Lagani 2003 Ena Tiokratik Haroro Sikuli Ena Sediual

Karaia Dalana

Lagani 2003 lalonai, Tiokratik Haroro Sikuli be henunai ai torea dalana dekenai do umui karaia.

BUKA: Buka Helaga, Gima Kohorona [w], Tiokratik Haroro Sikuli amo Heduru Oi Abia [be], “Buka Helaga Ibounai be Dirava Ena Lauma amo Ia Vara Bona Ia be mai Ena Namo” [si], bona Buka Helaga Herevalaia [rs].

Sikuli be NEGA KORIKORI AI ane, guriguri, bona hanamoa herevana amo hamatamaia, bena inai bamona umui karaia:

HEREVA NAMONAMO KARANA: Miniti 5. Sikuli naria tauna, sisiba henia tauna iharuana, eiava ia manada elda tauna ma ta ese Haroro Sikuli bukana amo hereva namonamo karana ta do ia herevalaia. (Bema kongregesen ai elda be momo lasi, ia manada hesiai tauna ta umui gaukaralaia diba.) Idia henia kahana ena rau ai idia noho maua do ia herevalaidia danu. Eksasais herevalaia lasi. Unai be ta ta sibona ese ia karaia totona bona stiuden sibona dekenai durua sisiba henia neganai idia herevalaia totona.

HEREVA NAMBA 1: Miniti 10. Inai kahana be elda ta eiava hesiai tauna ta ese ia karaia be namo, bona unai be Gima Kohorona, Tiokratik Haroro Sikuli amo Heduru Oi Abia bukana, eiava “Buka Helaga Ibounai be Dirava Ena Lauma amo Ia Vara Bona Ia be mai Ena Namo” amo do ia abia. Namona be miniti 10 lalonai instraksen tok do ia henia, bona henanadai ia henia lasi. Gau badana be unai kahana ibounai ia herevalaia sibona lasi to ena namo ia gwauraia, dahaka ese kongregesen do ia durua bada ia hahedinaraia. Namona be ai torea hedinarai sinado gaukaralaia. Inai hereva idia henia tadikaka ese edia nega idia hanaia lasi be gau badana. Bema sisiba ia abia be namo, ia sibona ida iena sisiba herevalaia.

BAIBEL ENA HEREVA BADADIA: Miniti 10. Miniti ginigunadia 6 lalonai, ia manada vadaeni elda ta eiava hesiai tauna ta ese iena kongregesen do ia durua bada dalana ai inai kahana ia herevalaia namonamo. Ia ese pura ena Baibel duahiduahi ibounai amo ena hereva ia gwauraia diba, badina Hereva Namba 2 ia henia tadikaka ese ia duahia siridia do ia herevalaia lasi. Namo lasi unai karoa edia sivarai ia gwauraia sibona. To gau badana be helai taudia ia durua, bena do idia lalo-parara badina be dahaka bona edena bamona unai hereva be mai ena namo. Unai murinai, miniti 4 lalonai, hereva henia tauna ese helai taudia do ia noia haere kwadogidia (ta ta be sekeni 30 bamona) amo inai henanadai rua idia haerelaia: “Inai pura ena Baibel duahiduahi lalonai edena hereva haida be oiemu haroro gaukara lalonai eiava mauri dalana ai oi do ia durua?” bona “Dahaka hereva ese emu abidadama ia hagoadaia bona Iehova oi laloa bada karana ia habadaia?” Bena sikuli naria tauna ese sikuli iharuana ena stiuden taudia do ia siaia.

HEREVA NAMBA 2: Miniti 4. Inai be duahiduahi kahana, tadikaka ta ese ia karaia. Nega momo Baibel amo do ia duahiduahi. To nega tamona hua ta ta lalonai, inai duahiduahi kahana be Gima Kohorona amo do ia karaia. Namona be stiuden ese ia abia kahana sibona ia duahia, hamatamaia herevana eiava dokona herevana ia gwauraia lasi. Pura ta ta ai do idia duahia herevadia edia lata be idauidau, to toana be idia duahia neganai miniti 4 do ia hanaia lasi. Namona be sikuli naria tauna ese unai kahana ia itaia guna, bena stiuden edia lagani bona diba hegeregerena edia kahana ia henia diba. Namona be sikuli naria tauna ese stiuden do ia durudia lalo-parara, hereva namonamo, mai anina herevadia idia hahedinaraia maoro, gado regena idia haidaua, laga-ani dalana maorona, bona sibona edia hereva dalana ai idia duahiduahi.

HEREVA NAMBA 3: Miniti 5. Inai be taihu ta ese do ia karaia. Inai kahana idia abia stiuden ese Haroro Sikuli buka ena rau 82 ena lista amo karaia dalana ta do idia abia hidi diba eiava idia totona ta do idia torea hedinarai. Namona be stiuden ese ena hereva ena sinado ia gaukaralaia bona haroro gaukara karaia dalana korikorina ta bona kongregesen ena teritori ai idia badinaia diba dalana ia haheitalaia. Bema unai kahana ena hereva do ia tahua bukana ai torea lasi, stiuden ese hesiai tauna mai ena kamonai bona mai ena kara maoromaoro oreana ese ia halasia bukadia lalonai hereva ma haida do ia tahua bona hegaegaelaia be namo. Stiuden matamatadia dekenai, namona be edia hereva do idia tahua bukadia ai torea hedinarai kahana ta umui henia. Sikuli naria tauna be stiuden ese iena kahana ia herevalaia dalana bona ruma tauna ia durua Baibel siridia ia laloa namonamo bona hereva badadia ia lalo-pararalaia daladia do ia laloa. Inai kahana idia abia stiuden idia duahiduahi diba be namo. Sikuli naria tauna ese durua taihuna ta do ia abia hidi.

