Tiokratik Haroro Sikuli Ena Henanadai

Tiokratik Haroro Sikuli ena henanadai September 3 ia lao December 24, 2001, edia wiki herevadia dekenai. Henanadai negana lalonai henanadai edia haere be ma pepa ta dekenai oi torea.

[Itaia: Henanadai negana lalonai, Baibel sibona oi gaukaralaia haere oi tahua totona. Henanadai murinai ai torea stadi gaudia be oi sibona emu stadi karaia totona. Gima Kohorona edia amo ai abia hereva haida edia rau bona paragraf namba ai torea lasi.]

Henuna hereva oi gwauraia Momokani eiava Koikoi:

1. Abidadama be Dirava ena lauma ena huahua ta dainai, abidadama lasi taudia ese unai lauma idia tahua lasi, eiava badina kererena dainai idia tahua, eiava ena siahu be edia mauri lalonai idia koua. (Luka 11:13; Gal. 5:​22) [1, rs rau 25 par. 1] Momokani.

2. Salamo 58:4 ese ia hahedinaraia maoromaoro, gaigai ena “taiana” ia kudima dainai ia kamonai diba lasi. [2, Wiki ta ta ena Baibel duahiduahi; Rbi8-E rau 1583 itaia.] Koikoi. Siri 5 ese ia hahedinaraia, hegeregere kobra gaigai, be idia kamonai diba badina miusiki regena idia kamonai neganai idia gini to meamea tauna ia marere dainai lasi.

3. Salamo 68:11 dekenai, inai hereva “taunimanima momo” ese idau bese hesiai hahinedia ia herevalaia, Israela tataudia ese idia inai henia besedia idia halusia neganai igui hesiai amo idia ruhaia hahinedia unai. [3, Wiki ta ta ena Baibel duahiduahi; w86-E 10/15 rau 30 par. 6 itaia.] Koikoi. Israela hahinedia be unai taunimanima momo; Israela tataudia ese Gwauhamata Tanona dekenai idia inai henia taudia idia tuari henidia bona idia halusidia neganai, unai be sivarai namona Israela hahinedia dekenai badina edia kwalimu moalelaia negana lalonai unai do idia gwauraia momo; Hari inai negai, Basileia harorolaia goadagoada taudia momo herea be hahine, idia ese tanobada besedia idia hadibaia kahirakahira Mesia Pavapavana ese do ia kara henidia.

4. Taunimanima idia do vara lasi neganai eiava idia vara neganai, bema Dirava eiava siahu idauna ta ese edia mase negana bona dalana ia abia hidi vadaeni, do idia mase garina dika gabudia amo idia raka siri be anina lasi, bona idia gorere neganai muramura idia inua o doketa ena heduru idia tahua danu be anina lasi. [5, rs rau 295 par. 1] Momokani.

5. Paulo ena hereva, “ibounai do idia itaia oi be tau matamata, to do oi naria, ta ese oi be anina lasi gauna do ia gwauraia garina” herevana, ese ia hahedinaraia Timoteo be mero matamatana sibona. (1 Tim. 4:​12) [6, w99 9/15 rau 29 par. 1-3; rau 31 par. 2] Koikoi. Timoteo be Paulo ida ia loaloa hamatamaia bena lagani haida murinai Paulo ese unai hereva ia gwauraia bona ia hahedinaraia ena be Timoteo ia hegeregere ia sibona do ia gaukara bona maduna do ia huaia, to reana ena siahu hahedinaraia karana ia daradaralaia.

6. Salamo 110:1 ai, inai hereva “egu Lohiabada” ese Iesu ia herevalaia. [10, Wiki ta ta ena Baibel duahiduahi; w94 6/1 rau 28 par. 5 itaia.] Momokani.

7. Heberu gado ai, Salamo bukana lalonai inai ladana Iehova be nega 700 bamona ia hedinarai, bona idia hakwadogia ladana “Iah” be nega 43 ia hedinarai, unai dainai Salamo ta ta ese Dirava ena ladana be nega 5 bamona idia hahedinaraia. [12, bsi01 rau 22 par. 23] Momokani.

