Hesiai Hebou Ena Sediual

October 14 Purana

Ane 103

15 min: Kongregesen ena hadibaia herevadia. Iseda Basileia Gaukara pepana amo Hadibaia Hereva haida abia hidi. “Kingdom Hall Konstraksen Gaukarana Ia Bada Ia Lao” kikilaia. Inai tano dekenai tadikaka bona taihu ese Kingdom Hall konstraksen gaukarana idia durua dainai idia oi hanamoa. Iboudiai oi hadibaia lou idia abia hahenamo bona maduna be Kingdom Hall do idia naria bona hanamoa, herevana emui Kingdom Hall be matamata eiava gunana umui gaukaralaia. Murina kahana ena rau amo, eiava bema mai badina hua gunana amo, Gima Kohorona bona Awake! magasin herevalaia daladia rua hahedinaraia. Idia ruaosi lalonai, ura lasi herevana “Emui Gaukara Lau Diba Namonamo Vadaeni” hanaia dalana idauna hahedinaraia.​—Herevalaia bukana, rau 24 itaia.

15 min: “Hagoadaia Heheni Negana Namona.” Hereva ta. Distrik hebouhebou lao henia urana habadaia. Iboudiai hagoadaia Friday daba amo ela bona Sunday adorahi, hereva iboudiai do idia kamonai.

15 min: “ ‘Nega Ibounai Kara Namo Oi Karaia.’ ” Hamatamaia herevana be miniti ta ia hanaia lasi be namo, bena maoromaoro henanadai bona haere amo karaia. Oi hahedinaraia iseda namo totona idia hegaegaelaia mahuta gabudia abia dalana ita badinaia be mai anina bada. Paragraf 2 dekenai idia noho hadibaia herevadia foa hahedinaraia. Iboudiai ese kara namo idia karaia be mai anina bada ena badina gwauraia hedinarai.

Ane 65 bona guriguri.

October 21 Purana

Ane 206

6 min: Kongregesen ena hadibaia herevadia. Akaun ripotina. Tadikaka oi tanikiu henidia badina Papua New Guinea ai Kingdom Hall haginia gaukarana durua totona, kontribusen moni idia henia. Reana kongregesen haida be hua ta ta ai edia Kingdom Hall ena rent idia henia eiava Kingdom Hall ena abitorehai idia haloua; iboudiai oi hadibaia lou hua iboudiai unai idia karaia be edia maduna bona hahenamo. Iboudiai oi hagoadaia dina tamona hebouhebouna gunana dekenai idia torea herevadia do idia itaia lou, unai amo wiki vaira ena Hesiai Hebou dekenai idia herevalaia totona idia hegaegae.

14 min: “Mauri Durua Gaudia Idia Noho Neganai Oi Laloa Idia Hegeregere.” Hereva henia bona helai taudia ida kikilaia. Oi hahedinaraia goevagoeva unai sisiba be Baibel amo bona idia gwauraia to idia torea lasi siridia duahia bona herevalaia, emu nega hegeregerena.

15 min: “Lauma Gaudia Oi Moalelaia.” Hereva henia bona helai taudia ida kikilaia. Hebouhebou ena hereva idia kamonai namonamo be namo ena badina herevalaia. Oi hahedinaraia ita kamonai sibona lasi to ita dibaia gaudia ita badinaia be mai anina bada. Iboudiai oi hagoadaia hereva haida idia torea totona. February ena Hesiai Hebou ta lalonai, distrik hebouhebou ena program do ita riviu.

10 min: “Hemataurai Dabua Bona Tauanina Ena Toana.” Maoromaoro henanadai bona haere dalanai karaia. Elda ta ese do ia naria, bona paragraf ta ta ia herevalaia murinai idia do ia duahia. Iboudiai oi durua bena do idia diba badina be dahaka taunimanima vairanai iseda tauanina ena toana ita naria namonamo be namo.

Ane 194 bona guriguri.

October 28 Purana

Ane 110

5 min: Kongregesen ena hadibaia herevadia. Pablisa taudia hadibaia lou October ena haroro ripoti idia henia totona.