HEREVA NAMBA 4: Miniti 5. Namona be stiuden ese ai torea hedinarai sinado ia gaukaralaia. Bema unai kahana ena hereva do ia tahua bukana ai torea lasi, stiuden ese hesiai tauna mai ena kamonai bona mai ena kara maoromaoro oreana ese ia halasia bukadia lalonai hereva ma haida do ia tahua bona hegaegaelaia be namo. Tadikaka ta ese inai kahana ia abia neganai, Kingdom Hall lalonai idia helai taudia vairanai hereva do ia henia. To taihu ta ese inai kahana ia abia neganai, namona be nega ibounai Hereva Namba 3 bamona ia karaia. Mani inai asterisk (*) maka ia noho kahana be tadikaka sibona dekenai henia, idia ese hereva do idia henia.

NEGA: Namona be hereva henia taudia eiava sisiba ia henia tauna ese nega idia hanaia lasi. Hereva Namba 2, 3 bona 4 hadokoa negana korikori ia ginidae neganai, namona be mai aonega ida idia hadokodia. Bema hereva namonamo karana ta, Hereva Namba 1, eiava Baibel ena hereva badadia idia henia tadikaka ese edia nega idia hanaia, namona be ia sibona ida iena sisiba herevalaia. Namona be ibounai ese edia nega idia laloa bada. Sikuli ena nega ibounai be miniti 45, ane bona guriguri edia miniti ita duahia lasi.

SISIBA: Miniti 1. Stiuden ta ta ese ena hereva ia henia murinai, sikuli naria tauna be miniti tamona bamona lalonai stiuden ia karaia namonamo gaudia haida do ia herevalaia. “Namo herea” sibona do ia gwauraia lasi, to hereva idia henia namonamo ena badina namodia haida ia gwauraia danu. Stiuden ta ta ese do ia abia heduru hegeregerena, reana ia sibona ida hebou murinai eiava ma nega ta ai ena durua sisiba ma haida herevalaia.

SISIBA HENIA TAUNA IHARUANA: Elda oreana ese ia manada vadaeni elda ta, bema ta ia noho sikuli naria tauna ia durua totona, do idia abia hidi bona ia be sisiba henia tauna iharuana ai do ia lao. Iena maduna be Hereva Namba 1 bona Baibel ena hereva badadia idia henia tadikaka sibodia ida edia sisiba do ia herevalaia, bema ia laloa kahana haida idia hanamoa be namo. Elda eiava hesiai taudia ese unai bamona hereva ta ta iboudiai idia henia murinai sisiba ia henia be anina lasi. Inai kahana be lagani 2003 lalonai do ia matamaia, bona gabeai gau haida idia haidaua diba.

SISIBA PEPANA: Sikuli bukana ai.

RIVIU: Miniti 30. Hua rua rua murinai, sikuli naria tauna ese herevahereva dalana ai riviu do ia hakaua. Hereva namonamo karana bona Baibel ena hereva badadia be ataiai ai gwauraia hegeregerena idia henia murinai, unai riviu do umui karaia. Riviu lalonai do umui herevalaia gaudia be hua gunadia rua bona riviu ena pura amo do ia abia.

SEDIUAL

Jan. 6 Baibel Duahiduahi: Mataio 1-6 Ane 91

Hereva Namonamo Karana: Tiokratik Haroro Sikuli Dekenai Oi Ai Welkam Henia (be rau 5 par. 1–rau 8 par. 1)

No. 1: Dirava Ena Hereva Oi Moalelaia (be rau 9 par. 1–rau 10 par. 1)

No. 2: Mataio 4:​1-​22

No. 3: Edena Dala ai Nega Dokona Ena Toana be mai Anina Keristani Taudia Momokanidia Dekenai? (rs rau 87 par. 3–rau 88 par. 1)

No. 4: Hari Iesu be Dahaka Ia Karaia?

Jan. 13 Baibel Duahiduahi: Mataio 7-​11 Ane 40

Hereva Namonamo Karana: Dina Iboudiai Baibel Oi Duahia (be rau 10 par. 2−rau 12 par. 3)

No. 1: “Unai Bamona Do Umui Heau” (w01 1/1 rau 28-​31)

No. 2: Mataio 9:​9-​31

No. 3: Ma Haida Ita Haroro Henia Ena Badina

No. 4: Dahaka Dainai Iehova Ena Witnes Taudia Idia Gwau, “Dina Gabedia” be Lagani 1914 Lalonai Ia Matamaia? (rs rau 88 par. 3–rau 89 par. 2)

Jan. 20 Baibel Duahiduahi: Mataio 12-​15 Ane 133

Hereva Namonamo Karana: Duahia Maoro (be rau 83 par. 1–rau 84 par. 1)

No. 1: Lalo-Manoka Oi Haheaukalaia Diba! (w01 2/1 rau 20-3)

No. 2: Mataio 13:​1-​23

No. 3: Inai Tanobada Negana Ena Dokona Murinai, Taunimanima Haida be Tanobada ai Do Idia Mauri Noho, A? (rs rau 89 par. 3–rau 90 par. 3)

No. 4: Dirava ese Ena Kara Ia Haidaua, A?

