Hesiai Hebou Ena Sediual

December 10 Purana

Ane 205

13 min: Kongregesen ena hadibaia herevadia. Iseda Basileia Gaukara pepana amo Hadibaia Hereva haida abia hidi. Guna ita itadia vidio bamona, namona be inai vidio To the Ends of the Earth ita itaia, ita hegaegae December 24 purana ena Hesiai Hebou ai ita herevalaia totona. Magasin hariharilaia daladia namodia rua oi haheitalaia, ta be Gima Kohorona amo bona ma ta be Awake! amo, rau 6 dekenai idia noho heduru herevadia oi gaukaralaia. Bema hegeregere, November ena Iseda Basileia Gaukara pepana dekenai idia noho heduru daladia rua oi gaukaralaia diba.

12 min: Kongregesen durua herevana.

20 min: “Iehova Ena Lalokau Laloa Bada Karana Ena Hahenamo​​—Kahana 2.”a Paragraf 2-6 oi herevalaia neganai, kongregesen oi noia, edia gabu bona tanobada ibounai dekenai idia vara raskol bona dagedage karadia dainai idia lalo-metau bona idia lalo-hekwarahi taudia dekenai, hagoadaia bona helaro herevana idia gwauraia ena ekspiriens idia herevalaia totona. Idia karaia dalana ta eiava rua haheitalaia totona, oi hegaegae guna be namo.

Ane 222 bona guriguri.

December 17 Purana

Ane 211

10 min: Kongregesen ena hadibaia herevadia. Akaun ripotina. Tanobada taudia edia dina helagadia ai haroro gaukara ita karaia totona, hereva haida gwauraia. Dina helagadia dainai hanamoa hereva ita abia neganai, edena bamona haere ita henia diba oi herevalaia.

22 min: “Dirava Ena Hereva Hadibaia Maoromaoro.”b Paragraf 4 dekenai ia noho kahana be haheitalai amo oi karaia. Tanobada ai idia vara gaudia dekenai idia lalo-metau taudia hagoadaia totona emui gabu dekenai umui gaukaralaia kiki hereva namona ta be haheitalai ta amo hahedinaraia. Ekspiriens kwadogina ta gwauraia. Helai taudia oi nanadaia dahaka dainai idia henia haroro herevana dekenai Baibel idia gaukaralaia ese anina namona do ia havaraia.

13 min: ‘Mani Ita Guriguri Hebou Guna.’ Helai taudia ida Herevalaia bukana, rau 156-7 umui kikilaia. Bema ta be ita ia hamaoroa idia danu ita guriguri hebou guna, bena gabeai iseda haroro herevana ita gwauraia idia dekenai, dahaka ita gwau diba? Pablisa taudia oi abia hegaegae guna, sibodia edia hereva amo idia noho heduru herevadia idia gwauraia totona.

Ane 225 bona guriguri.

December 24 Purana

Ane 218

10 min: Kongregesen ena hadibaia herevadia. January ena henia gauna gwauraia bona ibounai hagoadaia hebou murinai edia buka bona magasin idia abia. Iseda tanobada ibounai gaukarana durua totona kontribusen monina ita abia dae be taunimanima ita hadibadia ena badina badana oi herevalaia. Ibounai hadibaia rau 6 dekenai ia noho heduru herevadia, magasin hariharilaia daladia dekenai idia tohoa.

10 min: “Lagani 2002 Ena Tiokratik Haroro Sikuli.” Sikuli naria tauna ese hereva ta do ia henia. Ibounai hagoadaia edia kahana idia karaia guguru namonamo be namo.

25 min: “Idia Haroro Noho​​—Tanobada Ibounai Dekenai.” Helai taudia ida kikilaia. Ibounai oi hagoadaia edia gabu eiava heduru idia abia be namo gabudia dekenai, sivarai namona be ma haida dekenai do idia harorolaia totona, do idia karaia gaudia idia laloa namonamo be namo. February ai ita ese inai vidio Noah​​—He Walked With God do ita riviulaia.

Ane 24 bona guriguri.

December 31 Purana

Ane 140

10 min: Kongregesen ena hadibaia herevadia. Pablisa taudia hadibaia December ena haroro ripoti idia henia totona. Bema emui kongregesen be hebou edia nega lagani matamatana lalonai idia haidaua, mai manau ida tadikaka bona taihu oi hagoadadia unai nega ai hebou dekenai idia mai hanaihanai totona. Namona be kamonai matamata taudia ibounai bona idia manoka taudia ese hebou ena nega matamatana idia diba be namo.

15 min: Elda Taudia Umui Matauraia. Bema hegeregere, hesiai taudia rua eiava toi ese June 1, 1999, Gima Kohorona, rau 18-​19 idia herevalaia. Elda ese idia huaia maduna idauidau momo, moni gaukara, ruma bese, bona tiokratik ena maduna idauidau idia herevalaia. Ibounai ese elda taudia do idia hagoadaia, edia maduna idia hametaua lasi, bona edia hakaua herevadia idia badinaia diba daladia umui herevalaia. Hesiai taudia idia abia dae elda taudia be heduru bada idia henia bona idia ‘ita matauraidia’ be namo.​​—1 Tes. 5:​12, 13.

20 min: Iehova Ena Witnes Taudia Edia Lalohadai Vouti Karana Dekenai be Dahaka? Manada elda ta ese November 1, 1999 Gima Kohorona, Duahia Taudia Edia Henanadai, rau 28-9 amo hereva ia henia. Idia noho Baibel ena hakaua herevadia oi herevalaia namonamo.

Ane 219 bona guriguri.

January 7 Purana

Ane 20

10 min: Kongregesen ena hadibaia herevadia.

20 min: Oiemu Mauri Oi Gaukaralaia Namonamo. Ruma bese taudia ese August 15, 1998, Gima Kohorona, rau 8-9 idia herevalaia. Tamana be ia ura ruma bese taudia be lalohisihisi lasi to moale do ia mailaia dalana idia tahua. Unai magasin lalonai Baibel ena sisiba, moale, laloa kehoa, mai anina bada gaudia, bona Iehova abidadama henia karana dekenai idia abia diba dalana idia riviulaia. Idia be ruma bese ta dainai do idia haidaua diba gaudia idia herevalaia.

15 min: Iseda Kingdom Hall Ita Itaia Namonamo. Elda ta ese hereva ia henia. Kingdom Hall ena toana oi itaia. Memorial hebouna do lasi neganai, dahaka palani idia karaia hagoevaia gaukarana karaia totona? Unai hebou ita do abia lasi neganai, dahaka gaudia do ita hanamoa? Kongregesen ese heduru idia henia diba dalana oi herevalaia. Namona be oi hahedinaraia iseda tomadiho gabuna be Iehova ena ruma ese ia hahedinaraia hairaina bona hemataurai ia hahedinaraia be namo.​​—Sal. 84:1.

Ane 126 bona guriguri.

[Footnotes]