15 min: “Vidio Idauidau ese Haroro Namona Idia Henia.” Helai taudia ida kikilaia. Hesiai Hebou ena program lalonai, ita ese vidio ibounai 11 ita itaia vadaeni. Nega sisina lalonai inai hereva lalonai idia noho haheitalai oi herevalaia murinai, pablisa taudia oi noia, ma haida dekenai vidio idia hahedinaraia amo idia davaria namo idia herevalaia totona.

25 min: Dirava Ena Ura Do Umui Karaia—Satani Do Umui Tuari Henia. (Iam. 4:7) Elda ta ese inai kahana ai idia noho henanadai ia gaukaralaia bona helai taudia ida hesiai lagani gunana lalonai ita abia dina tamona hebouhebou ena program do ia herevalaia. Hebou taudia oi noia, idia dibaia gaudia be edia mauri lalonai idia gaukaralaia daladia idia hahedinaraia totona. (Kahana ta ta be idia dekenai oi henia guna be namo.) Inai program ena kahana idauidau oi herevalaia: (1) “Igui Hesiai Tanobadana ai Dirava Ena Siahu Henunai Ita Noho.” Dahaka dainai ita naria namonamo be namo, inai tanobada ena tarapu dekenai ita moru lasi totona? (2) “Ruma Bese Taudia Ta Ta ese Dirava Ena Siahu Henunai Idia Noho Idia Hahedinaraia.” Dahaka dainai Iehova ena orea lalonai, ruma bese taudia ese edia hetura heheni karana idia hagoadaia be gau badana? Edena dala ai unai ita karaia diba? (3) “Hadibaia Taudia Matamatadia Durua Iehova Ena Kahanai Idia Gini Goada Totona.” Hadibaia taudia matamatadia ese edia abidadama idia tohoa gaudia idia davaria neganai, edena bamona idia ita durua diba? (4) “Diabolo Tuari Henia Ena Anina.” Diabolo ita dadaraia mai kwalimu ida dalana be dahaka? Edena dala ai Efeso 6:11-18 ia hahedinaraia lauma tuari dabuana ese ita ia gimaia diba? (w92 5/15 21-3) (5) “Kara Dika Tauna Idia Dadaraia Noho Matamata Taudia” bona “Dirava Ena Siahu Henunai Idia Noho Bona Ena Namo Idia Davaria Matamata Taudia.” Satani ena koikoi karadia haida be dahaka, idia dainai matamata taudia idia naria namonamo be namo? Edena dala ai matamata taudia ese Iehova ena lohia siahu henunai idia noho karana amo hahenamo idia davaria? (w90-E 8/1 13-14, par. 15-17) (6) “Dirava Kamonai Henia Karana amo Namo Ita Davaria?” Keristani taudia ese gavamani ena siahu taudia, gaukara biagudia, ruma bese taudia, bona Keristani kongregesen lalonai badinaia karana idia hahedinaraia daladia oi herevalaia. Unai ita karaia totona edena karadia ese ita do idia durua?

Ane 41 bona guriguri.

November 4 Purana

Ane 66

10 min: Kongregesen ena hadibaia herevadia. Nega sisina lalonai January 2002 ena Iseda Basileia Gaukara ena udaia pepana amo Dahaka Ita Karaia? buklet bona Diba bukana hariharilaia daladia haida hahedinaraia. Hariharilaia dalana ta hahedinaraia.

13 min: “Taunimanima Ibounai amo Idia be Moale Bada Taudia.” Hamatamaia herevana be miniti ta ia hanaia lasi be namo, bena henanadai bona haere amo karaia. Hereva haida be Gima Kohorona, October 15, 1997 ena rau 6 ai ia noho herevana “Kara Haida Moale Davaria Totona” amo gwauraia.

22 min: “Kongregesen Buka Stadi Naria Taudia ese Grup Taudia Ta Ta Idia Durua Daladia.” Kongregesen Buka Stadi naria tauna ta ese henanadai bona haere amo do ia karaia. Hamatamaia herevana lalonai, nega sisina lalonai buka stadi idia karaia matamaia dalana oi hahedinaraia. (jv-E 237, par. 4) Pablisa taudia rua eiava toi oi abia hegaegae, Kongregesen Buka Stadi lalonai idia ta ta idia durua karana amo namo bada idia davaria dalana do idia hahedinaraia.

Ane 185 bona guriguri.