Jan. 27 Baibel Duahiduahi: Mataio 16-​21 Ane 129

Hereva Namonamo Karana: Duahia Maoro Dalana (be rau 84 par. 2–rau 85 par. 3)

No. 1: Nega Ia Lao Haraga (si Stadi Namba 2 par. 1-6)

No. 2: w01 1/15 rau 20 par. 20–rau 21 par. 24

No. 3: Dahaka ese Taunimanima Do Ia Hatamonaia?

No. 4: Dahaka Dainai Dirava Ia Naria Daudau Guna Bena Kara Dika Taudia Do Ia Haoredia? (rs rau 90 par. 4-6)

Feb. 3 Baibel Duahiduahi: Mataio 22-​25 Ane 139

Hereva Namonamo Karana: Hereva Gwauraia Goevagoeva (be rau 86 par. 1-6)

No. 1: ‘Emu Kamonai Oi Naria Namonamo’ (be rau 13 par. 1–rau 14 par. 5)

No. 2: Mataio 22:​15-​40

No. 3: Toa Idauidau be Hari Iseda Nega Lalonai Idia Vara Ita Hamomokania Dalana (rs rau 91 par. 1-4)

No. 4: Hesiai Tauna mai Ena Kamonai, Bona mai Ena Kara Maoromaoro Tauna be Daika?

Feb. 10 Baibel Duahiduahi: Mataio 26-​28 Ane 27

Hereva Namonamo Karana: Hereva Goevagoeva Dalana (be rau 87 par. 1–rau 88 par. 3)

No. 1: Moale Korikori Davaria Dalana (w01 3/1 rau 4-7)

No. 2: Mataio 26:​6-​30

No. 3: Drag Dikadia Lau Dadaraia Ena Badina

No. 4: Taunimanima be Dahaka Totona Idia Mauri? (rs rau 285 par. 3–rau 286 par. 3)

Feb. 17 Baibel Duahiduahi: Mareko 1-4 Ane 137

Hereva Namonamo Karana: Hereva Gwauraia Maoro​​—Inai Oi Laloa be Namo (be rau 89 par. 1–rau 90 par. 2)

No. 1: Baibel Ia Herevalaia Nega Duahia Gaudia (si Stadi Namba 2 par. 7-​13)

No. 2: w01 2/15 rau 25 par. 10–rau 26 par. 14

No. 3: Dirava ese Taunimanima Ia Havaraia, Lagani Haida Do Idia Mauri Bena Do Idia Mase Totona, A? (rs rau 286 par. 4–rau 287 par. 2)

No. 4: Laki Gadara Ia Maoro Lasi Ena Badina

Feb. 24 Baibel Duahiduahi: Mareko 5-8 Ane 72

Hereva Namonamo Karana: Hereva Gwauraia Hanamoa Daladia (be rau 90 par. 3–rau 92)

Riviu

Mar. 3 Baibel Duahiduahi: Mareko 9-​12 Ane 195

Hereva Namonamo Karana: Hereva Namonamo (be rau 93 par. 1–rau 94 par. 3)

No. 1: Idia Henia Herevadia, Henanadai Bona Haere Kahadia ai, Bona Sekit Bona Distrik Hebouhebou Lalodiai Oi Kamonai (be rau 15 par. 1–rau 16 par. 5)

No. 2: Mareko 10:​1-​22

No. 3: Dirava amo Goada Ita Abia Diba Dalana

No. 4: Dahaka ese Mauri Hanaihanai Abia Dalana Ia Kehoa? (rs rau 288 par. 4-6)

Mar. 10 Baibel Duahiduahi: Mareko 13-​16 Ane 187

Hereva Namonamo Karana: Hereva Namonamo Ena Hanamoa Daladia (be rau 94 par. 4–rau 96 par. 2, to rau 95 ai ia noho maua herevalaia lasi)

No. 1: Lauma Paradaisona be Dahaka? (w01 3/1 rau 8-​11)

No. 2: Mareko 13:​1-​23

No. 3: Mauri Gabena be Edena Dala amo Do Idia Davaria? (rs rau 288 par. 7–rau 289 par. 1)

No. 4: Taunimanima Edia Tuari Lalonai Dirava be Kahana ta Ia Durua, A?

Mar. 17 Baibel Duahiduahi: Luka 1-3 Ane 13

Hereva Namonamo Karana: Lanalana Biagua Dalana (be rau 95, maua)

No. 1: ‘Aonega Ia Davaria Tauna be Ia Moale’ (w01 3/15 par. 25-8)

No. 2: Luka 3:​1-​22

No. 3: Iesu Ita Tomadiho Henia be Maoro, A?

