Hesiai Hebou Ena Sediual

ITAIA: November bona December lalonai Iseda Basileia Gaukara pepana dekenai pura ta ta ena Hesiai Hebou do ai hahedinaraia. Kongregesen ibounai be “Dirava Ena Hereva Hadibaia Taudia” Distrik Hebouhebouna dainai gau haida idia haidaua diba. Kahana ta ladana “Lauma Dikadia amo Idia Vara Sene Karadia Dadaraia” be unai hua lalonai umui karaia be namo, herevana hebouhebou dainai sediual umui haidaua. Hebouhebou umui do lao lasi neganai umui karaia Hesiai Hebou dokona ai, namona be miniti 15 oi gaukaralaia inai hua ena Iseda Basileia Gaukara pepana lalonai idia udaia pepana ena mai anina bada sisiba herevadia riviulaia lou totona. January 2002 huana lalonai, Hesiai Hebou ta do ai hegaegaelaia hebouhebou ai idia vara gaudia riviulaia totona. Unai herevahereva ita hegaegaelaia totona, namona be ita ibounai be hebouhebou ai mai anina bada hereva kwadogidia do ita torea, iseda mauri lalonai bona haroro gaukara lalonai do ita badinaia diba hereva badadia. Bena hebouhebou ita lao negana amo unai heduru herevadia ita badinaia daladia do ita herevalaia diba. Unai hadibaia hereva amo namo ita abia daladia ita herevalaia neganai ta ta do ita hagoadaia heheni.

November 12 Purana

Ane 170

5 min: Kongregesen ena hadibaia herevadia. Iseda Basileia Gaukara pepana amo Hadibaia Hereva haida abia hidi.

14 min: “Iehova Dekenai Ita Tabekau, Goada Totona.”a October 1, 1999, Gima Kohorona, rau 18-​19, paragraf 6-8 amo hereva haida gwauraia.

26 min: “Lauma Dikadia amo Idia Vara Sene Karadia Dadaraia.” Ia hegeregere tadikaka ta ese henanadai bona haere amo do ia karaia. Nega badinaia. Paragraf ibounai duahia bona Baibel siri edia anina hahedinaraia goevagoeva.

Ane 191 bona guriguri.

November 19 Purana

Ane 172

8 min: Kongregesen ena hadibaia herevadia. Akaun ripotina.

15 min: Kongregesen durua herevana.

22 min: “Emu Lalo-Parara Oi Habadaia.”b Elda ta ese lagani gunana ai idia karaia dina tamona ena hebouhebou ena program be helai taudia danu ia riviulaia.

Ane 195 bona guriguri.

November 26 Purana

Ane 177

15 min: Kongregesen ena hadibaia herevadia. Pablisa ibounai hadibaia November ena haroro ripoti idia henia totona. “Magasin Do Ita Herevalaidia Dalana” amo idia henia heduru herevadia oi gaukaralaia, magasin hariharilaia daladia rua haheitalaia​​—ta be Gima Kohorona amo bona ma ta be Awake! idia gaukaralaia. October ena Iseda Basileia Gaukara pepana dekenai magasin hariharilaia daladia rua oi gaukaralaia bema oi laloa unai oi karaia be namo. Bena December lalonai Tau Hereadaena bukana eiava Mauri Hanaihanai bukana hariharilaia neganai do idia gaukaralaia dalana ta oi hahedinaraia.

15 min: “Edena Bamona Nega Do Lau Davaria Diba?” Hereva oi henia bona helai taudia ida oi kikilaia. October 1, 2000, Gima Kohorona, rau 20-1, paragraf 9-​10, hereva kwarana maragina “Haida ese Stadi Ena Nega Idia Davaria Dalana” henunai, hereva badadia oi herevalaia. Helai taudia oi noia idia ese anina lasi karadia idia dadaraia amo mai anina bada gaudia totona nega idia davaria daladia idia herevalaia. Ta be sibona ena stadi bona ruma bese stadi, kongregesen heboudia, haroro gaukara, bona dina ta ta ena Baibel duahiduahi totona ena nega do ia haria namonamo karana oi herevalaia.

15 min: Matamata Taudia be Iehova Idia Hanamoa. Helai taudia ida oi herevalaia. Kongregesen momo dekenai matamata taudia momo idia noho, bona haroro gaukara idia karaia. Haroro gaukara idia karaia be maoro, ena be do idia haroro henidia taudia momo be taunimanima badadia. (Sal. 148:​12, 13; Mat. 21:​15, 16) Tama sina bona pablisa ma haida ese matamata taudia idia durua, treinini bona hagoadaia hereva idia henia neganai, matamata taudia be hesiai gaukara lalonai moale bada idia abia. Helai taudia oi noia, matamata taudia ida ruma ta ruma ta bona lou henia gaukara idia karaia diba daladia haida idia herevalaia. Tama sina oi henanadai henidia, edia natudia ese magasin idia hariharilaia, haroro gaukara lalonai Baibel idia gaukaralaia, bona mai goada ida ruma tauna idia hereva henia totona idia henia heduru idia herevalaia. Natudia hanamoa herevadia gwauraia ena namo oi herevalaia. Matamata pablisa ta eiava rua oi henanadai henia, bona haroro gaukara ai idia moalelaia gaudia bona ena badina idia gwauraia.

Ane 198 bona guriguri.

December 3 Purana

Ane 179

8 min: Kongregesen ena hadibaia herevadia.

17 min: Herevalaia Bukana Ena Kahana. Helai taudia ida oi herevalaia. Henunai idia noho haheitalai ese idia hahedinaraia Baibel ena hahediba herevadia herevalaia totona inai buka ena kahana idauidau be namo herea: Hereva edia anina, hegeregere “Basileia” (rau 67) eiava “lauma” (rau 257-8); Baibel idauidau edia hereva ia hahegeregerea, Baibel ese Dirava ena ladana ia gaukaralaia dalana bona edeseniai idia torea ia hahedinaraia (rau 195) eiava hel ena anina korikorina (rau 177-8); lista haida, tomadiho ma haida amo ita idia haidaua gaudia (rau 199-200) eiava edena bamona ta ese tomadiho maorona ia dibaia dalana idia hahedinaraia (rau 414-15); idia torea histori, Krismas ia matamaia dalana (rau 93-5) eiava Keristani taudia ginigunadia edia gini siri karana idia hahedinaraia (rau 137-40); saiens taudia ese idia hamomokania gaudia, Dirava ese ia havaraia gaudia hamomokania dalana (rau 125-7) eiava mariuana bona kuku ania karana ena dika idia hahedinaraia (rau 109-12). Pablisa oi hagoadaia hesiai gaukara lalonai dala namodia ia kehoa neganai, inai hadibaia gauna namona idia gaukaralaia.

20 min: “Iehova Ena Lalokau Laloa Bada Karana Ena Hahenamo​​—Kahana 1.”c Paragraf 3-6 umui kikilaia neganai, kongregesen oi noia ruma-ta-ruma-ta gaukarana, dala dekenai haroro gaukara, bona lou henia bona Baibel stadi idia karaia lalonai idia davaria hagoadaia ekspiriens haida idia gwauraia.

Ane 200 bona guriguri.

[Footnotes]