8. Herevana Buka Helaga ese Iesu ia gwauraia, “Dirava” bona “Siahu Bada Dirava,” to ia gwauraia lasi Siahu Ibounai Diravana. (Ioa. 1:1; Isa. 9:6; Gen. 17:1) [12, rs rau 104 par. 9] Momokani.

9. Aonega Herevadia bukana ita stadilaia neganai, Solomona ena aonega ita stadilaia. [14, bsi01 rau 24 par. 1] Koikoi. Solomona ena aonega be “Dirava ese ia henia gauna” dainai, Aonega Herevadia ita stadilaia neganai, Dirava ena aonega ita stadilaia. (1 Kin. 10:​23, 24)

10. Baibel ena sisiba, Aonega Herevadia 21:17 dekenai, ia gwau ‘moale kava ita ura henia’ lasi anina be moale karadia ita karaia be kerere, badina mai anina bada gaudia ita karaia ena nega ita halusia kava. [17, Wiki ta ta ena Baibel duahiduahi; w97 10/1 rau 27 par. 7 itaia.] Koikoi. Unai siri ena anina be ‘moale kava ita ura henia’ karana dekenai ita naria namonamo be namo, eiava ia be iseda mauri lalonai gau badana ai ita halaoa lasi, badina unai ese ta ena ura lauma gaudia totona do ia hamaragia diba bona nega be lasi sivarai namona ia harorolaia totona.

Henuna henanadai oi haerelaidia:

11. Iesu ese mai manau ida Mareta ena kara ia sisibalaia neganai, dahaka ia hahedinaraia? (Luka 10:​40, 41) [3, w99 9/1 rau 30 par. 7] Iesu ese ia hahedinaraia Mareta be ia ura dikadika aniani ia hegaegaelaia dainai, ia ese taunimanima ta ta sibona dekenai ia vara gauna, Dirava ena Natuna amo hahediba abia karana, ia reaia.

12. Salamo torea tauna be Iehova amo edena “hairai” ia abia? (Sal. 73:24) [4, Wiki ta ta ena Baibel duahiduahi; w86-E 12/15 rau 28 par. 3 itaia.] Ela bona salamo torea tauna ia lalo-parara ‘Dirava badibadinai ia noho be namo herea momokani,’ guna ia laloa kara dika taudia ese kara namo taudia idia hereaia (Sal. 73:​2-​12, 28); to Dirava ena “sisiba” ese ia hakaua dainai “hairai” ia abia, anina be Iehova ena lalo-namo ia abia, Ia ida ia hetura namonamo.

13. Salamo 84:​1-3 hegeregerena, salamo torea tauna ese hesiai gaukaradia be edena bamona ia laloa? [6, Wiki ta ta ena Baibel duahiduahi; w97 3/15 rau 8 par. 5-7 itaia.] Ia ese Iehova tomadiho henia gabuna ai ia karaia hesiai gaukaradia ia laloa bada, herevana nega momo unuseniai ia gaukara lasi bona bema ia be manu, nega daudau Iehova tomadiho henia gabuna ai idia noho gaudia bamona, do ia moale bada.

14. Edena dala ai Apokalupo 22:17 bona Roma 2:​4, 5 idia hahedinaraia, Iehova be taunimanima idia karaia gaudia iboudiai ia diba guna lasi bona ia gwauraia guna lasi? [7, rs rau 297 par. 3–​rau 298 par. 1] Taunimanima ta ta edia ura hegeregerena mauri ranuna idia abia dae diba davana lasi eiava idia dadaraia diba; Iehova ese taunimanima ia doridia lasi, ia gwauraia vadaeni karana ta do idia karaia totona.