No. 4: aTaunimanima be Gavamani Ena Taravatu Hegeregerena Idia Headava be Gau Badana, Eiava? (rs rau 171 par. 2–rau 172 par. 1)

Mar. 24 Baibel Duahiduahi: Luka 4-6 Ane 156

Hereva Namonamo Karana: Maka Maragidia Gabudiai Bona Lalohadai Ta Ta Murinai Laga-Ani (be rau 97 par. 1–rau 98 par. 5)

No. 1: Oi Laloa Haida ese Emu Kara Idia Laloa Kerere, A? (w01 4/1 rau 20-3)

No. 2: Luka 6:​1-​23

No. 3: Memorial be Dahaka Totona Idia Karaia? (rs rau 309 par. 1–rau 310 par. 1)

No. 4: Keristani Taudia ese Dirava Ena Heduru Idia Abia Diba, A?

Mar. 31 Baibel Duahiduahi: Luka 7-9 Ane 47

Hereva Namonamo Karana: Mai Anina Gaudia Hahedinaraia Totona Laga-Ani, Kamonai Totona Laga-Ani (be rau 99 par. 1–rau 100 par. 4)

No. 1: “Dirava Momokanina Do Oi Gari Henia, Bona Iena Oda Do Oi Badinaia” (be rau 272 par. 1–rau 275 par. 3)

No. 2: w01 3/15 rau 18 par. 17–rau 19 par. 20

No. 3: Baibel be Dirava Ena amo Ia Mai Ita Diba Dalana

No. 4: Memorial Dekenai Paraoa Bona Uaina be Dahaka Idia Laulaulaia? (rs rau 310 par. 2-3)

Apr. 7 Baibel Duahiduahi: Luka 10-​12 Ane 68

Hereva Namonamo Karana: Mai Anina Herevadia Hahedinaraia Maoro (be rau 101 par. 1–rau 102 par. 4)

No. 1: “Iesu Ena Hereva Momokani Idia Gwauraia Hedinarai” (be rau 275 par. 4–rau 278 par. 4)

No. 2: Luka 10:​1-​22

No. 3: Lohiabada Ena Anibou Dekenai Daidia ese Paraoa Idia Ania Bona Uaina Idia Inua be Maoro? (rs rau 310 par. 5–rau 311 par. 1)

No. 4: Headava Ginigunana be Edena Bamona Idia Karaia? (rs rau 172 par. 2-3)

Apr. 14 Baibel Duahiduahi: Luka 13-​17 Ane 208

Hereva Namonamo Karana: Mai Anina Herevadia Hahedinaraia Totona Hanamoa Daladia (be rau 102 par. 5–rau 104 par. 4)

No. 1: “Basileia Ena Sivarai Namona” (be rau 279 par. 1–rau 281 par. 4)

No. 2: Luka 15:​11-​32

No. 3: Demoni Edia Siahu Ita Koua Dalana

No. 4: Memorial be Nega Hida Bona Edena Negai Idia Karaia be Maoro? (rs rau 312 par. 1-2)

Apr. 21 Baibel Duahiduahi: Luka 18-​21 Ane 23

Hereva Namonamo Karana: Lalohadai Badadia Hahedinaraia (be rau 105 par. 1–rau 106 par. 1)

No. 1: Iehova be Aonega Bona Lalokau Dekenai, Lagani Lalodiai Nega Idauidau Ia Gwauraia Hidi (si Stadi Namba 2 par. 14-​17)

No. 2: w01 4/15 rau 6 par. 19–rau 7 par. 22

No. 3: Toreisi-Lou Helarona ese Iseda Mauri Ia Haidaua Dalana

No. 4: bBaibel ese Adavana Momo Adavaia Karana Ia Gwauraia Dika, Eiava? (rs rau 172 par. 4–rau 173 par. 5)

Apr. 28 Baibel Duahiduahi: Luka 22-​24 Ane 218

Hereva Namonamo Karana: Gado Regena Ena Bada Kamonai Taudia Dekenai (be rau 107 par. 1–rau 108 par. 4)

Riviu

May 5 Baibel Duahiduahi: Ioane 1-4 Ane 31

Hereva Namonamo Karana: Emu Gado Regena Ena Bada Hanamoa Daladia (be rau 108 par. 5–rau 110 par. 2)

No. 1: Emu Laloatao Karana Oi Hanamoa Diba (be rau 17 par. 1–rau 19 par. 1)

No. 2: Ioane 2:​1-​25

No. 3: Dirava ese Kekero Muramura Inua Karana Ia Gwauraia Dika, A?

