Kingdom Hall Konstraksen Gaukarana Ia Bada Ia Lao
1 Lagani 1983 ai, “Basileia Ena Lalo-Tamona” Distrik Hebouhebouna dekenai United States ai, idia gwau kontribusen monina do idia haboua, United States bona Canada dekenai Kingdom Hall haginia bona hanamoa gaukarana do idia durua totona. Unai nega ai ita diba lasi unai amo hahenamo badadia do idia vara. Salamo 92:4 ena hereva namona be ita dekenai ia guguru, ia gwau: “Badina be, Lohiabada e, oi ese oi karaia kara badadia ese lau idia hamoalea. Oiemu gaukara badadia dainai, mai moale bada danu ane lau abia noho.”
2 Hari, idia karaia gaukarana dainai ita moale bada. Hari inai negai, tanobada ibounai dekenai, Kingdom Hall konstraksen gaukarana ia bada ia lao. Dala idauidau ai, ita ibounai be inai gaukara ita durua diba. Unai ita karaia dalana ta be kontribusen moni bada eiava maragi ita henia, tanobada hegegemadai tomadiho gabudia ma haida haginia gaukarana durua totona. Danu, tadikaka momo ese unai bamona gaukara dekenai edia kohu, nega, diba, bona aonega idia gaukaralaia. Unai gaukara ibounai ia kwalimu, badina Iehova ese mai lalo-tamona ida ita karaia gaukarana ia hakaua, durua, bona hanamoa bada.—Sal. 127:1.
3 Brens momo ese guna United States dekenai idia noho kongregesen totona idia hamatamaia dalana idia badinaia. Tano momo edia Kingdom Hall dekenai, maua ta ia noho bona pablisa taudia ese Kingdom Hall Monina totona, idia henia kontribusen be unai maua lalonai idia atoa. United States dekenai, March 1997 ena Iseda Basileia Gaukara pepana ese ia hahedinaraia unai program lalonai gau haida idia haidaua. Ia gwau: “Lagani 1983 ai, Society ena Kingdom Hall akaun idia haginia negana amo, tadikaka ese hariharibada idia hahedinaraia, unai amo Kingdom Hall konstraksen gaukarana totona abitorehai idia henia diba. Inai tano dekenai kongregesen 2,700 mai kahana be unai dala ai heduru idia abia vadaeni. Kongregesen momo ese unai dala sibona ai Kingdom Hall matamatadia idia karaia eiava gunadia idia hanamoa diba. Hari, gau badana be unai kontribusen moni amo, ogogami tanodia edia kongregesen dekenai abitorehai ita henia. Society bona emu kontribusen amo namo bada idia davaria kongregesen ese oiemu heduru idia laloa bada.”
4 Unai hadibaia herevana ese taunimanima ia hagoadaia ia bada ia lao Kingdom Hall konstraksen program idia durua totona. Unai moni gaukaralaia dalana idia habadaia, unai amo United States dekenai Kingdom Hall konstraksen gaukarana totona abitorehai idia henia noho bona tano ma haida lalonai iseda tadikaka edia dabu gaudia idia durua. Hereva ma ta be August 1997 ena Iseda Basileia Gaukara pepana (USA gauna) lalonai ia noho, ia gwau: “Tanobada hegegemadai, Kingdom Hall konstraksen gaukarana be mai anina bada. Hesiai laganina gunana lalonai, kongregesen matamatadia 3,288 idia haginia. Unai kongregesen momo be Africa, Asia, Central bona South America, bona Eastern Europe dekenai idia noho.”
5 Unai nega amo dahaka ia vara? Lagani 2001 Yearbook ia gwau: “Unai dala ai, tano 30 lalonai, Kingdom Hall 453 idia karaia haorea, bona 727 ma haida idia karaia noho. Idia laloa bada gauna be tano ta ta ai Kingdom Hall haginidia palanina namona idia karaia, unai tano ai idia abia diba ruma haginia kohu bona idia badinaia daladia idia gaukaralaia totona. Kenya dekenai nadi idia gaukaralaia; Togo dekenai nega momo biriki idia gaukaralaia; Cameroon dekenai sement biriki idia gaukaralaia bena gabeai plasta amo idia koua. Unai dala ai, tano ta dekenai unai bamona gaukara idia karaia neganai, unai gabu tadikakadia ese diba idia abia haraga dainai mai anina bada gaukara idia karaia diba.”
6 Africa ena tano badana ai ita itaia, Iehova ese unai gaukara ia hanamoa. Idia haginia Kingdom Hall haida edia laulau oi itaia neganai, unai konstraksen gaukarana ese Iehova ena Witnes taudia edia gaukara dekenai ia havaraia namo mani oi laloa! Dala idaudia toi dekenai namo bada ia havaraia—iseda tanobada ibounai tadikaka oreana ena lalo-tamona ia hagoadaia, taunimanima edia lalohadai ita dekenai ia haidaua, bona kongregesen heboudia dekenai idia lao taudia edia namba ia habadaia. Inai udaia pepana ese Africa dekenai idia haginia Kingdom Hall ia herevalaia, to vaira negana ai do ai halasia Iseda Basileia Gaukara pepadia ese Kingdom Hall konstraksen gaukarana tanobada ena kahana ma haida dekenai do idia herevalaia.
[Pictures on page 3]
CENTRAL AFRICAN REPUBLIC
Bimbo, Bangui
Begoua, Bangui
[Pictures on page 4]
Ukonga, Tanzania
[Picture on page 4]
Accra, Ghana
[Picture on page 4]
Salala, Liberia
[Picture on page 4]
Karoi, Zimbabwe
[Pictures on page 4, 5]
Allada, Benin—Kingdom Hall gunana
Allada, Benin—Kingdom Hall matamatana
[Picture on page 5]
Kpeme, Togo
[Picture on page 5]
Sokodé, Togo
[Pictures on page 4, 5]
Fidjrosse, Benin
[Picture on page 6]
Lyenga, Zambia—Kingdom Hall gunana
[Picture on page 6]
Lyenga, Zambia—Kingdom Hall matamatana
[Picture on page 6]
Kinshasa, Congo
[Picture on page 6]
Musambira, Rwanda