15. Keristani taudia ginigunadia ese Iesu ena Lagani 1,000 Lohia Negana, Apokalupo bukana ese ia gwauraia gauna, idia abia dae dainai, dahaka dainai hereva momokani idia negea Keristani taudia ese unai Dirava ena hahediba herevana idia dadaraia? [10, w99 12/1 rau 6 par. 3–​rau 7 par. 5] Lagani 1,000 helarona idia abia dae taudia haida ese lalohadai kereredia momo idia havaraia; Apokalupo bukana ena momokani idia dadaraia vaitani; Apokalupo bukana idia dadaraia vaitani; idia lalo-pararalaia goevagoeva herevadia edia gabunai be Greek aonega taudia edia lalohadai idia atoa. (Ataiai ia noho herevana ta)

16. Taunimanima ‘haida edia namo tahua’ karana be mai ena hetoa, unai dainai Keristani taudia ese unai be edena bamona idia badinaia diba? (Fili. 2:4) [11, w99 12/1 rau 29 par. 1] Keristani taudia ese ‘kiki kava bona udu mauri’ idia dadaraia be namo. (1 Tim. 5:​13)

17. Salamo 128:3 dekenai, inai hereva natuna memerodia be “olive au matamatadia bamona” teibolo idia gegea, ena anina be dahaka? [12, Wiki ta ta ena Baibel duahiduahi; w00 8/15 rau 30 par. 4 itaia.] Hanaihanai olive au matamatadia be olive au ena badina amo idia tubu; unai au ena rigi badana ena gabana be guna hegeregerena huahua momo ia atoa lasi neganai, unai rigi matamatadia be unai au do idia gegea bona tubu namo herea diba; unai hegeregerena, tama sina idia itaia edia natudia ese huahua idia havaraia bona idia ida Iehova idia hesiai henia dainai, idia moale.

18. Bema ita laloa Dirava ena kara be hahegari karadia, edena bamona do ita kara? (Sal. 139:14) [13, Wiki ta ta ena Baibel duahiduahi; w93 10/1 rau 15 par. 18 itaia.] Namona be dala maorona ai ia garina ita gari bona unai gari ese iseda lalona ia hasiahua dainai, eda kara bona eda mauri ita gaukaralaia dalana be ita haidaudia.

19. Dahaka dainai Aonega Herevadia 5:​3, 4 ia gwau matabodaga karadia idia havaraia gaudia be “mamina dika muramura bamona” bona “mai matana momokani, isena ruaosi idia segea tuari kaia bamona”? [14, Wiki ta ta ena Baibel duahiduahi; w00 7/15 rau 29 par. 2 itaia.] Matabodaga karadia idia havaraia gaudia be hisihisi bona mase idia havaraia; unai gaudia haida be lalona ena mamina dikana, lalo-metau bada, bona pokese goreredia.

20. Aonega Herevadia 14:29 hegeregerena, edena bamona lalo-parara ese ita do ia durua badu haraga bona badu dikadika karana dainai idia vara karadia ita dadaraia totona? [16, Wiki ta ta ena Baibel duahiduahi; w97 3/15 rau 13 par. 7-8 itaia.] Ita lalo-parara dainai kara kava bona badu dikadika karana ese do ia havaraia diba gaudia do ita laloa, hegeregere tauanina ia hadikaia diba, aonega lasi karadia idia vara diba, laloa namonamo bona maoromaoro lasi karana ia havaraia diba, bona Dirava ia ura henia lasi karadia ita karaia dainai iseda hetura karana Dirava ida do ia hadikaia.

Henuna hereva(dia) ta ta dekenai idia torea lasi hereva(dia) oi torea:

21. Peroveta momokani taudia be Dirava ena ladana ai idia hereva bona idia gwau Iesu idia abidadama henia. (Deu. 18:​18-​20; 1 Ioa. 4:​1-3) [3, rs rau 329 par. 2; rau 330 par. 2]

22. Aonega Herevadia ena badina be rua​​—aonega habadaia totona bona matahakani henia totona. (Aon. 1:​1-4) [5, w99 9/15 rau 13 par. 1]

23. Guba bona tanobada ena lohia siahuna ena hepapahuahu lalonai Dirava ena kahana ai idia gini taudia dekenai, ‘Ataiai Momokani Lohiabada dekenai idia lao’ karana be lauma dalanai noho namona idia abia gabuna; lauma dalanai edia matana idia dika taudia ese unai gabu idia diba lasi. (Sal. 91:1) [7, Wiki ta ta ena Baibel duahiduahi; w86-E 12/15 rau 29 par. 6 itaia.]