No. 4: cDirava Ena Lalohadai Headava Hapararaia Karana Dekenai be Dahaka? (rs rau 174 par. 1)

May 12 Baibel Duahiduahi: Ioane 5-7 Ane 150

Hereva Namonamo Karana: Gado Regena Haidaua​​—Emu Gado Regena Habadaia Eiava Hamaragia (be rau 111 par. 1–rau 112 par. 2)

No. 1: Herevana Edena Bamona Oi Tubu Daekau Oi Kwalimu Diba (w01 4/15 rau 25-8)

No. 2: Ioane 5:​1-​24

No. 3: Dirava ese Tau ta Dekenai Dahaka Do Ia Vara Ia Gwauraia Hidi Vadaeni Ena Hadibaia Herevana be Maoro Lasi Ena Badina

No. 4: dHeadava Hadokoa Bona Headava Lou Karana be Baibel ese Edena Bamona Ia Gwauraia? (rs rau 175 par. 1-4)

May 19 Baibel Duahiduahi: Ioane 8-​11 Ane 102

Hereva Namonamo Karana: Gado Regena Haidaua​​—Emu Hereva Ena Haraga Haidaua (be rau 112 par. 3–rau 113 par. 1)

No. 1: ‘Aonega ese Iseda Mauri Dinadia Do Ia Halataia’ (w01 5/15 rau 28-​31)

No. 2: Ioane 10:​16-​42

No. 3: Badina be Dahaka Gunaguna Dirava ese Tatau be Sibodia Edia Taihudia Adavadia Karana Ia Taravatua Lasi? (rs rau 175 par. 5–rau 176 par. 1)

No. 4: Lalo-hekwarahi Haheaukalaia Dalana

May 26 Baibel Duahiduahi: Ioane 12-​16 Ane 24

Hereva Namonamo Karana: Gado Regena Haidaua​​—Emu Gado Regena Ena Tiuni Oi Haidaua (be rau 113 par. 2–rau 114 par. 3)

No. 1: Lagani Bona Revareva Helagadia (si Stadi Namba 2 par. 18-​23)

No. 2: w01 5/1 rau 14 par. 4–rau 15 par. 7

No. 3: Ita be “Tanobada Ena Lasi” Ena Anina

No. 4: Dahaka ese Headava Ia Hanamoa Diba? (rs rau 176 par. 2-5)

June 2 Baibel Duahiduahi: Ioane 17-​21 Ane 198

Hereva Namonamo Karana: Hemami Hahedinaraia Dalanai Oi Hereva (be rau 115 par. 1–rau 116 par. 4)

No. 1: Laloatao Karana Dekenai Dirava Ena Lauma Ena Gaukara (be rau 19 par. 2–rau 20 par. 2)

No. 2: Ioane 20:​1-​23

No. 3: Dahaka ese Headava Ia Hanamoa Diba? (rs rau 176 par. 6–rau 177 par. 3)

No. 4: Tomadiho Oreadia be Gau Badana, A?

June 9 Baibel Duahiduahi: Kara 1-4 Ane 92

Hereva Namonamo Karana: Oi Herevalaia Gauna Hegeregerena Ura Bada Oi Hahedinaraia (be rau 116 par. 5–rau 117 par. 4)

No. 1: Iehova Dekenai Emu Abidadama Oi Hagoadaia (w01 6/1 rau 7-​10)

No. 2: Kara 4:​1-​22

No. 3: Maria Sivaraina Baibel Lalonai Idia Torea ese Dahaka Ia Hadibaia Ita Dekenai? (rs rau 266 par. 3–rau 267 par. 5)

No. 4: Dirava ese Iseda Tomadiho Dalana Ia Laloa Bada, A?

June 16 Baibel Duahiduahi: Kara 5-7 Ane 2

Hereva Namonamo Karana: Hebogahisi Oi Hahedinaraia (be rau 118 par. 1–rau 119 par. 5)

No. 1: Dika Gwauraia Hedinarai Karana ese Lauma Dalanai Namo Ia Havaraia (w01 6/1 rau 28-​31)

No. 2: Kara 7:​1-​22

No. 3: Iehova ena Witnes Taudia be Ma Tomadiho Haida amo Idia Idau Dalana

No. 4: Maria be Iesu Ia Abia Neganai, Ia be Momokani Rami-Hebou Kekenina, A? (rs rau 267 par. 6-7)

June 23 Baibel Duahiduahi: Kara 8-​10 Ane 116

Hereva Namonamo Karana: Hemami Oi Hahedinaraia (be rau 119 par. 6–rau 120 par. 5)

No. 1: Tama Sina Lasi Maragidia Bona Vabu mai Edia Hisihisi Oi Naridia (w01 6/15 rau 9-​12)

No. 2: w01 6/1 rau 12 par. 1–rau 13 par. 5

No. 3: Maria be Rami-Hebou Kekenina Ela Bona Ia Mase, A? (rs rau 268 par. 1-3)

No. 4: eLauma Dalanai Ita Tubu Totona Hebou Lao Henia be Gau Badana Ena Badina

June 30 Baibel Duahiduahi: Kara 11-​14 Ane 167

Hereva Namonamo Karana: Imana Gaukaralaia Bona Vairana Ena Toana be Gau Badana (be rau 121 par. 1-4)

Riviu

July 7 Baibel Duahiduahi: Kara 15-​17 Ane 38

Hereva Namonamo Karana: Imana Gaukaralaia Bona Vairana Ena Toana (be rau 122 par. 1–rau 123 par. 4)

No. 1: Dahaka Dainai Duahiduahi Karana Oi Goadalaia? (be rau 21 par. 1–rau 23 par. 3)

No. 2: Kara 15:​1-​21

No. 3: Iehova Ena Lohia Siahuna Ita Abia-Isi Dalana

No. 4: Maria be Dirava Ena Sinana, A? (rs rau 269 par. 1-3)

