Hesiai Hebou Ena Sediual

May 13 Purana

Ane 37

15 min: Kongregesen ena hadibaia herevadia. Iseda Basileia Gaukara pepana amo Hadibaia Hereva haida abia hidi. Haheitalai rua hegaegaelaia, rau 4 ai idia noho magasin herevalaia daladia rua amo Watchtower bona Awake! magasin idia hariharilaia. Bema ia namo, April 2002 Iseda Basileia Gaukara pepana ai idia noho daladia idia gaukaralaia diba danu. Unai haheitalai rua lalonai, ura lasi herevana “Lau bisi” hanaia dalana idauna idia hahedinaraia.​​—⁠Herevalaia bukana, rau 23-​4 itaia.

15 min: Pura Ta Ta Ita Karaia Heboudia Idia Laloa Bada, March 1, 1998, Gima Kohorona, rau 17 amo. Paragraf duahia bona helai taudia ida kikilaia. Emui gabu ai idia vara gaudia gwauraia sisina, unai gaudia dainai haida idia hekwarahi hebou dekenai idia mai totona. Tadikaka bona taihu oi hanamoa bada, badina idia hekwarahi noho kongregesen heboudia dekenai idia mai totona, herevana hekwakwanai idia vara.

15 min: Kongregesen durua herevana. Eiava elda ta ese December 1, 2001, Gima Kohorona, rau 9-13 amo hereva ladana “Lauma Dalanai Kudou Gorerena Oi Reaia Diba” ia henia.

Ane 115 bona guriguri.

May 20 Purana

Ane 13

9 min: Kongregesen ena hadibaia herevadia. Iboudiai ese pura vairai January 2002 Iseda Basileia Gaukara lalonai idia udaia pepana be hebou dekenai do idia abia mai be namo. Akaun ripotina.

18 min: Henanadai Mauana riviulaia. Seketere bona Kongregesen Buka Stadi naria tauna idia herevahereva. Danu, pablisa ta ta ese pura ta ta ai edia haroro gaukara gaudia idia makaia bona hua dokonai maoromaoro edia haroro gaukara ena ripoti idia henia ena namo hahedinaraia. Hesiai Gaukara bukana ena rau 108 bona 109 umui gaukaralaia bona eda gaukara ita ripotilaia ena badina umui hahedinaraia. Elda bona hesiai taudia edia Basileia Hesiai Gaukara Sikuli lalonai idia herevalaia gauna matamatana gwauraia, anina be hari Kongregesen Buka Stadi naria tauna ese ena grup dekenai idia noho pablisa bona painia edia haroro ripoti ia gogoa. Ia bona ia durua tauna edia maduna be hua ta ta ai grup taudia ibounai amo ripoti idia abia bona idia ibounai be seketere dekenai idia henia, hua matamata ena dina namba 6 ia do abia lasi neganai edia namba ia haboua totona. Bema pablisa taudia idia ura Kingdom Hall dekenai ia noho maua lalonai edia ripoti idia atoa noho, idia karaia diba. Bema nega ia hegeregere, blakbod umui gaukaralaia bona haroro ripoti bona Baibel stadi ripoti torea dalana maorona umui hahedinaraia.

18 min: Kekero Muramurana​—⁠Oi Laloa Maoromaoro, A? Elda ta ese December 15, 1996, Gima Kohorona, rau 25-9 amo hereva ia henia. Ena nega ena kahana badana be rau 27-9 ai idia noho hereva badadia ia herevalaia totona ia atoa be namo.

Ane 169 bona guriguri.

May 27 Purana

Ane 208

7 min: Kongregesen ena hadibaia herevadia. Iboudiai ese pura vairai Herevalaia bukana be Hesiai Hebou dekenai idia abia mai be namo. Pablisa taudia hadibaia lou May ena haroro ripoti idia henia totona.

18 min: “Emui Kongregesen Ena Teritori Ia Bada, A?” Haroro naria tauna ese hereva ia henia bona helai taudia ida ia kikilaia. Kongregesen ena teritori ena bada bona lagani gunana ai umui karaia kahana ena bada herevalaia. Ai gwauraia herevadia be emui kongregesen ena teritori dekenai umui badinaia dalana herevalaia. July 2002 ai daudau teritori dekenai umui lao totona umui karaia palani riviulaia. Bema kongregesen eiava grup haida ese July lalonai unai idia karaia diba lasi medu ia diho dainai, namona be hua haida murinai do idia karaia.

20 min: “Dahaka Ita Karaia? Buklet amo Stadi Oi Hamatamaia Toho, A?” (Iboudiai ese inai kahana totona January 2002 Iseda Basileia Gaukara ena udaia pepana idia abia mai be namo.) Matamanai, ia hegaegae namonamo pablisa ese stadi hamatamaia dalana ia haheitalaia, paragraf 3 dekenai ia noho dalana ia gaukaralaia. Murinai, buklet ena hereva badadia gwauraia, bona oi hahedinaraia stadi hamatamaia totona inai buklet be namo herea. January 2002 udaia pepana lalonai idia noho stadi hamatamaia daladia idia itaia lou karana ese ia havaraia namo hahedinaraia. Kamonai taudia nanadaia edena dala idauidau amo idia kwalimu. Dokonai, matamanai idia karaia haheitalai idia karaia lou.

Ane 93 bona guriguri.

June 3 Purana

Ane 178

13 min: Kongregesen ena hadibaia herevadia. Oi hegaegae, pablisa taudia ese March, April, eiava May lalonai, heduru eiava regula painia gaukara idia karaia dainai, idia davaria ekspiriens idia herevalaia.

17 min: “Dahaka ese Headava Ia Hanamoa Diba?” Herevalaia buka ena rau 176-7 ai idia noho daladia 8 herevalaia. Bema nega ia hegeregere, dala ta ta edia siri badadia ta eiava rua duahia bona badinaia dalana hahedinaraia, bona siri ma haida edia anina gwauraia.

15 min: “Iseda Abidadama Dainai Kara Namodia Ita Karaia.”a Paragraf 2 oi herevalaia neganai, ia haroro goadagoada Witnes ta henanadai henia. Namona be ia hahedinaraia ma haida ia haroro henia karana ese ena abidadama ia hahedinaraia bona hagoadaia.

Ane 56 bona guriguri.

[Footnote]