24. ‘Iehova ena hariharibada ibounai do ita laloaboio lasi’ karana be “iena hariharibada” karadia ita laloa dobu karana ida ia hesiriu, Salamo 103 ia gwau unai be iena lalokau bona hebogahisi karadia. (Sal. 103:2) [8, Wiki ta ta ena Baibel duahiduahi; w99 5/15 rau 21 par. 5-6 itaia.]

25. Aonega herevadia be hereva kwadogidia mai anina bada bona nega momo idia lalonai hegeregere gaudia idia gaukaralaia eiava gau haida idia hahegeregerea, bona duahia taudia ese idia laloa namonamo totona idia havaraia. [15, bsi01 rau 25 par. 6]

Henuna herevadia dekenai haere maorona oi abia hidi:

26. Davida be Saulo ese ia dekenai ia karaia karadia ia badulaia be maoro, to Davida ese ena kara ia naria namonamo badina (ia lalo-parara Saulo be goevadae lasi tauna bona unai dainai Dirava ena hesiai taudia ese dika idia gwauatao be namo; ia be iena hetura karana Iehova ida ia laloa bada; ia diba ma haida hahemaoro henidia be maoro lasi). (1 Sam. 24:​6, 15) [1, w99 8/15 rau 8 par. 7]

27. (Aonega; Matahakani; Kara maoromaoro) be gau idauidau, hegeregere lalo-parara, lalo-dobu, laloa kehoa bona laloa namonamo haboua karana; (kara namo; lalo-parara; laloa namonamo) ena anina be lalona ai gau ta oi itaia bena ena kahana ta ta bona idia ibounai idia hakapua dalana oi laloa, unai amo ena anina oi dibaia. (Aon. 1:​1-4) [5, w99 9/15 rau 13 par. 2]

28. Iosepa ese mai goada ida Potifara ena adavana ena lalo-ani herevadia ia dadaraia badina (ia diba Mose ena taravatu ese sihari kava ia taravatua; unai hahine ena adavana ena dagi bada ia matauraia; ena hetura karana Iehova ida ia laloa). (Gen. 39:​7-9) [7, w99 10/1 rau 29 par. 3]

29. Salamo 119 ia torea tauna ese (Dirava ena Hereva, eiava taravatu; harihari gauna, mauri; hahemauri ena helaro) ia laloa bada herea, bona kahirakahira salamo ena siri iboudiai lalonai ia gwauraia hedinarai. [11, Wiki ta ta ena Baibel duahiduahi; w99 11/1 rau 10 par. 5; w87-E 3/15 rau 24 par. 2 itaia.]

30. Paulo ena revareva ena karoa ginigunadia rua (Roma taudia; Galatia taudia; Heberu taudia) dekenai, ia ese Salamo edia hereva haida ia torea hanai bona Iesu Keriso ena (dagi badana; bapatiso; tanobada haroro gaukarana) ia herevalaia. [13, bsi01 rau 23 par. 28]

Henuna herevadia dekenai siri maorona oi abia hidi:

Aon. 2:​19; 14:15; 18:17; Roma 10:17; Heb. 13:18

31. Ta ese abidadama ia abia totona, namona be Baibel ena hereva ia dibaia guna bona ia tahua namonamo. [Roma 10:17] [2, rs rau 26 par. 3]

32. Keristani taudia ese koikoi dalana amo bisinesi haheaua eiava ma haida edia namo korikori laloa lasi karadia do idia badinaia lasi. [Heb. 13:18] [4, w99 9/15 rau 10 par. 2]

33. Matabodaga karadia idia karaia taudia be reana do idia mase haraga, bona nega be lasi idia helalo-kerehai totona. [Aon. 2:​19] [9, w99 11/15 rau 27 par. 4-5]

34. Aonega bona lalo-parara tauna be iena kara dainai idia vara gaudia ia laloa namonamo bona kara matamata haida be momo ese idia abia dae dainai ia badinaia kava sibona lasi. [Aon. 14:15] [16, Wiki ta ta ena Baibel duahiduahi; g94-E 12/8 rau 16 par. 1 itaia.]

35. Ena be tau ta ena hepapahuahu hereva be reana ia maoro, to aonega dalana be kahana ruaosi taudia edia hereva oi kamonai namonamo, bena emu lalonai oi hadaia diba. [Aon. 18:17] [17, bsi01 rau 29 par. 36]