July 14 Baibel Duahiduahi: Kara 18-​21 Ane 32

Hereva Namonamo Karana: Kamonai Taudia Itaia, Haroro Gaukara Lalonai (be rau 124 par. 1–rau 125 par. 4)

No. 1: Daradara ese Emu Abidadama Ia Hadikaia Lasi be Namo (w01 7/1 rau 18-​21)

No. 2: Kara 19:​1-​22

No. 3: fMaria Ia Vara Negana amo Ia be mai Ena Kara Dika Lasi, A? (rs rau 269 par. 4–rau 270 par. 1)

No. 4: ‘Basileia Do Ita Tahua Guna’ Ena Anina

July 21 Baibel Duahiduahi: Kara 22-​25 Ane 222

Hereva Namonamo Karana: Kamonai Taudia Itaia, Pablik Tok Oi Henia Neganai (be rau 125 par. 5–rau 127 par. 1)

No. 1: Oi be Haheauka Tauna Momokanina, A? (w01 7/15 rau 21-3)

No. 2: Kara 24:​1-​23

No. 3: Diabolo Ia Noho Momokani, A?

No. 4: gMaria be Guba Dekenai Ia Daekau mai Ena Tauanina ida, A? (rs rau 270 par. 2-3)

July 28 Baibel Duahiduahi: Kara 26-​28 Ane 14

Hereva Namonamo Karana: Sibona Emu Hereva Dalana, Haroro Gaukara Lalonai (be rau 128 par. 1–rau 129 par. 1)

No. 1: Lagani 0 be Lasi (si Stadi Namba 2 par. 24-6)

No. 2: w01 7/1 rau 13 par. 5–rau 14 par. 8

No. 3: Maria be Ita Dainai Dirava Do Ia Noia Totona Ita Guriguri Henia be Maoro, Eiava? (rs rau 271 par. 1-3)

No. 4: Ita Hahedinaraia Mauri, Harihari Gauna Unai, Ita Matauraia Dalana

Aug. 4 Baibel Duahiduahi: Roma 1-4 Ane 106

Hereva Namonamo Karana: Sibona Emu Hereva Dalana, Platfom Dekenai (be rau 129 par. 2–rau 130 par. 1)

No. 1: Duahiduahi Karana Oi Goadalaia Dalana (be rau 23 par. 4–rau 26 par. 4)

No. 2: Roma 2:​1-​24

No. 3: Gunaguna Oi Mauri Noho, A?

No. 4: Aposetolo Edia Negai Keristani Ekalesiana Lalonai Maria Idia Matauraia Bada, A? (rs rau 272 par. 2-6)

Aug. 11 Baibel Duahiduahi: Roma 5-8 Ane 179

Hereva Namonamo Karana: Sibona Emu Hereva Dalana, Taunimanima Edia Vairanai Oi Duahiduahi Neganai (be rau 130 par. 2-4)

No. 1: ‘Kara Maoromaoro Tauna ese Hahenamo Do Ia Abia’ (w01 7/15 rau 24-7)

No. 2: Roma 5:​6-​21

No. 3: hUmui ese Rami-Hebou Kekenina Maria Sivaraina Umui Abia Dae, A? (rs rau 273 par. 1-3)

No. 4: Souli be Tauanina Idauna ta Lalonai Ia Vara Lou Hadibaia Herevana Oi Abia Dae be Namo, A?

Aug. 18 Baibel Duahiduahi: Roma 9-​12 Ane 206

Hereva Namonamo Karana: Goeva Karana ese Ita Gwauraia Herevana Ia Hahairaia (be rau 131 par. 1-3)

No. 1: Oi Manadalaia Karadia amo Namo Oi Abia (w01 8/1 rau 19-​22)

No. 2: w01 8/15 rau 22 par. 10-​13

No. 3: Taunimanima ese Baibel Idia Haidaua, Eiava?

No. 4: Paraoa Bona Uaina be Momokani Idia Senisi Bona Keriso Ena Tauanina Bona Ena Rarana ai Idia Lao, A? (rs rau 281 par. 1–rau 282 par. 1)

Aug. 25 Baibel Duahiduahi: Roma 13-​16 Ane 43

Hereva Namonamo Karana: Manau Bona Laloa Maoromaoro Karana ese ta Ena Dabua Bona Tauanina Ena Toana Ia Haidaua Dalana (be rau 131 par. 4–rau 132 par. 3)

Riviu

Sept. 1 Baibel Duahiduahi: 1 Korinto 1-9 Ane 48

Hereva Namonamo Karana: Idia Kwatua Namonamo Dabua Ena Namo (be rau 132 par. 4–rau 133 par. 1)

No. 1: Stadi Dalana (be rau 27 par. 1−rau 31 par. 2)

No. 2: 1 Korinto 3:​1-​23

No. 3: Ioane 6:​53-​57 Ena Anina be Dahaka? (rs rau 282 par. 2-3)

No. 4: Ita Ogogami Dainai Ita Henaohenao be Maoro, A?

Sept. 8 Baibel Duahiduahi: 1 Korinto 10-​16 Ane 123

Hereva Namonamo Karana: Toana Namona ese Ma Haida Ia Hahekwakwanaia Lasi (be rau 133 par. 2-4)

No. 1: Oi Goada Oi Lao Dalana Idia Koua Gaudia Oi Kokia! (w01 8/1 rau 28-​30)

No. 2: 1 Korinto 12:​1-​26

No. 3: Dahaka Dainai Dirava ese Idia Vara Gau Dikadia Ia Koua Lasi?

