro gaukara karaia hanaihanai karana lalonai kongregesen ena gaukara gwauraia. Lagani matamata totona tahua gaudia namodia gwauraia.

20 min: “Idia Danu Do Umui Turana Karaia Lasi.” Elda ta ese inai hereva do ia henia. Unai hereva ena hereva ma haida be Gima Kohorona, October 1, 1988, rau 24, February 1, 1982, rau 13-24, bona The Watchtower, July 15, 1985, rau 30-31, dekenai do oi davaria. Tadikaka oi durua idia lalo-parara, bema ita ura Iehova ena lalo-namo ita abia, orea murimuri ai idia atoa taudia ita bamoa lasi.

Ane 129 bona guriguri.

September 24 Purana

Ane 97

15 min: Kongregesen ena hadibaia herevadia. “Magasin Do Ita Herevalaidia Dalana” amo idia henia heduru herevadia oi gaukaralaia, magasin hariharilaia daladia rua haheitalaia​​—ta be October 1 Gima Kohorona amo bona ma ta be October 8 Awake! idia gaukaralaia.

30 min: Dirava Lalokau Henia​​—Tanobada Gaudia Lasi. (1 Ioa. 2:​15-​17) Hereva oi henia bona helai taudia ida lagani gunana ena sekit hebouhebou ena program umui riviulaia. Pablisa taudia oi noia idia dibaia hereva badadia bona idia sibona eiava edia ruma bese ida idia badinaia dalana idia herevalaia. (Kahana ta ta idia abia guna be namo.) Inai program ena kahana idauidau oi herevalaia: (1) “Dirava Lalokau Henia Karana ese Haroro Gaukarana ai Ita Ia Hagoadaia.” Unai lalokau ese ita ia durua iseda haroro gaukara lalonai ita do ia hamanokaia hemami dikadia​​—hegeregere hemarai, ita be hegeregere lasi mamina, taunimanima gari henia karana ita hanaia totona. (2) “Iehova Lalokau Henia Taudia ese Dika Idia Inai Henia.” (w99 10/1 28-​31) Dirava tura henia karana lalonai ia inai henia gaudia ita inai henia be mai anina​​—idia dika momokani gaudia sibona ita dadaraia lasi to idia hehuni kara kereredia danu. (3) “Lalokau Ena Dala Namo Herea Momokani Oi Badinaia.” (w92 7/15 27-​30) Korinto Ginigunana 13:​4-8 ese haida edia kerere maragidia ita haheaukalaia, sibona ita laloa bada karana bona kara helulu ita dadaraia, ta do ia hahisia udu mauri herevadia ita gwauraia loaloa lasi, bona Iehova ena orea ita badinaia ena badina ia hahedinaraia. (4) “Tanobada Gaudia​​—Edena Dala ai Ita Lalodia?” Tanobada gaudia ita ura henia lasi, tauanina ena ura dikadia ese ita ia veria lasi, matana ia ura henia gaudia ese ita ia koia lasi, eiava eda kohu ita hekokorokulaia lasi. (5) “Ita be Tanobada Ena Lasi Karana ese Ita Ia Gimaia.” Korinto Iharuana 6:​14-​17 ese ia hahedinaraia edena dala ai hahediba herevadia, kastom, bona kara haida dainai Dirava ese ita do ia abia dae lasi. Namona be Satani ese ia gaukaralaia tarapu ita diba bona ita dadaraia. (6) “Dirava Ena Gwauhamata Ia Idia Lalokau Henia Taudia Dekenai.” (w86-E 6/15 5-6) Iehova ena hahenamo idauidau ese iseda mauri lalonai moale ia habadaia bona lauma dalanai ita ia hanamoa momokani.​​—1 Tim. 6:​17-​19.

Ane 133 bona guriguri.

October 1 Purana

Ane 106

10 min: Kongregesen ena hadibaia herevadia. Pablisa ibounai hadibaia September ena haroro ripoti idia henia totona.

15 min: Edena Bamona Egu Sikuli Gaukara Do Lau Hanamoa? Elda ta bona ena adavana eiava hesiai tauna ta bona ena adavana ese edia sikuli natuna idia hereva henia. Idia lalo-hekwarahi badina edia natuna be ena sikuli gaukara ia karaia namonamo lasi. Idia ese Memero Kekeni Edia Henanadai bukana, karoa 18, ena durua herevana idia riviulaia bona natuna ena sikuli gaukara hanamoa totona do ia karaia gaudia idia kikilaia. Tama sina ese idia hahedinaraia sikuli namona do ia abia be mai anina bada, unai amo hesiai gaukara helagana dekenai ena diba ibounai do ia gaukaralaia.

20 min: “Unai be Haroro Gaukara Ia Koua Gauna, A?”b Moni gaukara laloa maoromaoro dalana oi hahedinaraia, bona idia tahua guna gaudia idia gwauraia hidi neganai Basileia idia atoa guna. Kongregesen lalonai idia noho ruma bese kwarana taudia haida oi henanadai henia, tauanina dalanai edia ruma taudia idia naria lalonai lauma gaudia idia reaia lasi ena hekwarahi idia herevalaia.

Ane 137 bona guriguri.

[Footnotes]