No. 4: Iesu ese Mass Hebouna Ia Hamatamaia, A? (rs rau 282 par. 4–rau 285 par. 1)

Sept. 15 Baibel Duahiduahi: 2 Korinto 1-7 Ane 16

Hereva Namonamo Karana: Gini Dalana Bona Gau Idauidau Edia Toana Namona (be rau 134 par. 1-5)

No. 1: Emu Matamata Negana ai Oi Kwalimu (w01 8/15 rau 4-7)

No. 2: 2 Korinto 6:1–​7:1

No. 3: Keristani Tauna ese Gavamani Ena Siahu Taudia Ia Laloa Dalana (rs rau 134 par. 2–rau 135 par. 2)

No. 4: Taunimanima ese Tanobada Idia Hadikaia Karana be Dirava ese Ia Laloa, Eiava?

Sept. 22 Baibel Duahiduahi: 2 Korinto 8-​13 Ane 207

Hereva Namonamo Karana: Lalo-Hekwarahi Hamaragia Dalana (be rau 135 par. 1–rau 137 par. 2)

No. 1: Abia Hidi Namona Oi Karaia Diba Dalana (w01 9/1 rau 27-​30)

No. 2: 2 Korinto 8:​1-​21

No. 3: Mase Murinai Souli Dekenai Ia Vara Karana

No. 4: Baibel Siridia ese Keristani Tauna Ena Lalohadai Tuari Karadia Dekenai Ia Haidaua (rs rau 135 par. 3–rau 136 par. 2)

Sept. 29 Baibel Duahiduahi: Galatia 1-6 Ane 163

Hereva Namonamo Karana: Gari Lasi Toana Hahedinaraia Daladia (be rau 137 par. 3–rau 138 par. 5)

No. 1: Dina Badadia be mai Anina Bada (si Stadi Namba 2 par. 27-​30)

No. 2: w01 9/1 rau 15 par. 8–rau 17 par. 11

No. 3: Edena Negai Dirava ese Israela Taudia Ia Gwaumaoro Henidia Do Idia Tuari Totona? (rs rau 136 par. 3–rau 137 par. 3)

No. 4: Dirava Ena Basileia Ia Lohia Ita Diba Dalana

Oct. 6 Baibel Duahiduahi: Efeso 1-6 Ane 99

Hereva Namonamo Karana: Gado Regena Habadaia be Gau Badana (be rau 139 par. 1–rau 140 par. 2)

No. 1: Stadi Ena Namo be Bada (be rau 31 par. 3–rau 32 par. 4)

No. 2: Efeso 2:​1-​22

No. 3: Dirava Ita Abidadama Henia be Maoro

No. 4: Edena Baibel Siridia ese Keristani Tauna Ena Lalohadai Politikol Karadia Dekenai Ia Haidaua? (rs rau 137 par. 4–rau 138 par. 4)

Oct. 13 Baibel Duahiduahi: Filipi 1–Kolose 4 Ane 105

Hereva Namonamo Karana: Maikrofon Gaukaralaia Namonamo (be rau 140 par. 3–rau 142 par. 2)

No. 1: ‘Kara Maoromaoro Dalana’ ai Oi Raka (w01 9/15 rau 24-8)

No. 2: Filipi 2:​1-​24

No. 3: Edena Baibel Siridia ese Keristani Tauna Ena Lalohadai Bese Abia Isi Karadia Dekenai Ia Haidaua? (rs rau 138 par. 5–rau 140 par. 1)

No. 4: Iehova Ia Ura Hari Ita Karaia Karana

Hereva Namonamo Karana: Baibel amo Haere Dalana (be rau 143 par. 1-3)

No. 1: Iehova Ena Lalohadai Nega Dekenai (si Stadi Namba 2 par. 31-3)

No. 2: w01 10/15 rau 23 par. 6–rau 24 par. 9

No. 3: Daidia be Guba Dekenai Do Idia Lao?

No. 4: Keristani Taudia Idia Gini Siri Ena Anina be Edia Dekena Taudia Edia Namo Idia Tahua Lasi, A? (rs rau 140 par. 2)

Oct. 27 Baibel Duahiduahi: 1 Timoteo 1–2 Timoteo 4 Ane 46

Hereva Namonamo Karana: Baibel Gaukaralaia Karana Hanamoa Dalana (be rau 144 par. 1-4)

Riviu

Nov. 3 Baibel Duahiduahi: Tito 1–Filemona Ane 30

Hereva Namonamo Karana: Baibel Gaukaralaia Totona Hagoadaia (be rau 145-6)

No. 1: Baibel amo Tahua Karana Karaia Dalana (be rau 33 par. 1–rau 35 par. 2)

No. 2: Filemona 1-​25

No. 3: Mauri Goevadaena Do Ita Hesikulaia, A?

No. 4: Inai Ladana “Iehova” be Keristani Greek Revarevadia Torea Taudia ese Idia Torea, Eiava? (rs rau 195 par. 4–rau 196 par. 2)

Nov. 10 Baibel Duahiduahi: Heberu 1-8 Ane 149

Hereva Namonamo Karana: Siri Gwauraia Matamaia Namonamo be Gau Badana (be rau 147 par. 1–rau 148 par. 2)

No. 1: Enoka​​—Dirava Dadaraia Tanobada ai Dirava ida Ia Raka (w01 9/15 rau 29-​31)

No. 2: Heberu 2:​1-​18

No. 3: iBema ta Ia Gwau, ‘Baibel be Kopi Kurokuro Taudia Edia Buka’ (rs rau 62 par. 2-3)

No. 4: Edena Dala ai Toreisi-Lou Taudia Do Idia Kota Henia Edia Kara Hegeregerena?

Nov. 17 Baibel Duahiduahi: Heberu 9-​13 Ane 144

Hereva Namonamo Karana: Hereva Maorodia Abia Hidi Siri Gwauraia Matamaia Totona (be rau 148 par. 3–rau 149 par. 3)

No. 1: Badinaia Karana Ita Hahedinaraia Ena Anina be Dahaka? (w01 10/1 rau 20-3)

No. 2: Heberu 9:​11-​28

No. 3: Iehova Ena Guba Taudia, Aneru, be Orea ta Lalonai Idia Gaukara Hebou, A? (rs rau 315 par. 2-3)

No. 4: Dirava Badinaia Karadia Do Ita Karaia Ena Namo

Nov. 24 Baibel Duahiduahi: Iamesi 1-5 Ane 88

Hereva Namonamo Karana: Anina Hahedinaraia Neganai Hemami Oi Hahedinaraia (be rau 150 par. 1-2)

No. 1: Idia Vara Gaudia Edia Nega Makaia Dalana (si Stadi Namba 3 par. 1-4)

No. 2: w01 11/1 rau 11 par. 15–rau 13 par. 19

No. 3: Manau Karana Ena Namo

No. 4: Nega Gunadia ai Dirava ese Edena Dala amo Iena Hesiai Taudia Tanobada Dekenai Ia Hadibadia? (rs rau 315 par. 4–rau 316 par. 1)

Dec. 1 Baibel Duahiduahi: 1 Petero 1–2 Petero 3 Ane 54

Hereva Namonamo Karana: Hereva Maorodia Oi Hahedinaraia (be rau 150 par. 3–rau 151 par. 3)

No. 1: Tulu Ma Haida Gaukaralaia Dalana Oi Dibaia (be rau 35 par. 3–rau 38 par. 4)

No. 2: 1 Petero 1:​1-​16

No. 3: Baibel ese Ia Hahedinaraia Keristani Momokani Taudia be Orea ta Lalonai Do Idia Gaukara Hebou, A? (rs rau 316 par. 3–rau 317 par. 3)

No. 4: Keriso Ena Mauri Davalaia Boubouna ese Iseda Mauri Ia Haidaua Dalana

Dec. 8 Baibel Duahiduahi: 1 Ioane 1–Iuda Ane 22

Hereva Namonamo Karana: Hahedinaraia Daladia (be rau 151 par. 4–rau 152 par. 5)

No. 1: Oiemu Lalona Ena Mamina Oi Gimaia (w01 11/1 rau 4-7)

No. 2: 1 Ioane 3:​1-​18

No. 3: Hahine Idia Matauraia Lasi Karadia be Baibel Ena Kerere Lasi Ena Badina

No. 4: Dirava Ena Hesiai Taudia mai Edia Kamonai be Kerisendom Ena Dubu Oreadia Idauidau Lalodiai Idia Noho, A? (rs rau 317 par. 4–rau 318 par. 2)

Dec. 15 Baibel Duahiduahi: Apokalupo 1-6 Ane 219

Hereva Namonamo Karana: Siri Edia Anina Gwauraia Maoro (be rau 153 par. 1–rau 154 par. 3)

No. 1: Noa Ena Abidadama ese Tanobada Taudia Ibounai Ia Kota Henia Bamona (w01 11/15 rau 28-​31)

No. 2: Apokalupo 2:​1-​17

No. 3: Iehova Ena Orea Hari Inai Nega be Dahaka Toana amo Ita Dibaia? (rs rau 318 par. 3-9)

No. 4: Keristani Taudia ese Krismas Idia Moalelaia Lasi Ena Badina

Dec. 22 Baibel Duahiduahi: Apokalupo 7-​14 Ane 6

Hereva Namonamo Karana: Siri Edia Anina Oi Gwauraia Goevagoeva (be rau 154 par. 4–rau 155 par. 4)

No. 1: Lauma Dalanai Kudou Gorerena Oi Reaia Diba (w01 12/1 rau 9-​13)

No. 2: w01 12/15 rau 17 par. 10–rau 18 par. 13 (futnout danu)

No. 3: Turadia Edia Lalo-Ani Karadia Dadaraia Dalana

No. 4: Iehova Ena Orea be Edena Bamona Ita Matauraia Diba? (rs rau 319 par. 1-5)

Dec. 29 Baibel Duahiduahi: Apokalupo 15-​22 Ane 60

Hereva Namonamo Karana: Baibel Oi Herevalaia (be rau 155 par. 5–rau 156 par. 5)

Riviu

[Footnotes]